رابطة مالكي وعشاق التمبرا (الجزء الثاني)

**heshamzaky** · 09-12-2010 07:38 PM

بص يا باشا العربية بتعمل متوسط 10 كيلو فى اللتر و دة كويس جدا و على الطريق بيزيد لحوالى 13.5 كيلو و الانجيكشن ممكن توصل ل 15 كيلو دة بالتقريب أنا كنت شوفت الكلام فى الكتالوج و ممكن أبقى ادور علية و أرفعة بصورة و بالتجرية الانجيكشن حوالى 15 كيلو لو ماشى على 100 كيلو مش بتحرق دة بالتقريب كدة

**heshamzaky** · 09-12-2010 07:53 PM

المشاركة الأصلية كتبت بواسطة otefa

+1
متفق معاك فيما عدا موضوع الثيرموستات لأن زي مانت عارف ياباشا أن درجة الحرارة المثلي للموتور 90 درجة تقريبيا وده بيدي المعدن للموتور تمدده والخلوصات المحسوبة في التصميمات الهندسية للموتور (الكامشافت والكرانك شافت وحركتهم وحركة الصبابات ) أي درجة حرارة أقل بتخلي المسافات بين المعدن وبعضه أكبر من المتصم عليه
درجة حرارة أعلي=تمدد لدرجة أن زي ماهو معروف بلغة السوق الموتور يقفش
ومع العلم أن وجود الثيرموستات بيفيد أكتر لكفائة التبريد !
لأنه بيدي فرصة للميه تتحجز جوة الموتور لدرجة ال90 وفي نفس الوقت الميه في الراديتير تاخد فرصتها علشان تبرد
لو مافيش ثيرموستات يبقي المايه كلها سواء في الموتور أو الرادياتير عند درجة متقاربة.

هشام باشا سواء فيه تكيف أو مافيش بيبقي فيه سرعتين للمروحة بس في حالة وجود التكييف مجرد مابيشتغل بتشتغل معاه المروحة علي البطيء

يا باشا منورنا و الف شكر على التوضيح و كلام جميل و المروحة بتشتغل فعلا سرعتين بسبب المكثف و بسبب ان ترموستات التمبرا ب 3 رجول مش 2 زى الفيات العادى و الصور أهية و التكيف لما بيشتغل السرعة العالية بتاعت المروحة بتشتغل معاة علشان تبرد العربية و تفضل برضو على 90 درجة

**JUVENTUS** · 09-12-2010 07:58 PM

مساء الفل يا جماعة
النهردة صلحت الردياتير عشان كان بيسرب مية و الصنايعي منه لله بوظلي التكييف و الفريون كله اتسرب حسبي الله و نعم الوكيل فيه
انا دمي محروق من ساعتها

**heshamzaky** · 09-12-2010 08:11 PM

أية الحكاية يا أحمد خير

**heshamzaky** · 09-12-2010 08:14 PM

دكتور احمد أنت كنت بتسأل تركب الفيشة بتاعت حساس القربة فين أنظر الشكل ههههههههههههههههههههههه دور على الفيشة و ركب السلك و بس كدة و هات واحد بيبسى هههههههههههههههه

**JUVENTUS** · 09-12-2010 08:18 PM

الصنايعي يا باشا فك الردياتير و لفا ان القنطرة اللي الردياتير فوقيها مش راكبة كويس و بتتهز و قالي هعدلها
و طبعا انا نبهته و قلتله خلي بالك من السربنتينة متفكهاش عشان التكييف مشحون و فعلا مفكهاش
مش عارف بقا الاخ ده عمل ايه بس شكله كدة خرم السربنتينة بعد ما خلصنا جيت اجرب التكييف لقيت الكومبريسور بيشتغل و يوقف و مش بيسقع خالص و لما روحت الكومبريسور مبقاش بيقوم خالص

**heshamzaky** · 09-12-2010 08:31 PM

مش عارف أقولك أية الصنايعية اغبياء جدا بجد معظمهم مش كلهم أنت عارف لما باجى أفك الرادياتير ببقى على أيد الصنايعى زى الصقر و لما جيت أركب الرادياتير أنا الى ريحت السربنتينة بايدى أنا لانها لازم تترفع بالراحة و بتمسك من عند الماسير الحديد و ترفع بالراحة و قولت للصنايعى أنت بس أربط المسمار و سيبلى أنا السربنتينة دة مكان المسمار يا باشا الى بيربط السربتينة فى الرادياتير علشان تترفع لفوق و لازم تكون فاكك الشبكة الامامية معلش يا أحمد بس ممكن تتلحم برضو

**heshamzaky** · 09-12-2010 08:34 PM

أحمد جرب تانى كدة و ان شاء الله تطلع مش مخرومة جرب تانى و سيب التكيف شغال 5 دقائق أحتمال بس يكون الفريون ماسك شوية بيحصل كدة فى الشتاء جرب و سمى و أن شاء الله ما يكونش فية حاجة لانها لو اتخرمت صوت تفريغ الفريون ممكن كنت تسمعة و هو بيركب بس لو خرم صغير مش حا تسمع صوت جرب بس الاول

**JUVENTUS** · 09-12-2010 08:37 PM

الحمد لله على كل حاجة يا استاذ هشام
بس انا اللي غايظني اني منبه عليه و قايله خد بالك كويس لكن لا حياة لمن تنادي الصنايعية بقو حاجة قرف جدا جدا جدا انا اتخانقت معاه و قلتله انا مش معتب عندك تاني و حتى مديتش حد بقشيش

**JUVENTUS** · 09-12-2010 08:38 PM

اتفضل يا استاذ هشام دي لعبة للاولاد ههههههههههههههههههههههههه هههههه

الموضوع: رابطة مالكي وعشاق التمبرا (الجزء الثاني)

LinkBack

أدوات الموضوع

عرض

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة