هاغير لزيت فيسكو ان شاء الله

**محمد الشامي** · 25-08-2010 12:13 AM

المشاركة الأصلية كتبت بواسطة dlend22

ممكن اعرف بيتباع فين الزيت ده (( فيسكو )) في مدينه نصر
وممكن اعرف اغيره فين هو وزيت الفتيس الاتوماتيك للنوبيرا 1 موديل 2000

تغيير زيت الموتور والفتيس موجود في نفس المحطه , كارجاس

**M.Zaher** · 25-08-2010 12:55 AM

المشاركة الأصلية كتبت بواسطة dlend22

]
السلام عليكم
ممكن اعرف بيتباع فين الزيت ده (( فيسكو )) في مدينه نصر
وممكن اعرف اغيره فين هو وزيت الفتيس الاتوماتيك للنوبيرا 1 موديل 2000

غير زيت الفتيس الاوتو عند الميكانيكي عشان يغيرلك الفلتر او على الاقل ينضفه
لانك لو غيرته في المحطة مش هايجوا ناحية الفلتر
بس لازم ميكانيكي يكون بيفهم في الفتيس

**bakkarahmed** · 25-08-2010 01:57 AM

انا اشتريت النهارده فيسكو 2000 من مصدق الدقي وسئلت الفنيين هناك اي الانواع الافضل للموتور بتاعي في الظرف الحر دي .. الكل نصحني ب فيسكو 2000 وكمان لقيت التاكسيات اللي هناك بيرشحوه والكل اجمع انه يتمشي عليه في الصيف مش اكتر من 5000 كيلو (ممكن اقل حسب نزاهتك للموتور واستعمالك) وان الافضل للعربيه تغيير الزيت علي فترات قريبه في الحر ده بدل ما تجيب زيت تمشي عليه كتير
بس انا لسه فاضلي 300 كيلو و انزل الزيت اللي عندي .. لما هاغير هاقولوكوا ومش هاحكم عليه الا بعد 3000 كيلو من حيث البخر والاحتفاظ باللزوجه واتمني انه يعجبني واني استمر عليه

**dlend22** · 26-08-2010 12:36 AM

[QUOTE=M.Zaher;3872973778]
غير زيت الفتيس الاوتو عند الميكانيكي عشان يغيرلك الفلتر او على الاقل ينضفه
لانك لو غيرته في المحطة مش هايجوا ناحية الفلتر
بس لازم ميكانيكي يكون بيفهم في الفتيس

شكرا لاهتمام حضرتك بس المشكله اني كنت عند الميكانيكي النهارده وسالته ايه رايك في زيت فيسكو قالي معرفهوش اصلا وده بصراحه مخوفني اني اغير لزيت فيسكو ولا ايه رايكم

**zakiali** · 26-08-2010 01:41 AM

حد جربة في الفيرنا ؟؟ وهل فعلا فيه زيت ممكن يقعد 25 ألف كيلو ؟؟؟ ولا دي دعاية وخطر علي الموتور .... برجاء الرد من خبراء المنتدى

**محمد الشامي** · 26-08-2010 01:42 AM

المشاركة الأصلية كتبت بواسطة dlend22

كنت عند الميكانيكي النهارده وسالته ايه رايك في زيت فيسكو قالي معرفهوش:ob_mak1[1]:

للاسف ده لان احنا عندنا ثقافه اسمها (اللي تعرفه احسن من اللي متعرفهوش) , وناس كتير بتخاف من التجربه الجديده

وعشان كده مفيش حد عايز يعرف اي حاجه غير الموبيل 1 والشيل وبالتالى اللي جربوا الفيسكو مش كتير

على فكره بمناسبه الميكانيكي دي , انا كنت سالت ميكانيكي من 5 سنين عن رأيه في الاسبرانزا , وقالى (بنفس طريقه اللمبى لكن بدون قصد) نعم !! يعني ايه الكلمه دي !! ولما عرف انها نوع عربيه قالى لا خليك في العربيات اللي بنشتغل فيها و نعرفها كويس , واعتقد دلوقتي الحال اختلف , ونقدر نقول مين ميعرفش يشتغل في الاسبرانزا

**محمد الشامي** · 26-08-2010 01:55 AM

المشاركة الأصلية كتبت بواسطة zakiali

حد جربة في الفيرنا ؟؟

انا مجربه حاليا في اللانوس وشايف انه كويس جدا ولا يقل جوده عن موبيل وغيره

المشاركة الأصلية كتبت بواسطة zakiali

وهل فعلا فيه زيت ممكن يقعد 25 ألف كيلو ؟؟؟

طالما المحرك سليم وعوامل الجو والطبيعه اللي الزيت شغال فيها مناسبه ممكن يمشي اكتر من كده لو هو مٌصمم على هذا الاساس

المشاركة الأصلية كتبت بواسطة zakiali

ولا دي دعاية وخطر علي الموتور

هي فين الدعايه دي ؟؟؟ انا شخصيا استخدمته بناءاً على تجارب بعض الزملاء والاعضاء

الزيت ده انتاج شركه bp وهي شركه عريقه وذات سمعه طيبه في بلادها وزيوتها لا تقل في مستواها عن موبيل 1 و شيل

**jojowork1** · 26-08-2010 04:26 AM

طيب يا جماعه معلش انا ليا سؤال كده صغير انا مش متوفر ليا زيت فيسكو خالص هل موبيل 1 كويس ولا حد يقولي نوع تاني لان بصراحه عشان اجيبه هطلبه من حد يجبهولي مخصوص عشان انا مش في القاهره ناو

**رزق** · 26-08-2010 04:57 AM

المشاركة الأصلية كتبت بواسطة jojowork1

طيب يا جماعه معلش انا ليا سؤال كده صغير انا مش متوفر ليا زيت فيسكو خالص هل موبيل 1 كويس ولا حد يقولي نوع تاني لان بصراحه عشان اجيبه هطلبه من حد يجبهولي مخصوص عشان انا مش في القاهره ناو

موبيل 1 بقالي كام سنة شغال بيه وهو زيت كويس قوي بس مايعيبوش اللي تمنه 235 جنيه.

أنا بصراحة كلامكم هنا وفي ال مواضيع التانية حيخليني اغير ل فيسكو من هنا ورايح.

**bakkarahmed** · 26-08-2010 06:14 AM

المشاركة الأصلية كتبت بواسطة AngelicCore

موبيل 1 بقالي كام سنة شغال بيه وهو زيت كويس قوي بس مايعيبوش اللي تمنه 235 جنيه.

أنا بصراحة كلامكم هنا وفي ال مواضيع التانية حيخليني اغير ل فيسكو من هنا ورايح.

توكل علي الله انا اشتريه من يومين وهاحطه النهارده ان شاء الله وهاغير معاه فلتر ...وكمان اصحابي ووالدي واخويا هايجربوه (مش هانخسر حاجه) يعني اكيد مش هايبقي زي موبيل الابيض مثلا اللي بيفقد لزوجته بعد 100متر

الموضوع: هاغير لزيت فيسكو ان شاء الله

LinkBack

أدوات الموضوع

عرض

-

-

-

-

-

-

-

المواضيع المتشابهه

حغير لزيت فيسكو 3000 ...رجاء النصيحة .

هاغير البطارية ومحتار

زيت شل أفضل من فيسكو:بعد تجربة 5الاف كيلو وتغير فيسكو مرتين!

نصيحه لزيت فيسكو

أنا هاغير الموبايل علشان الـ gps، أجيب ايه ؟؟

الكلمات الدلالية لهذا الموضوع

المفضلات

المفضلات

ضوابط المشاركة