ليه الواحد بيتنح بعد ما بيفطر

**hemalotfy** · 12-08-2010 02:15 AM

اولا كل سنة وانت طيبين بمناسبة الشهر الفضيل

الواحد بعد ما بيخلص افطار تلقيه تنح وبقى عايز ينام وخلاص مش قادر مع ان الواحد طول النهار مش حاسس بالصيام ومش تعبان بس جيت قبل المغرب بساعة عطشت جامد واول ما ياذن المغرب اكل 3 تمرات وشربت ميه وعصير واروح اصلي المغرب بعد كده اجي ادوس وانسف اللي قدامي وبعد كده اشرب عرق سوس واكل اي فاكهة يدوب امدد 10 دقائق العشاء تاذن اروح اصلي العشاء والتراويح بس ببقى مش قادر بحس اني عايز انام او مهيس او متنح ومش انا بس معظم الناس بتبقى كده

لما كنا في السعوديه كان فيه هناك نظام كويس جدا ياريت يتعمل هنا بيأخرو صلاة العشاء ساعتين تقريبا يعني مثلا المغرب بيأذن الساعة 6 يبقى طول رمضان العشاء تاذن الساعة 8 كان الواحد ريح وهضم شوية او على الاقل ينام نص ساعة

**د.محمود صلاح** · 12-08-2010 02:29 AM

الدورة الدموية تنسحب من باقى الجسم لتتكثف عند الجهاز الهضمي لإتمام عملية الأكل وبالتالي تحس بالخمول والرغبة في النوم

**M.Osman** · 12-08-2010 02:31 AM

يااااااااااااااه
انا فاكر موضوع زي كدا اتفتح رمضان اللي فات هنا في المنتدى ... (تقريباً احمد كمال)

كل سنة و انتوا طيبين

**M.Osman** · 12-08-2010 02:34 AM

معلش ...يأخروا العشاء ازاي يعني ؟؟
ممكن قصدك زيادة المدة بين الأذان والإقامة ؟

**ahmed-moga** · 12-08-2010 02:41 AM

السعوديين بياكلوا اي حاجه خفيفه في الفطار تمر ولبن رايب سمبوسك وخدعندك جيلي كريم كرامل وعصاير

ولما يخلصوا صلاةالعشاء والتراويح وتيجي الساعه 11 بيكبسوها كبسه ولحم مندي

وبرياني وغيره من الأكلات الدسمه

وبعديها بساعه او ساعتين فيه منهم بيناموا ويصحوا علي صلاة الفجر وفيه اللي بيقعد للتهجد والعباده

بس حاول متملاش بطنك في الفطار والأكل قسمه علي وجبتين او تلاته وحاول تبعد

عن الحاجات الدسمه علشان هيه اللي بتخلي الواحد يتنح ويحول ويذبهل هههههههه

**hemalotfy** · 12-08-2010 03:47 AM

المشاركة الأصلية كتبت بواسطة د.محمود صلاح

الدورة الدموية تنسحب من باقى الجسم لتتكثف عند الجهاز الهضمي لإتمام عملية الأكل وبالتالي تحس بالخمول والرغبة في النوم

صحيح وشكرا للمشاركة يا دكتور وكل سنة وانت طيب بس الواحد مش بيقدر يقاوم

المشاركة الأصلية كتبت بواسطة m.osman

يااااااااااااااه
انا فاكر موضوع زي كدا اتفتح رمضان اللي فات هنا في المنتدى ... (تقريباً احمد كمال)

كل سنة و انتوا طيبين

وانت طيب يا باشا بس للاسف مكنتش متابع كويس لنايل موتورز السنة اللي فاتت

المشاركة الأصلية كتبت بواسطة mostafashokry

ياريت ترجع لنظام السعوديه و أنا اول من هيمشى وراك من بكرة همشى على النظام ده
,أن شاء الله بس أنا ما قصدتش نأخر الصلاة و لكن نأخر الفطور المتين لبعد القيام لو كده أنا هجرب بكرة إن شاء الله أيه رأيك نبتدى مع بعض و نشوف النتائج بكرة

والله فكرت اعملها بس ملقتش حد يشجعني نجرب بكره ان شاء الله ونشوف

المشاركة الأصلية كتبت بواسطة m.osman

معلش ...يأخروا العشاء ازاي يعني ؟؟
ممكن قصدك زيادة المدة بين الأذان والإقامة ؟

لالالا بيأخرو الاذان نفسه حتى لو حضرتك فتحت التليفزيون على قناة السعودية بكره في نفس ميعاد صلاة العشاء عندنا هتلاقيهم لسه مأذنون مع ان الصلاة بتدخل هناك قبلنا

المشاركة الأصلية كتبت بواسطة ahmed-moga

السعوديين بياكلوا اي حاجه خفيفه في الفطار تمر ولبن رايب سمبوسك وخدعندك جيلي كريم كرامل وعصاير

ولما يخلصوا صلاةالعشاء والتراويح وتيجي الساعه 11 بيكبسوها كبسه ولحم مندي

وبرياني وغيره من الأكلات الدسمه

وبعديها بساعه او ساعتين فيه منهم بيناموا ويصحوا علي صلاة الفجر وفيه اللي بيقعد للتهجد والعباده

بس حاول متملاش بطنك في الفطار والأكل قسمه علي وجبتين او تلاته وحاول تبعد

عن الحاجات الدسمه علشان هيه اللي بتخلي الواحد يتنح ويحول ويذبهل هههههههه

ههههههههههه

انا كنت بشوفهم قبل المغرب هاجمين على الفووول والتميس

المشاركة الأصلية كتبت بواسطة ahmedtefagad

نفس الاحساس جالى النهاردة بس بزياااااااادة شويتين ... لدرجة انى وانا بصلى التروايح تقريبا مكنتش مركز فى حاجة غير وانا حاطط ايدى على كرشى الى طلعلى فجائة وتفكيرى كلة هيروح تانى ولا هفضل كدة على طول ..بس برضك حراام الاكل المكلف دة يترمى علشان العيلة بتتدلع ههههههههههه

الواحد بيعذب نفسه بنفسه هههههههههه
شكرا للمشاركة

**pro_samir** · 12-08-2010 03:58 AM

مفيش احسن من تأخير الفطار لبعد التراويح انهارده عملت كده فطرت علي لتر مياه وكوبايه تمر بلبن مع شويه كيتوفان علشان الصداع

وفطرت بعد التراويح كانت الساعه داخله علي 11 ،، كده كده مع الحر الواحد اصلا مش بيبقي ليه نفس ياكل فا مش هينفع أكل وتراويح خصوصا في الحر ده