الموضوع: اريد حلا لانسر كريستاله اتوماتيك

بسم الله الرحمن الرحيم

انا اتعقدت بجد من كتر ما رحت للميكانيكي ممكن تكون حاجات صغيره اوي بس بالنسبالي مشكله زهقت من كتر ما بدفع فلوس ومن كتر ما بعطل نفسي ونفسي حد يقولي حل جذري لاني بحب العربيه دي اوي وبحب احافظ عليها واظبطها في نفس الوقت المشكله باختصار

ان العربيه سحبها في الاول ضعيف وكمان بحس لما بثبت رجلي على دواسه البنزين ان العربيه حتقطع ولازم ازود بنزين العربيه مشكلتها كلها في اولها ضعيف ورخم وبحس ان العربيه اوقات كانها مخنوقه اوي وتقيله في المشي طبعا كل دا على الاول بس بعد كدا العربيه بتكون زي الفل مش بعرف امشي بالعربيه براحه ابدا لازم اقرص عليها علشان تمشي كويس

مش عارف دي مشكله كاربرتير ولا كهربا ولا ايه بالظبط انا ظبط العربيه الف مره عند مليون واحد غيرت البوجيهات وغيرت كل حاجه في الدنيا فاضل بس اغير المكنه رغم ان ماشاء الله المكنه حلوه ومفيهاش اي مشاكل غير دي بس

بجد انا صرفت كتير ورحت لناس كتير مش عارف هل دا ممكن يكون من الفتيس ومحتاج يتنضف مع ان الزيت مظبوط ولا الكاربرتير اللي مفيش ولا واحد بيعرف يظبطه ولا ايه بالظبط انا مش عاوز اروح لصنايعيه بعد كدا خلاص تعبت وزهقت