لانسر كريستاله 1300 اتوماتيك عاوز اخليها مانيوال

**Ralliart** · 16-08-2010 06:02 PM

المشاركة الأصلية كتبت بواسطة magedtohami

بس بيقولوا ال 1500 دي حاجتها مش موجوده وال 1600 احسن فايه رايكوا ال 1600 دي تعمل كام وعلى فكرة انا مش ناوي اسقط الميفك لان لسه في حاجات فالعربيه تتعمل فمش هصرف الفلوس كلها على الحوار ده وهل ال 1600 دي كاربرتير لو ال 1500 دي احسن خلاص نتكل على الله ونعملها بس ياريت لو تعرفوا حد كويس يديني مكنه حلوة لان المكن ده زي مانتوا عارفين زي البطيخ وربنا يستر

الاتنين حاجتهم موجودين والـ1600 انجيكشن
وموضوع المكنه محتاج لفه مع الميكانيكي بتاعك في الحرفيين وهو يشوف وتاخدها عليها ضمان تجربه

المشاركة الأصلية كتبت بواسطة reri

على فكرة انا بتضايق جدا من الاوتوماتيك فى حاجه لان عربيتنا اوتوماتيك لما بتقف بتبقى ليلتها طويلة وبنجيب ونش وحوارات فعشان كده انا كمان عاوزة اغير عربيتى مانوال

وموضوع ان العربيه تتباع وييجى مكانها واحده مانوال زى ماعضو قال

انت هتبيع مستعمل واعتقد مش هتقدر تجيب نفس العربيه زيرو بنفس التمن وكمان لو جبت عربيه مستعمله اكيد مش هتكون عارف حالتها زى ماانت عارف عربيتك

ازاي مش فاهم
كل الموضوع ان البطاريه لو نامت في الاوتوماتيك مش هتدور زق واعتقد ان كبل بطاريه بـ30جنيه هيحل المشكله !!
انما ممكن تجيب n وتقطرها عادي في اي عربيه مش لازم ونش
والفرق في الراحه كبير جداً وبتعرف قيمتها في الزحمه

**Reri** · 17-08-2010 12:35 AM

انا اول مرة اعرف ان الاوتوماتيك ممكن عربيه تسحبه انا عارفه انها لو وقفت تتركن مكانها وخلاص

**M.Nasr** · 17-08-2010 02:15 AM

ازاي مش فاهم
كل الموضوع ان البطاريه لو نامت في الاوتوماتيك مش هتدور زق واعتقد ان كبل بطاريه بـ30جنيه هيحل المشكله !!
انما ممكن تجيب n وتقطرها عادي في اي عربيه مش لازم ونش
والفرق في الراحه كبير جداً وبتعرف قيمتها في الزحمه
[/QUOTE]

غلط جدا تقطر عربية اوتماتيك مسافة طويلة حتى لو على ال N ده كلام الكتاب اللى جاى مع العربية نفسها

**mr_sameh** · 17-08-2010 02:21 AM

بالنسبه للموتور ممكن تركبه بعد الترخيص وفي ميعاد الترخيص الجديد تثبت الموتور

**Ralliart** · 17-08-2010 06:21 AM

المشاركة الأصلية كتبت بواسطة M.Nasr

[COLOR=navy]
غلط جدا تقطر عربية اوتماتيك مسافة طويلة حتى لو على ال N ده كلام الكتاب اللى جاى مع العربية نفسها

غلط تقطرها لمسافه اكتر من 30 كيلو
واكيد عمري ما هقطر عربيه اكتر من كده وهيبقى لازم ونش
ثم ان لو العربيه بطاريتها نايمه اكيد هوصل بالكابل مع اي عربيه في الشارع او هفصل البطاريه واشحنها او اجيب واحده تانيه والعربيه واقفه في مكانها مش هقطرها لحد الكهربائي

ولو فيها عطل تاني غير البطاريه يبقى المانيوال كمان مش هيدور زق
يبقى كده تعادل

**M.Osman** · 17-08-2010 06:31 AM

طب ينفع اخد الفتيس الأوتو بتاعك للفيرنا !! :d
و تاخد بتاعي ؟؟؟

**Reri** · 17-08-2010 10:28 PM

يعنى فى الاخر انتوا شايفين الاوتوماتيك افضل؟؟؟؟
غير موضوع السحب والغرز طبعا
يعنى لو حد مبيشدش بالعربية يبقى الاتوماتيك احسن؟؟؟؟

**M!SHO** · 18-08-2010 04:00 AM

الأتوماتيك أريح ( مش أحسن ) فى ظل الزحمه الرهيبه اللى احنا فيها

المانوال متعه فى السواقه بس خنقه فى الزحمه

**Reri** · 19-08-2010 04:22 AM

انا فعلا بحب اسوق المانوال جدا بحس كده بالتحكم

اما الاوتومايتيك بحس انى راكبة عربيه فى دريم بارك :d

**M.Nasr** · 19-08-2010 12:10 PM

المشاركة الأصلية كتبت بواسطة هشام حمزه

الأتوماتيك أريح ( مش أحسن ) فى ظل الزحمه الرهيبه اللى احنا فيها

المانوال متعه فى السواقه بس خنقه فى الزحمه

انت كلامك صح الاوتوماتيك اريح بس انا فى الاوتوماتك بحس ان العربية هى اللى سايقانى مش انا اللى سايقها يعنى مش بحس انى مالك العربية بصراحة بعد 4 سنين مع الاوتوماتيك انا لو هاغير ان شاء الله هاتبقا مانوال مش هاجيب اوتوماتيك