رجة و رعشة جامدة في الموتور عند التشغيل ؟؟؟؟؟؟؟

**waleedrahmy** · 21-08-2010 10:46 AM

المشاركة الأصلية كتبت بواسطة samirayad

شوفته بالفعل

وشايف أن فيه فشل فى محاولات الدواره

والمكنه عاوزه تقوم وفيه حاجه منعاها

وطالما أنت مطمن لدايرة الأشعال ومتأكد من شغل الطلمبه ووصول البنزين لدايرة الرشاشات

يبقى مفيش أمامنا غير كنترول المحرك

1- ممكن نقول فيشة حساس الكرنك عاوزه أعادة تأكيد جيد للأتصال الكهربى

أو خلل فى أتصال كتاوت من الكتاوتات المهمه أو فيوز ما

وبرضه حاول تتكى على كل مكونات علب الفيوزات لأعادة تأكيد التثبيت على أماكنها بقواعدها بالعلبتين ( الصغيره والكبيره )

جايز يكون هناك أتصال ردىء مع السكون ............

وبيتم الوصول لجودة الأتصال الكهربى مع الأهتزاز وعمل المحرك

2- وممكن نقول أنقطاع أشارة أى حساس بيعبر عن دور مهم

زى حساس الماب الحالى ( كحساس حمل ) ممكن يعمل خلل فى محاولات الدواره

وطبقا للتجربه التى قام بها فنى التوكيل

يبقى لازم نهتم بالنقطه دى قبل أى شىء آخر

جاري التجربة والمراجعة وسنطلع سيادتك علي الوضع

**waleedrahmy** · 22-08-2010 02:58 PM

راجعت علي جميع الفيوزات والكتاوت والفيش بالعربية ومازالت المشكلة قائمة

**MMamdouh** · 22-08-2010 03:54 PM

جربت تفصل خرطوم حساس الماب و تدور و تشوف الوضع ايه؟؟

لما خرطوم الماب كان بيقع كانت العربية بتدور ثم تبرجل ثم لمبة التشك تنور و الموتور يعلى لوحدة... لو حصل عندك كدة و العربية مبطلتش زى العادة يبقى حساس الماب فعلا تالف

MMamdouh

**waleedrahmy** · 23-08-2010 05:35 PM

جربت تفصل خرطوم حساس الماب و تدور و تشوف الوضع ايه؟؟

لما خرطوم الماب كان بيقع كانت العربية بتدور ثم تبرجل ثم لمبة التشك تنور و الموتور يعلى لوحدة... لو حصل عندك كدة و العربية مبطلتش زى العادة يبقى حساس الماب فعلا تالف

جربت الكلام ده النهاردة والعربية عملت نفس الموضوع وراحت مبطلة برضة.....................ايه رأيك ياخبيرنا احسن انا مخي حا يضرب في الموضوع ده...............هل ده ممكن يكون عيب بوبينة ولا طلمبة بنزين ولا ايه..........؟؟؟؟؟؟؟؟؟؟؟؟؟؟

**fido2010** · 23-08-2010 05:44 PM

بشمهندس وليد
الموضوع ده حصل زيه معايا في السينا
و كان بعد اتغشيت و انا بمون في البنزين و الواضح انه كان متخلط ببنزين 80 لاني متعود اني احطلها 92 علطول
افتكر كده انت اخر مرة فولت من بنزينه ايه و هل الموضوع ده بدء بعد التفويل ده ؟؟؟
و لو كده قولي و انا في الخدمه

**waleedrahmy** · 24-08-2010 01:58 AM

المشاركة الأصلية كتبت بواسطة fido2010

بشمهندس وليد
الموضوع ده حصل زيه معايا في السينا
و كان بعد اتغشيت و انا بمون في البنزين و الواضح انه كان متخلط ببنزين 80 لاني متعود اني احطلها 92 علطول
افتكر كده انت اخر مرة فولت من بنزينه ايه و هل الموضوع ده بدء بعد التفويل ده ؟؟؟
و لو كده قولي و انا في الخدمه

انا فضيت البنزين ال في العربية وحطيت بنزين تاني من محطة أخري وحشوف الاخبار ايه

**tarek_2005** · 24-08-2010 02:55 AM

في حاجة بسيطة ولكن ممكن تجربتها لمعرفة العيب من وجهة نظري الشخصية وارجوا ان لا يسهين بها احد ولكن خطرة علي بالي عند مشاهدة فيديو اظهار العيب
عند ادارة المحرك هل جربت ان تضغط علي القابض ( الدبرياج ) فممكن يكون هناك عيب بالفتيس او مجموعة الدبرياج هي التي تودي الي تبطيل السيارة وهي باردة وسبب الرجة والرعشة وعند سخونة المحرك وزيت الفتيس بالاخص تنتهي المشكلة او تخف حدتها
اترجوا ان اكون وفقت في تخميني ولعل وعسي ان هذا الاختبار يفيدك في تحديد العيب واستبعاد الفتيس ومجموعة الدبرياج

**MMamdouh** · 24-08-2010 01:15 PM

المشاركة الأصلية كتبت بواسطة waleedrahmy

جربت الكلام ده النهاردة والعربية عملت نفس الموضوع وراحت مبطلة برضة.....................ايه رأيك ياخبيرنا احسن انا مخي حا يضرب في الموضوع ده...............هل ده ممكن يكون عيب بوبينة ولا طلمبة بنزين ولا ايه..........؟؟؟؟؟؟؟؟؟؟؟؟؟؟

هى المشكلة ان العربية بتدور عادى و بعد كدة تبطل... واحد صاحبى كان عندة نفس الحوار بس العربية كانت بتدور بصعوبة و تبرجل بشكل اكبر من كدة بكتير و طلع فى الاخر عامود الكامة مكسور

هل ممكن يكون ضغط الطلمبة بتاعت البنزين ضعيف؟؟

MMamdouh

-

-

الموضوع: رجة و رعشة جامدة في الموتور عند التشغيل ؟؟؟؟؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

رعشة جامدة

رعشة جامدة في فتيس اللوجان

رعشة أو رجة عند التشغيل في الصباح

رعشة جامدة فى الميجان

رعشة جامدة في اللانسر

الكلمات الدلالية لهذا الموضوع

المفضلات

المفضلات

ضوابط المشاركة