يا جماعة دي أول عربية ليا... سيراتو؟

**kamalsalem** · 15-08-2010 06:18 AM

يا جماعة أنا عامل موضوع تاني ف ركن الشيفروليه عشان بفكر ف كروز، ولكن بعد ما سمعت عن صراخ الناس من منصور قلت أدور بقيت الأوبشنز ايه؟

أنا من الاّخر كان أخري 110 ألف وكنت هتصرف عشان أجيب أول كروز أوتو بـ116، ودلوقتي خايف برضه.

السيراتو نظامها ايه؟ انا بفكر ف تاني اوتوماتيك أم 116 برضه، هل ده اختيار كويس؟ العربية كويسة؟ أنا تربية خليجي وبعامل العربيات وحش شوية ودي هتبقى أول عربية أشتريها من حر مالي. ومش هتتخيلوا أنا مرعوب قد ايه، والله ما نمت بقالي 3 أيام بلف ع المعارض والتوكيلات.

حد يقوللي بأمانة السيراتو عيوبها ايه؟ بيطلع فيها عيوب صناعة؟ الدبدبة اللي ف العفشة محسوسة قوي؟ واحد ف المهندسين النهاردة قاللي خد الجنط الـ16 وهترتاح، الكلام ده فعلا؟ نمرة في الجنط تفرق ده كله؟ االهوا بيصفر فيها فعلا بعد الـ100كم؟ صوت موتورها مزعج فعلا بعد الـ120كم؟ أخبار الوكيل ايه؟ هو مين أصلا (جاهل معلش)؟ قطع الغيار مبالغ يها؟

واحد زميلي راكب كارينز وعمال يغني بجمالها ونعومتها، ايه النظام؟

والله ما هحكم على حد، ابعتولي ع الخاص لو مش عايزين تسييح لعيوب العربية، والله ممكن اروح فيها لو دفعت كل اللي حيلتي ف عربية معيوبة، انا فعلا مش بنام.

أختي لسه مستلمة فيات بونتو ايفو الجديدة، والعربية ما شاء الله تحفة، أول فئة اوتوماتيك بــ99 ألف و حتة سكرة بس أنا طماع وعايز عربية كبيرة بصراحة، وكمان خايف من صيانة وقطع غيار الأوروبي.

الفلوانس بعيدة عن شواربي عشان المانوال بـ 120 ألف.

معلش طولت عليكم ومستني الردود.

**Ahmed Samy** · 15-08-2010 06:33 AM

خاص ليه

أنا هاسيحلك ههههههههه

بص ياسيدي

الإجابات ........

ظهر في العربية عيوب صناعة ؟

أيوة ظهر واحد لأخونا أبو ليلى في الفتيس

العفشة ال17 ناشفة و ال16 أحسن ؟

أنا مش حاسسها ناشفة بس ناس أشتكت
عموما 16 أحسن علشان البلالين أو الكاللو في 17 (انا مغيبر 3 فرد)

صوتها مزعج بعد 120 ؟

مش مزعج ..عالي بس ولو قرصت و رفعت الrpm فوق 4000 هاتسمعه بيزعق

صفارة بعد المية ؟

مافيش حاجة كده ..عزل العربية ممتاز

و أزيدك من الشعر ...........

استهلاكها للبنزين خصوصا لل17 مش اقتصادي زي التويوتا مثلا

دي اجابات محايدة

بس لو عايز نصيحة .........العربية كويسة و تستاهل كل مليم

و الملاحظات اللي فوق قدامها مزايا ماتخليكش تحس بحاجة

ربنا يوفقك في سيراتو أو كروز

**kamalsalem** · 15-08-2010 06:40 AM

ماهو أهم حاجة تستاهل كل مليم دي :)

العيب اللي طلع للأخ الزميل، اتكرر مع حد تاني؟ أنا سامع ان منصور عنده عربيات كروز مرمية جنب بعض بنفس العيب :(

طيب سؤال ينم عن عدم مسئولية شوية، العربية في الجري عاملة ايه؟

انا شايف انه الكروز والسيراتو اشيك عربيتين ف الفئة دي، ف مش عايز اضطر اشتري الانترا عشان مش عاجبني صالونها خاااالص وحاسه فقير بالنسبة للكروز والسيراتو.

**Ahmed Samy** · 15-08-2010 06:47 AM

الجري زي الفل

160 هي افضل سرعة للتحكم الكامل

بعد كده لحااد 195 (اعلى حاجة جبتها) بتبقى العربية عايزة تركيز أكتر

ملفات العربية ممتازة

بس بلاش تقرص قوي لأنك بتجرب مرة و التانية و التالتة و تحس ان العربية فعلا ثباتها مالوش اخر

لو اتغابيت عليها بالقوي ....هاتزعل

زي أي حاجة طبعا

**kamalsalem** · 15-08-2010 06:49 AM

وعيوب الصناعة متكررة؟ ومين الوكيل؟

**Ahmed Samy** · 15-08-2010 06:56 AM

لأ مش متكررة
بالرغم من الإشاعات الكتيرة اللي طلعت على العربية الا اننا عارفين تماما ان العيوب نادرة فعلا

عيب أبو ليلى ما حصلش الا معاه بس .

