الموضوع: صبانة ال 20000 في رمضان وشكرا للمهندس خالد ممدوح-والمهندس محمد عمر فرع العبور

المشاركة الأصلية كتبت بواسطة HaMeD_73

الف مبروك وربنا يباركله فيها ان شاء الله
انا ان شاء الله حاجز يوم الاثنين بعد غد الساعه 10 صباحا فرع العبور
صيانه العشر الاف وشويه ملاحظات كده بسيطه
وان شاء الله خير
بس عايز اعرف اروح ازاى من التجمع للعبور
والف مبروك ليك

هتمسك الدائري لغاية ما توصل نزلةطريق الاسماعيليه قبل النفق ما تدخلش النفق وهتروح ماشي في لتجله العبور وتروح نازل نفق العبور وتطلع منه هيقابلك صينيه تخليك ماشي على طول هتلاقي بعد كده كارفور على يمينك تبدأ تمسك شمال وهتلاقي على يمينك بداية اليفط الارشاديه بتاعة رينو المهم هتمسك شمال وتلف مع ثاني صينيه هتقابلك وتخش مع التقاطع وتخليك ماشي مع يفط رينو وهتوصل بسهوله جدا


اتمنى اكون افدتك

[QUOTE=ahamed7405;3872942466]مباروك عليك صيانة 20000 الف و عقبال 2000000 الف
و مبروك عليك مسند الزراع بس جالك قلب تدفع المبلغ ده فيه بس اكيد الاصلى يكسب و فى انتظار الصور
كل عام وانت بخير
الله يبارك في حضرتك و لعلمك قلبي كان بيتقطع و أنا بدفع بس أعمل إيه في الكيف ربنا يكفيك شره.

المشاركة الأصلية كتبت بواسطة ringoo

الف مليون مبروك على الصيانة والاكسسوريز وربنا يباركلك فيها ومنتظر الصور لان موضوع المسند دة بيلعب فى دماغى من فترة

ربنا يخليك يا عمرو باشا وعموما المسند بجد تحفه بغض النظر عن السعر ولو ناوي توكل و على ضمانتي و الصور قريبا.وكل عام وأنت بخير و رمضان كريم.

المشاركة الأصلية كتبت بواسطة cheetos_892005

حضرتك الصيانه اتكلفت كام كله شامل الزيت؟؟؟؟؟
عشان انا ان شاء الله هحصلك قريب
و يا تري كل الاقسام موجوده في الورشه بالليل ؟؟؟

رمضان كريم يا باشا و معلش نسيت أقول إن الصيانه إتكلفت "690 جنيه شامل كل حاجه" (بسلطاطه بباباغنوجه) و مش كل الأقسام موجوده بالليل للأسف مجرد الصيانات العاديه و على حسب الملاحظات إللي عندك لو يقدروا يعملوها أكيد مش حيتأخروا.

المشاركة الأصلية كتبت بواسطة joso

مبروك على الصيانه ومش قادر اسامحك على المسند هههههههههه ربنا يبارك لك في العربيه والمسند يالا علشان ما تزعلش

كل عام وانتا بخير

وحضرتك بالصحه و السلامه وسامحني أرجوك ده إحنا في شهر كريم و ربنا يباركلك في عربياتنا جميعا.

الناس في العبور محترمه ومحمد عمر انسان ذوق ومهذب

عندك حق تماما

المشاركة الأصلية كتبت بواسطة joso

ياريت يا جماعة نتكلم مع الناس بتاعة التوكيل اننا يمعنا عنكم كذا في منتدى نايل موتورز علشان يديهم برضوا احساس ان شغلهم متراقب وبيسمع وان ده بيعملهم سمعه كويسه او وحشه اعتقد ده ممكن يفرق في الاهتمام شويه وعلى الاقل مره ورا التانيه يحسوا ان عددنا كبير طالما ان فكرة اننا نتقابل ونتفق على شكل للتعامل مع التوكيل وغيره موضوع صعب جدا وشبه مستحيل يبقى على الاقل الصيت ولا الغنى

فكره كويسه جدا و على فكره أنا عرفتهم الكلام ده و أكدت عليهم و بالمناسبه هما عارفين نايل موتورز كويس جدا لدرجة إني متأكد إن الإداره عندهم متابعه إللي إحنا بنكتبه وإلى الأمام دائما إن شاء الله.

المشاركة الأصلية كتبت بواسطة HaMeD_73

الف مبروك وربنا يباركله فيها ان شاء الله
انا ان شاء الله حاجز يوم الاثنين بعد غد الساعه 10 صباحا فرع العبور
صيانه العشر الاف وشويه ملاحظات كده بسيطه
وان شاء الله خير
بس عايز اعرف اروح ازاى من التجمع للعبور
والف مبروك ليك

متشكر يا فندم وإن شاء الله تتبسط في العبور و بالمناسبه أنا معرفش التجمع ده فين كنت و صفت لك بس الوحوش سدادين.

المشاركة الأصلية كتبت بواسطة د.أحمد عبد الرحمن

الف الف مبروك يا باشا

ياريت حضرتك تيجي اول مقابلة رينو عشان نتعرف على بعض ونجرب المسند عشان الشيطان بيوزني عشان اركبه من زمان

إزيك يا دكتور أحمد و كل سنه وإنت طيب و أكيد معاكم في اللقاء القادم بإذن الله و شرف ليا طبعا إني أتعرف على حضرتك و باقي الوحوش بالتأكيد وإن شاء الله لما تركبه حتدعيلييييييي أكيد.

المشاركة الأصلية كتبت بواسطة migo123

انا حاليا في فرع المقطم ......... بعمل صياانه ال 20 برضه
بصراحه المعامله تعبانه و الفرع حالته تسد النفس

ياريت تتابعنا بتقرير عن كل شيء علشان نستفيد و إن شاء الله خير ما تقلقش.

المشاركة الأصلية كتبت بواسطة gebreel

الف مبروك يا باشا على الصيانو و ربنا يباركلك فيها يا رب

ربنا يبارك في حضرتك و متشكر لذوقك.

مبروك صيانة ال20,000 وكل سنة وانت طيب