الموضوع: مركز صيانة byd بالأسكندرية .. لايكفى أن أقول شكرا ؟

المشاركة الأصلية كتبت بواسطة firro_1

شكرا السيد الفاضل ابو جيسى على الرد السريع وبالنسبة للملحوظات اللى حضرتك ذكرتها :
1- نفس الموضوع انا لا استعجل عزم السيارة
2-معدل السرعة على الطريق السريع 120-140 كم
3-كنت مسافر باليل (قافل التكييف)

قبل ظبط البوجيهات كان المعدل عند حضرتك اقل بقد اية؟

أخى العزيز .. firro_1 .. معدل الأستهلاك فى طريق السفر قبل تغير البوجيهات كان 150 كيلو لكل 20 لتر .. وبعد تغيرها وضبط المحرك أصبح 280 كيلو لكل 20 لتر فى طريق السفر و 240 كيلو لكل 20 لتر داخل المدينة .. وجميع الأرقام السابقة مع التشغيل المستمر للتكيف .. فلظروف صحية خاصة وبسبب المرض لا أستطيع أطفاء التكيف نهارا أو ليلا .. والحقيقة لا أعرف هل معدل الأستهلاك عندى طبيعى بالنسبة للسيارة المانيوال .. أم أن بأمكان السيارة أن تحقق معدل أفضل .. هذا يحتاج رأى زملائنا الأعزاء الذين سبقونا فى أستخدام F3 .. ولكنى أعتقد فى جميع الأحوال أن سيارتك تحتاج أعادة ضبط .. ولك تحياتى وكل عام وأنتم بخير .

أخوتي الأعزاء في المنتدي
كل عام وانتم بخير ورمضان كريم
أخوكم محتار حيرة ما بعدها حيرة ومش عارف أعمل ايه
كنت خلاص ناويت علي بروتون ساجا وكنت نازل أجيبها بس لما ينزل موديل 2011
حتي اللون كمان كنت محدده
بس بصراحة لما دخلت هنا علي قسم ال byd لقيت الكلام علي العربية دي حكاية وشكلها كمان حكاية وماتورها حكايتين وألوانها وشنطتها وامكانياتها ووسائل السلامة اللي فيها كلها حكايات
وبصراحة أكتر فرق السعر لقيته مش هيبقي كتير مابين البروتون ساجا بعد ما زاد سعرها ومابين ال byd
علي فكرة ياريت حد يفيدني في موضوع السعر ده
أنا عايز أعرف أخر سعر لل byd f3 الأوتوماتيك الفل أوبشن
المهم عشان ماطولش عليكم أكتر من كده
أفيدوني بالله عليكم أعمل ايه
عايز مقارنة شامله ووافية وحيادية يكون أول شيئ فيها ان البروتون ماليزي وال byd صيني عشان خاطر موضوع السعر
ثانيا كنت عايز أعرف العيوب في ال byd لأني تقريبا عارف معظم عيوب الساجا اللي أهمها موضوع البنزين وعلبة الدركسيون
وأهم حاجة قطع الغياااااااااار هل متوفرة ولا لأ بالنسبة لل byd لأني اللي أعرفه ان قطع الغيار مش هتكون موجودة إلا في التوكيل بس سواء للساجا أو ال byd بس الأهم هل متوفرة ولا لأ لأن الساجا بردو فيها مشاكل في توفير علبة الدركسيون
أسف جدا علي الإطالة بس بجد الحيرة صعبة جداااااااااااا
مستني ردودكم في أسرع وقت
أخوكم يوسف

ياريت منصور وابوالفتوح وكل التوكيلات تبقي كدة

المشاركة الأصلية كتبت بواسطة richman

ياريت منصور وابوالفتوح وكل التوكيلات تبقي كدة

كنت قد كتبت من قبل أشكو من الصيانة بالقاهرة .. فتحركت الشركة لتعديل الأوضاع .. والأن أشكر فى مركز صيانة أخر للشركة ولنا زميل ذهب إلى صيانة القاهرة من بعدى وكتب على المنتدى يشكرهم .. فلا شك أنهم يصححون الأن الأوضاع للأحسن .. خصوصا بعد أفتتاح مركز الصيانة الجديد بالقطامية .. يبقى علينا كما قال أخونا الفاضل والمحترم الدكتور المناهرى أن نشجعهم على هذا الأتجاة .. وكما نشكو بالحق دون تجنى يجب أن نشكر الفعل الجيد دون أخفائة .. لأن أمانة الكلمة سنحاسب عليها أشد الحساب .. ولكنى أندهش عندما أدخل إلى أقسام أخرى بالمنتدى وأجد زملاء أعزاء يضجون بالشكوى من توكيلاتهم منذ شهور ولاتصحيح لشئ .. ولاحياة لمن تنادى ..

الاخ الغزيز/ ابو جيسي ....مشكور كثيرا علي مجهودك وسعيك لنوضيح كثير من الامور الهامه....
طلب بسيط من سيادتكم..عنوان مركز الصيانه بالاسكندريه بالتفصيل..علما انني قادم من طنطا.
وكذلك رقم تليفون المركز....ولكم جزيل الشكر
للعلم.العداد 1300 كم فقط مما يعني انها الزياره الاولي لمركز الصيانه....

المشاركة الأصلية كتبت بواسطة msoltan

الاخ الغزيز/ ابو جيسي ....مشكور كثيرا علي مجهودك وسعيك لنوضيح كثير من الامور الهامه....
طلب بسيط من سيادتكم..عنوان مركز الصيانه بالاسكندريه بالتفصيل..علما انني قادم من طنطا.
وكذلك رقم تليفون المركز....ولكم جزيل الشكر
للعلم.العداد 1300 كم فقط مما يعني انها الزياره الاولي لمركز الصيانه....

أخى العزيز .. لك جزيل الشكر على كلامك الطيب وأنا تحت أمرك .. و قبل أى شئ ألف مبروك على السيارة وأنشاء الله صيانة موفقة .. .. .. وعنوان صيانة أسكندرية هو : الكيلو 27 طريق أسكندرية مصر الصحراوى .. العامرية .. مرغم .. ت / 4703330 03 .. ولو كنت قادم من ناحية مدينة أسكندرية فبعد كوبرى مرغم هناك محطة بنزين موبيل والصيانة بعدها بحوالى 200 متر .. أما لوكنت قادم على الصحراوى من أتجاة القاهرة فبعد البوابات واصل السير حتى تجد كوبرى وبعدة ستجد على يسارك طريق العجمى والساحل الشمالى فتركة وواصل السير مسافة ليست طويلة وستجد توكيل الأمل على يسارك فلف من أول فتحة وعد فى الأتجاة المعاكس وتجدة بجوار مرسيدس .. وأرجو أن تعزرنى أذا كان الوصف غير دقيق لأنى ذهبت هناك مرة واحدة وكنت قادم من الساحل الشمالى .. وأرجو لك التوفيق .