الموضوع: رخصة الكوبيه إتسحبت يا رجاله

السلام عليكم ورحمه الله وبركاته

أخباركم إيه اي أحلى منتدى في النت كله

من يومين كنت رايح أفطر أنا والمدام في سيتي ستارز وماشي في امان الله قبل الفطار بخمس دقايق كنت شايف متسكل شرطه في المرايه عمال يدي نور وسرينه فهديت قلت يمكن ليا المهم جه جمبي وقالي إركن على جمب حاضر ركنا كان نقيب قالي الرخص قولتلو إتفضل شاف الرخص مكتوب فيها زجاج ملون قالي مين الي كاتبلك زجاج ملون قلتلو عمو الي في المرور قالي دي مكتوبه مجامله وأنا حسحب الرخص عشان الفاميه
قولتله ماهو مثبوت عندك حتى لو مجامله قالي حسحبها برضو قولتلو طيب إسحبها ويلا بسرعه عشان نلحق الفطار وسحبها مني وكتبلي في الوصل زجاج فاميه حاجب للرؤيه

يرضيكم كده يعني حتى الرسمي بيسحبو الرخصه فيه

المهم أنا روحت النهارده للحرفيين وغيرت قزاز العربيه كله وجبته أسود كله ماعدا الزجاج الأمامي عشان أدخل الفحص وأشوف أخرتها مع الناس دول إيه
وربنا يكرم وكل سنه وإنو طيبين

معليش يا باشا عالم بيبس خالص !!!!!!!!
بس السؤال هو هيسحب على الفاميه طيب والاسود اللي عملته ده مش فاميه ولا ايه ؟؟؟؟