الموضوع: عندى مشكلة كبيرة فى الشيروكى

انا متشكر جدا جدا على رد حضرتك

بس ياباشا المشكلة دية مكنتش بتحصل كل مرة يعنى مرة اة ومرة لا بس بقالها فترة عادى مبتعملش الحركة دية لانى اخر مرة جبت بيها ال130 كانت عادى هى بتحصل على فترات بس انا هشوف الفلتر يمكن زى محضرتك قلت يكون مسدود
بس فى حاجة عايز اسال عليها انا بقالى فترة كبيرة مبشحمش بقالى شهور هل دة غلط ولا عادى

وشكرا اوى ياباشا على اهتمام حضرتك

المشاركة الأصلية كتبت بواسطة ahmed hassan

أخبار طرمبة البنزين ايه عندك؟؟ لو ضعيفه ممكن متخليش العربيه تجري بعد سرعه معينه

ياباشا منا بقول لحضرتك ان مش كل مرة بتعمل كدة ساعات بتعدى ال120 بكتيير يعنى ساعات وساعات بس لو طرمبة يبقى تقريبا متعديش خالص السرعة المعينة بس دية ساعات بتعدى

السلام عليكم
يمكن اختبار طلمبة الوقود بعداد قياس الضغط وهذا يمكن ربطة بالبلف الاختبار بالمنافو ويتم ادارة السيارة ومراقبه الضغط الناتج وهو يتراوح ما بين 48 الي 55 psi وهذا بعد الوصل الي درجة السيارة المثلي
وبعد ذلك يتم اطفاء محرك السيارة ومراقبة الضغط عند رجعة الي نقطة الصفر فيجب الا يقل الزمن من 4 الي خمسة دقائق
فالاختبار الاول يفيد قدرة الطلمبة من حيث القوة والضعف
والاختبار الثاني يفيد الكشف علي بلف عدم الرجوع بالطلمبة
واذا كان القياس اكبر من 55 psi يفيد ان منظم الضغط ريجولتر به عطل
اخوك الخبير المصري

متشكر جدا جدا على رد حضرتك بس العربية الحمد للة بقالها فترة عادى بتعدى وبتجيب سرعات عالية من ساعة مبقيت احط بنزين 90 اصل كنت بحط 80 فهل كان نوع البنزين هو السبب

السلام عليكم
اكيد طبعا رقم اوكتان الوقود يفرق لانه معامل زمن الاحتراق مختلف وممكن ايضا يسبب بكسر عمود الكرنك
ولكن نصيحة اخوية
ممكن تسقط تنك الوقود وتعمل له غسيل كامل وده من ضمن اعمال صيانة الجيب عادي يعني وتحط بنزين علي نظافة
وايااااااااك ان تضع منظف الرشاش بالتانك لانه هذا ليس طريقة استخدامة الا في حالة اسقاطة اولا
وشكرا
اخوك الخبير المصري