الموضوع: هاغير لزيت فيسكو ان شاء الله

السلام عليكم ياجماعه

انا امبارح حطيت زيت فيسكو 2000 (اللي بيعمل 10000 كم) وبأمانه انا شايف ان لا يقل عن موبيل 1 في شئ ابدا

سعر الزيت 74.5 جنيه + 1 جنيه خدمه (تغيير) , وغيرته في محطه كارجاس في الدقي على ناصيه شارع مصدق

ولغايه دلوقتي انا شايف ان الزيت شغال حلو , وكمان حسيت صوت الموتور بقا انعم شويه خاصه اثناء السير

ملحوظه : الفني اللي بيغير الزيت في المحطه قالى ان الزيت ده بشكل عام بينزل على 5 الاف كيلو , وفيسكو 3000 بينزل على 10 الاف كيلو , وفيسكو 5000 بينزل على 15 الف كيلو , وطبعا الكلام ده مخالف لكلام استاذ محمد تازى , واكيد المصداقيه لكلام محمد تازي مش الفنى , واتوقع ان الفني بيقول كده كنوع من عمل شغل للمحطه (مصلحه يعني) والله اعلم طبعا

المشاركة الأصلية كتبت بواسطة محمد الشامي

السلام عليكم ياجماعه

انا امبارح حطيت زيت فيسكو 2000 (اللي بيعمل 10000 كم) وبأمانه انا شايف ان لا يقل عن موبيل 1 في شئ ابدا

سعر الزيت 74.5 جنيه + 1 جنيه خدمه (تغيير) , وغيرته في محطه كارجاس في الدقي على ناصيه شارع مصدق

ولغايه دلوقتي انا شايف ان الزيت شغال حلو , وكمان حسيت صوت الموتور بقا انعم شويه خاصه اثناء السير

ملحوظه : الفني اللي بيغير الزيت في المحطه قالى ان الزيت ده بشكل عام بينزل على 5 الاف كيلو , وفيسكو 3000 بينزل على 10 الاف كيلو , وفيسكو 5000 بينزل على 15 الف كيلو , وطبعا الكلام ده مخالف لكلام استاذ محمد تازى , واكيد المصداقيه لكلام محمد تازي مش الفنى , واتوقع ان الفني بيقول كده كنوع من عمل شغل للمحطه (مصلحه يعني) والله اعلم طبعا

حبيت بس انقل تجربتي في الموضوع , ليس اكثر او اقل :-)

المشاركة الأصلية كتبت بواسطة srm

يعنى حضرتك شايف ان الافضل التغيير

لزيت فيسكو ......يعنى فى فرق يستاهل فى صوت الموتور ولا لأ

انا كنت بستخدم موبيل xhp وبفكر انى اغير برده لفيسكو

والله انا من 6 سنين تقريبا بحط موبيل 1 (10 الاف) بـ 250 جنيه تقريبا ,, ولما حطيت فيسكو حسيت انه افضل شويه من حيث الهدوء في الصوت اثناء السير , بس ممكن نفترض ان ده بسبب ان الزيت لسا جديد !!! لكن من خلال متابعتي لمشاركات الاخوه اللي جربوه قالو انه شغال بكفاءه لغايه لما بتنزله من الموتور , وده معناه انه فعلا زيت كويس جدا

بشكل عام انا شايف ان فرق السعر بينه وبين الانواع التانيه (موبيل وشيل) يستاهل انك تجربه , وانا شخصيا راضي عنه تمام

مبروك عليك الزيت يا محمد وان شاء الله يبقي افضل واوفر...
انا نزلت الفيوم من كام يوم وراجع تاني بعد بكره ان شاء الله علشان اغيره..ولما كنت مسافر سألت عليه في طريقي في الهرم خلف شيل قالولي انهم مش بيبيعوا في الفرع ده واني اشتريه يا اما من ام المصريين او مصدق... لما اجي المره الجايه هاغيره باذن الله..
بالنسبه امشي عليه اد ايه ؟؟ انا مابحبش امشي كتيير علي الزيت وفي موبيل بيقولو ان xhpبيقعد 5000 كيلو ( طبعا فشر) علشان كده انا لما هاحط فيسكو 2000 هانزله كده كده علي 3000 كيلو واشتري دماغي في الحر ده وبرده هابقي كسبان وموفر ...مش كده ولا ايه

المشاركة الأصلية كتبت بواسطة bakkarahmed

انا مابحبش امشي كتيير علي الزيت وفي موبيل بيقولو ان xhpبيقعد 5000 كيلو ( طبعا فشر) علشان كده انا لما هاحط فيسكو 2000 هانزله كده كده علي 3000 كيلو واشتري دماغي في الحر ده وبرده هابقي كسبان وموفر ...مش كده ولا ايه

كلامك تمام طبعا :-) بس انا من رأيي بلاش تنزله على 3000 الا لو حسيت انه فعلا تعب وبدأ يفقد خواصه (اللزوجه واللون مثلا) , وفي الحاله دي اكيد هتبقا استفدت بالزيت بالشكل الامثل , لكن لو جيت عند 3000 وحسيت انه لسا شغال يبقا نزله على 5000 او اكتر (طالما كلام محمد تازي بيقول انه بينزل اصلا على 10 الاف ) وفي الحاله دي هتكون انت الكسبان اكيد :-) عالعموم ان شاء الله يطلع الزيت كويس معانا فعلا , وانا شخصيا شايف انه لغايه دلوقتي كويس :-)

بالتوفيق ياريس ان شاء الله

المشاركة الأصلية كتبت بواسطة karimfahmy99

مبروك عليك و تدوبة فى سكة السلامة يارب . بس انا زعلان و معملتش اللى قلت علية و براحتك انا مبجريش ورا حد . تحياتى

ربنا يبارك فيك يا ريس , و عشان خاطري بلاش حكايه الزعل دي لاني مش بحب حد يزعل مني , بس انت عارف رمضان والعزومات والضيوف ,, معلش يا باشا :-)

ربنا يديم المعروف والاخوه بيننا جميعا :-) وتقبل تحياتي