الموضوع: رابطة مالكي وعشاق التمبرا (الجزء الثاني)

أنا بهدى النفوس

المشاركة الأصلية كتبت بواسطة heshamzaky

بص بعد ما ركبت الرادياتير الاصلى عندى أمبارح بقى عندى زيك كدة بالظبط و بيشغل عند ال 90 و المروحى تشتغل كام ثانية و تفصل و مع التكيف ثابت على ال 90 عاوز اسمع ارائكم جميعا يا رجالة انا كان راكب الاول عندى ردياتير مصرى نحاس و الجديد شغال كدة اية الاخبار عندكم زى كدة و لا لآ

رداله التمبرا عاملين ايه وكيف احوالكم ، بالنسبه للحراره انا عندى الحراره بتوصل ل 90 وتنزل شويه وممكن تعدى ال 90 بشرطه وتنزل تانى ل 90 مع العلم ان الميكانيكى بيقولى ان الردياتير فبر مش نحاس زى عندكم كده تبقه الحراره كويسه ولا ايه لانى بقلقل لما تعدى 90 خاصه ان العربيه القديمه 132 الحراره عمرها ماكانت بتوصل ال 80 اصلا

المشاركة الأصلية كتبت بواسطة otefa

زي ماأنت عارف كل ما درجة الحرارة للموتور عالية كل ماكان أفضل لمكونات الموتور الأساسية (بيقلل تأكلها) ده غير أستهلاك البنزين بيقل شوية كمان..........فطالما العربية مابتسخنش يبقي أنت في السليم مصمم وعايز تقللها يبقي عليك وعلي الثرموستات بدرجة حرارة أقل

يعنى معنى كده انى مقلقش من موضوع الحراره دا خالص وان كده مش هيضر الموتور او اى حاجه تانيه و كنت بفكر اشوف ثرموستات اقل من 90 لانى لاحظت المروحه لما تشتغل لمده دقيقة تقريبا وتفصل وتشتغل تانى لمده دقيقة وتفصل

المشاركة الأصلية كتبت بواسطة eng_tefa

ايوااااااااااااان هو دا الزار اللى ناقص عندى انا بضطر ادور على مسمار رفيع عشان اضغط واصفر العدادات
الاقيش عندك واحد زياده

على فكره الحراره عندى فوق ال 90 بشرطه وبعد كدا تشتغل المروحه لحد متنزل 90

بشمهندس ممكن لو سؤالى رخم شويه انت ليه بتحتاج تصفر العداد دا ؟

المشاركة الأصلية كتبت بواسطة zago

السلام عليكم
ايه النداله دي؟؟ محدش سأل عليا ليه ؟؟؟
نهاركم مش فايت :b4_556:
ههههههههههههههههههههه

انا والحمد لله لسه جاي من جمهوريه بولاق المستقله
كنت بعمل زياره لسياده الباشا السمكري عضو اتحاد عفاريت اللحام
والحمد لله السروجي فك كل حاجه ممكن تخطر على بالكم من العربيه وبقت ( عالحديده )
والحمد لله الحمد لله الحمد لله الصاج تحت الدواسات والفرش فابريقه
ولسه الكهربائي حيفك السلوك اللي ماشيه في الارض والسقف
كميه سلوك وهميه
وسياده السمكري حيبدأ فيها بكره ان شاء الله
دعواتكم عشان العربيه دلوقتي في محنه
بتبات بره البيت ومش لاقيه حد يونسها
ومكن تتخانق مع عربيه من بولاق تقوم تنضرب
اصلها غلبانه وبنت ناس
مش تربيه ورش
بس انا متفائل ان شاء الله السمكري وبتاع الدوكو يطلعو قد المهمه
ربنا يستر

وعايز بقى اقول اني الفتره اللي جايه حتلاقوني في رابطه العربيه 127 هههههه
عشان واحد صاحبي واخويا صعبت عليه واداني ال 27 بتاعته عشان اروح كل يوم اشوف الشغل اللي بيتعمل في التمبرا
رب اخ لم تلده امك
والعربيه ال 127 دي بصراحه تعتبر اهانه لذوات الاربع من الميكانيكيات
بس هو انا حتقمر يعني ؟؟؟ ههههههههههه

ربنا يكملهالك على خير والعربيه تطلع زى ماانت عاوز بالظبط