الموضوع: هاغير لزيت فيسكو ان شاء الله

المشاركة الأصلية كتبت بواسطة karimfahmy99

انا كمان هغير الزيت و استعملة من كتر ما سمعت عنة . عن موضوع الفلاش مش لازم بس هتغير الزيت فى نص المسافة يعنى لو حاطط زيت نوع 3000 غير على 7000 مش 12000 او 15000 . المهم لازم تغير فلتر مع الزيت الجديد . لو الموتور عندك حالتة كويسة ممكن تستخدم زيت ال 3000 لو تعبان يبقى ال 2000 و برضة نشوف رد الاخوة الافاضل رايهم اية . اما من فين تشترى الزيت اللى اعرفة فى شارع مصدق فى الدقى. راجع الرابط دا برضة فى معلومات مهمة :
http://www.nilemotors.net/Nile/124594-a.html

+1 كلام سليم
لكن لي تعقيب واحد فقط على حكايه لو الموتور كويس يتسخدم الـ 3000 , ولو تعبان يبقا 2000

في البدايه ومن واقع قرأتي للموضوع المشار اليه من فتره
فيسكو 2000 - بيشمي 10000 كم
فيسكو 3000 - بيمشي 15000 كم
فيسكو 5000 - بيمشي 25000 كم
والفرق بينهم هو عدد الكيلومتر فقط , وفي الحاله دي هيكون قرار المستخدم بناءا على شكل إستخدامه , يعني في ناس بتعمل الـ 10000 كم في سنتين تلاته وناس بتعملهم في 6 شهور , يعني الموضوع حسب الاحتياج الشخصي

وفي كمان فيسكو ngv (تقريبا) بس ده لسيارات الغاز الطبيعي والفكره منه انه بيحتوي على ماده بتقلل من حراره المحرك الناتجه من احتراق الغاز , ويمكن استخدامها في السيارات البنزين العاديه بهدف تقليل حراره المحرك , لكن بصراحه مش عارف اذا كان حد استخدمه في عربيات دايو حديثه او لا

بس اهم ملحوظه لفتت نظري من كلام باشمهندس محمد التازي ان مده صلاحيه الزيت (ان جاز التعبير) هي سنتين , سواء في العبوه او داخل المكنه , وبعدها زيه زي اي زيت تاني بيفقد جزء كبير من خواصه , وعشان كده لو تم استخدام زيت بيمشي 25 الف كم مع حد هيخلصهم بعد 4 سنين مثلا يبقه حرام لان المكنه هتتعب

يعني اللي يشتري يعمل حسابه على ان الزيت ميفضل جوه المكنه اكتر من سنتين , وفي الغالب الناس بتنزل قبل معاده بـ 3 الاف كم , كنوع من الامان

وبالنسبه للعناوين



انا شخصيا بإذن الله هغير المره دي لزيت فيسكو , وفعلا روحت سألت على زيت فيسكو 2000 في كارجاس في الدقي وعرفت ان سعره 74 جنيه , و عرفت من الفنى انه بيتحط عادي في اللانوس وبيتغير معاه فلتر عشان هغيير من موبيل 1 لـ فيسكو , وقال كمان انه بينزل على 5 الاف كم وده اول مره عشان تغيير من نوع لنوع

المشاركة الأصلية كتبت بواسطة احمد المصرى

استاذ محمد الشامى
ذيت فيسكو 2000 ال بى 74 جنيه انت متاكد انه بيثعد فى المكنه 10 الاف كيلو اصلى بجيب نوع اسمه امارات مصر من بنزينه امارات مصر بجزار القريه الذكيه وبجيبه 10 الاف كيلو ب 235 جنيه يعنى فرق السعر كبير جدااااااااااااااااااااااا ااااااا
وهل الجوده برضوا كويسه

والله يا صديقي الناس بتشكر فيه جدااااااااا واظن ان في اعضاء في الدايو هنا بيستخدموه , وانا متأكد ان سعره 74 جنيه والله :-) لاني روحت سألت بنفسي في محطه البنزين , والفني اللي بيغيير الزيت قالي انه بينزل على 5 الاف كم اول مره (عند التغيير من نوع لنوع) , وبعدها ممكن يقعد لـ 7 الاف او اكتر , وحسب كلام مهندس محمد التازي (دعم فني) انه بيقعد الـ 10 الاف كم كامله طالما ان الموتور سليم , وان الزيت لسا خلال فتره الصلاحيه اللي هي سنتين من تاريخ انتاجه , سواء كان في المكنه او في العبوه البلاستيك

ده ملخص اللي فهمته من الموضوع

و في كمان موضوع فيه منتجات فيسكو بأسعارها واماكن الخدمه , بص عليه لانه مفيد :-)
http://www.nilemotors.net/Nile/119963-a.html

المشاركة الأصلية كتبت بواسطة karimfahmy99

على فكرة للعلم بس انا كنت بحط زيت مصر للبترول اسمة مصر وان بقالى 4 سنين ب 84 جنية و هو زيت 10000 كم و كنت بخللى الزيت لغاية 9000 كم و اغير بس الموتور كان فل و دا فى العربية اللى قبل اللانوس

والله يا استاذي انا عمري ما حطيت في المكنه غير موبيل 1 وكانت اقل مره بدفع 245 جنيه , وبصراحه لما سمعت عن فيسكو انه نفس الجوده ويمكن احسن كمان قولت لازم اجربه , حتى لو مش عشان هو كويس بس عالاقل عشان فرق السعر رهيب

عالعموم ممكن نستنى رأي زملائنا الافاضل اللي جربوه هنا ويقولولنا عن تجربتهم , على ما اظن ان محمد ممدوح بيستخدم فيسكو , وان شاء الله ينقلنا خلاصه تجربته مع الزيت ده :-)