الموضوع: صيانة الـ 5000 بالأسكندرية

مما لا شك فيه عندما نقوم بسرد تجربتنا مع حبيبتنا الـf3 نقصد المنفعة العامة وهذه التجارب تزيد الثقة في هذه السيارة المحترمة حقا
التى تستحق مكانه أعلى وأقيم من سيارات موجودة ومنتشرة بالسوق المصري ولا أخفي عليكم سرا مدى سعادتي وأحترامي لها ولكل القائمين عليها بعد أستقبالي مكالمة هاتفية من المهندس الخلوق أسامة مبروك ليحدد معي ميعاد جديد لإعادة تظبيط النور بعدد كتاية مشاركتي بأقل من ساعة.
أنا أعمل في مجال التصدير بإحدى شركات الصلب الكبرى وأعرف جيدا ما تحمله مكالمة بسيطة قد لا تكلف شيئا إطلاقا في نفسية العميل لسؤاله عن مشكلته.
وأخيرا شكرا للمهندس أسامة شكرا للـbyd و القائمين عليها

المشاركة الأصلية كتبت بواسطة zizomizo

السلام عليكم جميعا
توجهت إلى مركز صيانة الأسكندرية يوم السبت التالي لعيد الأضحى المبارك في تمام التاسعة صباحا وجدت طابور طويل من عربيات اللادا بينهم عربة واحدة f3 في تمام الساعة 9.15 طلب مننا عمل طابور مستقل للـf3 بالتالي كنت رقم 2 بعد ربع ساعة جاء إللى مهندس الأستقبال م/محمد عادل شاب محترم بجد شرحت له مشاكلي مع السيارة والتي تتلخص في الأتي:
- عضه في عصاية الفتيس في نقلة المارشدير.
- صوت المحرك عالي بعض الشئ.
- النور الأمامي الواطي مرتفع المستوى.
- وطبعا تيل الفرامل بيصفر طول الوقت وساعات بشم رائحة.
- صوت خبطة طفيفة في الناحية اليمين تسمع صباحا فقط يعني بعد شوية مشي الصوت بيروح ليه معرفش.
ودي كانت أهم النقط.
تم الإنتهاء منها في حوالي الساعة 12 وخرج معي أحد الفنيين لتجربتها وأليكم الحوار الذي دار معه
أيه الأخبار كله تمام
تمام يباشا
كله حاجة أتعملت
تمام ياباشا
النور أتظبت (طبعا دي كانت أكتر حاجة مضيقاني من كم السب والشتائم إللي بسمعها وأنا ماشي بالليل)
طبعا كله تمام
فضل سايق هوه نص المسافة وبعدين قاللي تعالى سوق ياباشا نزلت ورحت سوقت أنا
قبل أي حاجة جربت المارشدير بيعض ولا لأ لقيتو تمام فقالي أنا لقيت صمولة الواير حالة خالص ربطهالك
وقمت ماشي لقيت صوتها هدي شوية قالي فلتر الهوا كان عايز يتنطف وده كان كاتم المحرك
وطبعا صوت الفرامل كل مره يقول حتة نحاس في التيل وطبعا معرفتش أختبر النور عشان بالنهار
وبالنسبة للخبطة الخفيفة اللي بسمعها الصبح مع أي نقرة صغيرة مكنتش موجودة طبعا عشان كنا الظهر بس قالي أن العفشة أتربطت ومفيش صوت هيظهر تاني المهم أتكلت على الله حاسبت ومشيت
وتلاحظ لدي الأتي الدبرياج بقى عالي قوي والعربية بقت تبطل مني عشان لسه مش واخد عالية وجاء الليل لأجد أن النور الأمامي كما هو وأن جميع من أمامي مازالوا يسبوني ضايقني هذا الموضوع كثيرا فقررت الذهاب مره أخرى للصيانة لأني خفت من تأكل أسطوانة الدبرياج فذهبت يوم أمس السبت ولكي لا أطيل عليكم حدث الأتي
سلمت لهم السيارة وتحدث مع المهندس المحترم أسامة مبروك وقاللي لو كنت قلت على الحاجات دي المرة اللي فاتت بعد تجربة العربية كنا عملناها
المهم خلص الشغل فيها وطلعت أجربها أول مرة مع الفني وقلي فعلا الدبرياج كان عالي قوي والحمد لله العضة راحت وقام المهندس أسامة بالكشف على المحرك بالجهاز وقاللي المحرك زي الفل مفهوش حاجة
وجاء دور العفشجي وطلعنا جربنا العربية في طريق وعر قاللي في صوت وطبعا أنا مش سامع حاجة رجعنا رفع العربية وربط كل الدنيا تحت وطلعنا نجرب تاني قاللي الصوت راح وطبعا أنا لا سمعته وهو موجود ولا لما راح
طيب أيه أخبار النور كله تمام
وجاء الليل وياريت ما جاء لأجد النور الواطى تقريبا في مستوى العالي لا تشعر بفرق بينهم
وهذا ملخص ما حدث

الاستاذ / الفاضل
ارجوا ان يكون الرد من مركز الاسكندريه قد وصلك وقد قمت بالاتصال بالاستاذ / احمد محسن مدير عام المركز
بخصوص هذا الموضوع وارجوا ان لا يكون هناك اى تقصير من المركز الشديد الاهتمام بالعملاء

ولسيادتك جزيل الشكر للتوضيح عماد حبيب

شكرا استاذ عماد على مجهود سيادتك