و غيره مافيش الا حاجة واحدة اللي تقريبلا عندنا كلنا ههههههههه

لما تضرب كلاكس بعد فترة طويلة من عدم ضربه .........الفلاشة USB بتجيب أول تراك و تشتغل من الأول لوحدها

الحكاية دي ما بتحصلش كل يوم يعني يمكن مرة و لا مرتين في الأسبوع بس بتحصل

أنا اتعودت زي الشباب ماتعودو و خلاص

ده العيب الوحيد اللي منتشر .

كان في كمان ناس اشتكت في الدفعة الولى من حدفه شمال في عربيات الوكيل خصوصا و بعدين الشكوى دي ما عدناش بنسمع عنها من فنرة ....

الوكيل هو EIt الشركة العالمية للتوكيلات و التجارة

فروع الصيانة في المقطم و روكسي و ابو رواش

الصيانة عندهم لعربيات الوكيل بس
ولو خليجي و عايز تدخل الجنة (صيانتهم يعني) يبقى تدفع أتاوة 4000 جنيه

مستوى الصيانة في الوكيل كان ممتاز لكنه بدأ في التدهور مع زيادة العدد

معظمنا في المنتدى راكبين خليجي و مبسوطين

المنتدى متعاقد مع مركز محترم بنعمل عنده الصيانةو الاصلاح و ممكن تلاقي الموضوع مثبت في القسم (تكنو ون)

**Ahmed Samy** · 15-08-2010 06:58 AM

بالمناسبة

الوكيل رفع السعر

سعر السيراتو
lx manual : 98900
lx auto : 105900
Ex auto : 112900
sx : 117900
sx sunroof : 120900
sx high line : 128900

**HISHAM80** · 15-08-2010 09:01 AM

الدكتور أحمد جبلك المفيد بس نصيحتي ليك حاول تسوق العربيه أو تاجرها يومين لأن ممكن حد يتقبل أداء العفشه و ممكن تكون ناشفه بالنسبالك يعني الموضوع نسبي من واحد لتاني أنا بلنسبالي حسيت إن العفشه ناشفه

**Amr A.salam** · 15-08-2010 11:58 AM

المشاركة الأصلية كتبت بواسطة HISHAM80

الدكتور أحمد جبلك المفيد بس نصيحتي ليك حاول تسوق العربيه أو تاجرها يومين لأن ممكن حد يتقبل أداء العفشه و ممكن تكون ناشفه بالنسبالك يعني الموضوع نسبي من واحد لتاني أنا بلنسبالي حسيت إن العفشه ناشفه

+11111

يا ريت تجرب أي عربية فعلاً قبل ما تشتري علشان تشتري عن اقتناع وما تحسش انك لبست في الحيط

ودكتور أحمد جابلك من الاخر.....عاش يا دوك

ممكن تشتري الوكيل حتى لو أغلى بس هتستفيد من الضمان ال5 سنين وتريح دماغك لا قدر الله لو حصل حاجة

وممكن تشتري خليجي (أرخص ) وأوبشنز أعلى وتتعاقد على ضمان سنة ولا اتنين وتعمل صيانات في اي مركز صيانة زي تكنو وان مثلاً -

والجنط ال16 حنين وثباته معقول (مش زي ال17 طبعاً بس كويس أوي)وحلو في موضوع البلالين دة

**BOOGIE** · 15-08-2010 12:15 PM

المشاركة الأصلية كتبت بواسطة ahmed samy

و غيره مافيش الا حاجة واحدة اللي تقريبلا عندنا كلنا ههههههههه

لما تضرب كلاكس بعد فترة طويلة من عدم ضربه .........الفلاشة usb بتجيب أول تراك و تشتغل من الأول لوحدها

الحكاية دي ما بتحصلش كل يوم يعني يمكن مرة و لا مرتين في الأسبوع بس بتحصل

أنا اتعودت زي الشباب ماتعودو و خلاص

ده العيب الوحيد اللي منتشر .

...

هو العيب ده ملوش اى حل خالص ؟

الموضوع: يا جماعة دي أول عربية ليا... سيراتو؟

LinkBack

أدوات الموضوع

عرض

يا جماعة دي أول عربية ليا... سيراتو؟ - انشر الموضوع فى :

-

-

-

-

-

-

-

المواضيع المتشابهه

يا جماعة انا حجزت سيراتو بس خايف!

يا جماعة مساعدة في اول عربية ان شاء الله ..

باركولى يا جماعة اخيرا جبت عربية

يا جماعة خلو بلكو فى سيراتو مضروبة فى السوق

يا جماعة اية الفرق بين سيراتو اوتوماتيك lx , ex

الكلمات الدلالية لهذا الموضوع

المفضلات

المفضلات

ضوابط المشاركة