الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة heshamzaky

باشا ازيك بص الى عارف الرد جاليليو و الاستاذ هانى 121 عربياتهم ديجيتال

المشاركة الأصلية كتبت بواسطة hany121

استاذ ياسر اللي حضرتك بتوصفه ده معناه حاجه من اتنين. اما المؤشر باظ او ساعة الحراره (صباع الحراره) اللي راكب في البلوك هو اللي باظ..

علشان تعرف مين فيهم اللي بايظ شيل السلك اللي راكب في صباع الحراره ولمسه في الموتور وبص علي المؤشر. لو لقيته معلم للاخر full signal يبقي الصباع هو اللي بايظ لو معلم كام شرطه بس (مش واصل للاخر) يبقي المؤشر هو اللي بايظ والله اعلم..

وطبعا استني راي جاليليو لانه اكيد ادري مني..

المشاركة الأصلية كتبت بواسطة adelco

السلام عليكم
انا بعتلك السؤال لجاليليو وان شاء الله يقراه ويرد عليك
وربنا ان شاء الله ييسر لك حل مشكلتك

المشاركة الأصلية كتبت بواسطة galilio_mad

و عليكم السلام

الحساس اللى راكب فى المانيفولد ده بتاع الكونترول يونت بس و هو المسئول عن تعليه العربية لما تكون باردة

بالنسبة لمؤشر الحرارة هو فعلا بيشتغل على ترموستات فى وش السلندر و اسمها الدارج " ساعة الحرارة "
زى ما هانى باشا قال بالضبط , التجربة بتبقى بالطريقة دى

بس برضو حاقولك على حاجة عشان نطمن على التابلوه , دوس على الزرارين بتوع النور و الكيلومترات اللى فى التابلوه مع بعض , المفروض ان ده عاملينه ك Check للتابلوه و انواره , المفروض لما تدوسهم كل الانوار و المؤشرات تشتغل و حيبان اذا كان المؤشر شغال و بيطلع للاخر و لا لأ

و برضو جرب تفصل كابل البطارية الارضى دقيقةو لا دقيقتين , ساعات بتجيب نتيجة

الف شكر لكل من ساهم وتفضل بالرد حتى لو لم يكن يعرف سبب المشكلة واخص بالشكر الاخوة هشام وهانى121 وعادل والعائد بسلامة الله جاليليو ولقد قمت بتجربة نزع فردة الترملة المتصلة بصباع الحرارة وملامستها لجسم الموتور وفتحت الكونتكت ووجدت المؤشر يعلى الى الاخر وبناء على ذلك يكون صباع الحرارة هو المشكلة وقمت ايضا بالضغط على زراريين بتوع النور والكيلومتر ولم يحدث شئ وبتجربة الضغط على زرار الكيلومتر والزر المسؤل عن تصفير الكيلو متر اضاءت جميع اللمبات وتم عمل Check للتابلوه وجميع المؤشرات تعمل والحمدلله
واسف على الأخير فى الرد وذلك لأن كمبيوتر البيت مش شغال وكمبيوتر الشغل لم يعد يمكننى الدخول منه على المنتدى والبركة فى الدوميين اللى مظبنا لكن ساعات بتحايل عليه وادخل بيوزر احد الزملاء بعد استأذانه (حظوظ)