انا معايا لانوس 2005 والحمد لله زي الفل وماشيه 140 الف 70% منهم سفر
العربيه بحطلها موبيل xhp 3000 وبنزله في الحر ده علي 2500(رحمه للموتور) بفكر اني اجرب فيسكو لان الكل بيشكر فيه وكمان بيقولوا انه اوفر...بس مش مش عارف اجيب اي فئه منه؟ ومتوسط استعمالي في الشهر 1600كيلو منهم 900 سفر
تاني حاجه في ناس بتقول ان كتر تغيير انواع الزيت ممكن يضر الموتور وخاصه اني حاولت مره من 6 شهور وغلطت واستعملت موبيل 1 وكان بدون فلش والزيت بقي زي الميه بعد 4000 كيلو ونسبه البخر كانت فيه عاليه ونزلته علي 5000 كيلو لانه كان خلاص هايبهدل الموتور وكنت ساعتها بسافر 400 كيلو متصله مرتين اسبوعيا (حسيت اني غلط في حقه اوي وانا ماشي بزيت زي الميه ومستخسر اغيره قبل معاده ب 5000 كيلو) ومن ساعتها رجعت تاني علي xhp برده بدون فلش
فهل في مشكله من تغيير النوع للمره التالته؟ وهل هاستخدم فلش ولا لاء؟
معلش توهتكم معايا وياريت بالمره اعرف اجيبه منين في الجيزه؟