اىهما احسن جولف 2 ولا 3؟

**moooooomooo** · 19-08-2010 05:09 PM

هحكيلك حكاية واحد صاحبى كان عاوز يشترى عربيه وكل لما واحد ينصحة بعربية وتكون كويسة يقولو لأ دى قطع غيارها غالية
لأ دى مش بياعة لأ دى صيانتها مش عارف ايه وفى الاخر الناس سابته يجيب اللى على مزاجة على أساس كل الحاجات دى ما تتطلعش فيها وكمان علشان محدش يحمل نفسة المسئوليه وراح جاب العربية اللى على مزاجة وطلعت عربية بنت جزمة كل اللى كان خايف منه طلع فيهه "يعنى من الآخر أرجوا تكون فهمت العبرة من الحكاية وهى حقيقية والله العظيم دى حاجة والحاجة الثانية لما تيجى تدور على عربية وخصوصاً لما تكون المانى وبالاخص لما تكون جولف ماتفكرش فى الزبون لأن انته لما هتيجى تبعها والله هتلاقى ألف زبون وأنا قولهم لان الالمانى هيتباع هيتباع بس شوف الاحسن والاريح ليك لان العربية راحة نفسية فى الاول وحالة زى ما أنا قولتلك"وربنا يعينك لما فيه الصواب وراحة البال وانا مقدر قوى الوضع اللى حضرتك فيه بس مشكلتك اللى تعباك انك بتسمع كتير وخصوصاً من الميكانيكيه واللى مالوش فى العربيات من أصله فابعد عنهم وانته هترتاح

**mohamedmmm2** · 01-09-2010 01:23 PM

انا ركبت دى ودى وبصراحه جولف 2 دى انا شايفها عربيه كنبه وغاليه على الفاضى ومافيهاش اى ميزة على سعرها ابدااا...
بس الجولف 3 بقى شكلها حديث وموتور اجدد و تابلوة معقول واريح وانعم كتيييييير..
وغير كدة اصلا فولكس ابتدت تهتم لاول مرة بالايروديناميكس كانت فى الجولف 3 وعلى فكرة الموضوع دة بيفرق كتير فى السحب واستهلاك البنزين...
انا رايى ان مفيش وجه للمقارنه اصلا بين الاتنين ال 2 شكلها قديم ووحش وتحسها عتيقه.. وال 3 شكلها حديث و كويس

**engahmedsamy** · 01-09-2010 06:12 PM

من الاخر يا 2 او 4

**tifa43** · 09-09-2010 10:49 AM

المشاركة الأصلية كتبت بواسطة Exoskeleton

الاتنين كويسين وكل حاجه بس انا حابب شكل ال3 قوى عربيه جميله الصراحة بس اللى مضايقنى انها قليله فأكيد قطع غيارها مش متوفره زى 2 فانا محتار اجيب ايه

1 - هل جميع موديلات ال3 فيها فرامل ABS ولا ايه؟ (ياريت مافهاش عشان انا متعقد من الفرامل الكومبيوتر دى واحد صاحبى عنده باسات وكومبيوتر الABS عطل واحنا قاعدين جوه العربيه يدوبك لمس الفرامل من هنا وانا لبست فى التابلوه من هنا من ساعتها مناخيرى واجعانى

قلت عن ابو الكومبيوتر اللى يسوقلنا العربيات كمان ناقص يطبخلنا)
2 - اسعار وتوافر قطع الغيار للاتنين ايه ظروفهم كتار ولا قليلين؟ (خاصه الحاجات الخارجيه الابواب الرفارف الفوانيس قدام وورا)
3 - اهم حاجه استهلاك البنزين وهل 2 و 3 بينزل منهم كاربيتير وانجكشن ولا ايه الموضوع بالظبط؟ (وانا مش ناوى اجرى بيها ولا حاجه انا سواقتى عاديه فياريت ماحدش يقولى 1800 سى سى و 2000 سى سى خلينا فى العادى 1300 سى سى حلو قوى عليها الا اذا لو فى 1000 سى سى كمان ممكن افكر فيها

)
4 - حاجه مهمه انا ان شاء الله سنتين تلاته واجيب حاجه احدث (يمكن جولف 5 ولاحاجه ادعولى

) هل لو جبت 3 حاعرف ابيعها تانى بسهوله ماخسرش فيها كتير اوى يعنى ولا اجيب 2 احسن؟

انا مليون اسف انى طولت عليكما بس انا طمعان فى كرم اخلاقكم اخوكم فى حيره ومحتاج مساعده بس ياريت ياجماعه اللى يتكلم يكون اتعامل مع العربيتين ومعاشرهم كويس عشان على اساس كلمته انا حاشترى العربيه اللى حاتتفقوا عليها وزى ماقلتكوا هو الموضوع كله سنتين تلاته واجيب حاجه احدث

اولا السلام عليكم وكل عيد وكل المنتدى طيب

ثانيا انا كان عندى جولف من اول ا حتى الان 3

جولف 1 ابعد عنها مش بتتباع بسهوله وقطع غيرها غاليه وقليله

كل الكلام اللى هكتبه عن تجربه شخصيه للجولف 1و2و3

قطع غيا ال2 وال3 زى بعض تقريبا فروق لاتذكر
موضوع ان ال3 قليله تمام بس قطع غيرها كلها موجوده

بالنسبه لل ABSمش كل موديلات ال3 فيها بل معظمها من الى فى مصر مفيش فيها

بالنسبه للمواتير ال2 بتنزل منها 1300و1500او 1600مش فاكر و 1800 واستهلاك البنزيين مش عالى انا كان معايا
1800 كان بيعمل 200 فى الصفيحه جوه البلد وبره 230
اما ال3 مواتيرها 1400كربرتير و1600 و2000 انا معايا 2000 16v ,وبيعمل 180 جوه البلد وبره 200

بالنسبه للبيع الاتنين سهل بيعهم لان عليهم طلب

فى حاجه كمان ان ال2 وزنها تقريبا حوالى 1000ك امل ال3 وزنها حوالى 1800ك وبالتالى فهى اكثر ثبات على الطريق
انا جبت 260 بال3 والحمدلله العربيه كانت فى منتها الثبات مع العلم انى مش مهبط العربيه ولا مركب عفشه اسبور

ارجو ان اكون جوابت على كل استفسارتك والا اكون طولت عليك وانا فى الخدمه

**kempel** · 22-09-2010 09:02 AM

مين اللى قال ان الموديل مابيفرقشى لأه بيفرق وخصوصافى بلدنا اللى كل شوية يقولوا تجديد الملاكى للجديد ويناقشوه فى مجلس الشعب ووجع دماغ مالوش لازمة دور على الحديث وريح دماغك

**ahmedteama** · 11-12-2010 09:38 PM

بص انا واللة العظيم مكانك بالظبط انا حاسس بيك اوى لانىانا كمام ناوىىى اشترى وحتار اوى بيت ال2 وال3 وبجد واللة بالسوال كلة اللى فاهمين قالى الاتنين قطع غيارهم موجودين وللامنانة ال3 اغلى بسيط من 2 بس الناس بتحب ال2 لية مش عارف ...انا مش بعيب فيها بجد عربية ممتازة جدا جدا بس ال3 فى نظرى احلى ,... هوة انا لما سالت صحابى اللى معاهم 2 قالولى احنا جايبين 2 لانها شكلها بيليق فى الترويش وبجد عندهم حق ال2 لما بتتظبط جى ال وجنوط بتبقى شكلها تحفة اما ال3 عيبها وشها وحش شوية الموضوع كلة ازواق فى الشكل بس بس اتنين ممتازين يكفى انك راكب جولف