الموضوع: اىهما احسن جولف 2 ولا 3؟

على فكره المقارنه برضه مفتوحه لجولف 1 يعنى لو حد شايف انها احسن من 2 او 3 من حيث الحاجات دى عادى يقول رأيه

عن نفسي أختار ال 3 لأنها موديل أحدث وشكل أحلي وحالتها حتكون احسن كتير ومتقلقش من حتة قطع الغيار

المشاركة الأصلية كتبت بواسطة mesho_kimi

عن نفسي أختار ال 3 لأنها موديل أحدث وشكل أحلي وحالتها حتكون احسن كتير ومتقلقش من حتة قطع الغيار

هما الحاجات دى هى اللى مشجعانى افكر اجيبها بس دى قليله اوى فانت متأكد من حتة قطع الغيار دى انا مش بتكلم عن اسعارها بس لا وعن هى كتيره ولا لا
وبرضه ماحدش قالى استهلاك البنزين بتاعها ايه ظروفه وهل انا لما اعرضها للبيع مره تانيه هل حاخسر فيها كتير ولا اريح نفسى واجيب 2 انا بطمنلها لانى بشوفها كتير عن 1 و 3 بس بأمانه شكلها مش قوى يعنى بغض النظر عن الاداء وسهولة التحكم اللانسر البطه شكلها احسن وبنفس السعر تقربيا

اللى يصلى على النبى يكسب 60 مشاهده وواحد بس رد عليا

خليك فى الجولف 2 كل الناس بتفهم فيها وكل قطع الغيار موجوده

شوف محدش هيريحك بس عموماً أنا لو مكانك هجيب جولف 3 الأحدث لسببين السبب الاول كل قطع غيار الجولف غالى زى قطع غيار الالمانى عموماً بس مش استهلاكى يعنى مش هتحتاج تغيرة كل شوية ودة طبعاً على حسب القيادة يعنى فيه واحد بيعدم العربية وفيه واحد سويق يعنى وكمان على حسب حالة العربية اللى بتشتريهه لو حالة 3 كويسة يبقى على خيرة الله ولو حالة 2 أحسن يبقى خليك فيهه لأن العربية حالة مش موديل خد بالك قوى من المعلومة دى قوى دة السبب الاول والسبب التانى فى حالة البيع هتلاقى حالة العربية وسعر الشراء اللى انته شاريهه بيه هو دة اللى بيفرق يعنى لو شريهه غالية ماتطلبش من الزبون اللى انته بتبيع له نفس الثمن لكن لو جايب العربية بسعر كويس أكيد هتبيعهه بسعر كويس حتى لو جابت ثمنها لأنك جايبهه بسعر كويس هو دة الفيصل يعنى أنا مثلأ معايا بولو 2001 كنت جايبهه أرخص من السوق ب5000 جنية لقطة يعنى وبعد سنة ونصف لو جيت أبيعهه دلوقتى هتجيب نفس السعر اللى انا شارى بيه لأنى جايبهه أرخص من السوق فهمت أنا قصدى ايه يعنى قطم فى العربية اللى هتشتريهه على قد ما تقدر وياريت أكون أفادتك وربنا معاك وخد بالك عامل الشكل والحاله مهم جداً جداً فى العربية مش واحد منهم بس وكلة بثمنة

انا اسف ياجماعه على الرد كل فتره لانى والله فى الشغل فغصب عنى انا بقعد عالنت نص ساعه كل يومين بالعافيه

المشاركة الأصلية كتبت بواسطة moooooomooo

العربية حالة مش موديل

الله يخليك على المعلومه دى انا قدامى كذا جولف 2 حالتهم كويسه قوى لو حالتهم احسن من ال3 اللى حابتدى ادور عليها ان شاء الله كمان اسبوع حاتكل على الله بس هو سؤالى الجولف 3 عامة بياعه فى السوق زى 2 ولا اقل يعنى لما يكون عندى 2 و 3 والاتنين عارضهم فى السوق انه واحده تتباع الاول لو الاتنين بنفس الحاله؟