افطــــار رمضان الرابــع لنايل موتورز (رمضان 1431) (أغسطس 2010)

**OilMan** · 22-08-2010 11:14 AM

الواحد مش عارف يقول ايه غير بجد حقا انها عائلة محترمة ( عائلة نايل موتورز )
وأسف انى اتاخرت بس سامحونى كان لازم اصلى التراويح تقبل الله منا ومنكم

شاركى باشا: انا مولعتش فيك لانى لاقيتك مولع لوحدك وكمان الناس كانت خلصت عليك وكريم بيه منير سلمك ليا مباشرة ولولا انه هو اللى جابك بنفسه كنت فعلا ولعت فيك
بجد انت شخصية غير تماما اللى خلف الكى بورد اللى بتعلق المحلول ديه ز
مهندس سمير: بجد حاسس انى بقى ليا اخ رابع اسمه سمير
أ.محمد محمد : بجد كان نفسى اشوفك من زمان وجاى مخصوص علشانك وبجد ونعم العقل والرزينة ربنا يكرمك وياريت تخليك على اتصال دائم
ابو عبدالله: انا كنت فاكرك ابو وكبير وحقولك يا بابا طلعت انت اللى حتقولى يا بابا بجد محترم وواقعى لابعد الحدود ومتختلفشى عن حبيبى محمد محمد بجد تشرفت بيكم جدا جدا
خالد بيه طلعت: مش حقول غير حبيبى من هنا للمقابلة القادمة ومن هنا ورايح يا خالد اى مقابلة تقولى من غير تردد
شنورى: بجد شخصية زى العسل واجمل ما فيه صراحته وفعلا اللى تخيلته من مشاركاته لاقيته يشحمه ولحمه امامى وطلبت منه يمضيلى على اوتو جراف او اخد معاه صورة رفض

وأخيرا استاذ كريم منير بجد بجد من القلائل انى اقابل حد واحس انى اعرفه من زمان زى ما بيقولوا الكيميا متظبطه
الف شكر يا كريم باشا على تكوينك وتجميعك لهذه الاسرة اسرة نايل موتورز المحترمة واتحداك لى فى منتدى يقدر يعمل اللى حضرتك عملته ربنا يكرمك واوعى تنسى نصيحتى بخصوص الجيل الثالث ( انت فاهمنى طبعا)

**د.محمود صلاح** · 22-08-2010 11:36 AM

كانت لقتة ظريفة جداً من ا/ ياقوت اتصاله بنا قبل الإفطار وتحدثه مع الموجودين .

المرة القادمة إن شاء الله تكون معانا بشحمك ولحمك وليس عبر النت .

-------------

أعزائي الأطفال يارب اكون قدرت أبسطكم وكنت اتمنى ان يكون حضورهم اكبر من كده

**wisambasha** · 22-08-2010 12:19 PM

ايه الحلاوة دي

انا بجد قريت ال 17 صفحة اللي فاتوا وحسيت اني كأني كنت معاكم بالظبط

علي فكرة انا كنت في النادي بعد الفطار بس كان الوقت متأخر وكلمت العقيد خالد لقيته مشي وراح الورشة (مع ميدو سيريون)
وسألته علي الناس قاللي انه سابهم متجمعين عند التراس اللي تحت المطعم بس للاسف مقدرتش اجي واشوفكم لان كان ابني يوسف معايا وكان في منطقة الالعاب و كنت لوحدي فمقدرتش اسيبه واجي اشوف الناس
وحاولت اخليه يسيب المراجيح وييجي معايا بس هايههههههههههههااااات لانه كان معاه مجموعة اصحاب وكان ساحلني وراه ومش عاوز يسيبهم ويمشي

يا رب تتكرر في مقابلات تانية ان شاء الله وعلي الرغم من اني ما شفتكمش بس بشكر كريم علي مجهوده الواضح لترتيب المقابلة
كل سنه وانتم طيبين

**kh_talaat** · 22-08-2010 12:46 PM

ما شاء الله الموضوع وصل كل المشاركات دي ولا انا داري

منتدى الأخوة والحب في الله نايــــــــــــــــــــــ ـــــــــــــــــل موتورز

بجد مش عارف اقول اية كانت مقابلة اكتر من رائعه واتشرفت بحضور كل فرد فيها

اشرف فتحي وشنوري (ووالدتة الغالية علينا) واحمد حسن والحاج احمد ابراهيم واحمد حلمي وشاركي ومحمد ممدوح ومهندس سمير الشهاوي والدكتور بحري واكرم والدكتور محمود صلاح والدكتور احمد سامي واحمد كمال وسيف وابوهاشم

وطبعا الديكتاتور ... طويل العمر ... كريم منيــــــــــــــــــــــ ــــر
وبنات المنتدى اللي سعيد بحضورهم اللي بدأ يطغى على حضورنا يا رجاله ... بس بسيطة ممكن نمنع حضورهم مقابلتين جايين يكونوا نسيوا بعض واتفركشوا ....

وأخيرا شوفت صديقي الغالي وائل بك Oilman اللي بكلمة من سنة ومشوفناش بعض واول ما حضر قولت هستخبى واشوفه هيعرفني ولا لاء لقيته لمحني على طول من اول نظره ... اعمل حسابك بقى انت معانا في كل المقابلات

**Sharky** · 22-08-2010 12:55 PM

المشاركة الأصلية كتبت بواسطة walidadel

م

علي يدي بقي الموضوع ده و بالاماره ياعم شاركي كانت C250 وانت كنت عارف كده و بالفطار دا بقيت C300 و بيشت بجي و عجله انا كنت حاضر و شاهد معاك ياكبير

شوفت بقى
قبل الفطار بيوم كانت C250
يعد الفطار بقت C300

انا خايف النهاردة اسمع انه استلم الـ S

و لا فعلا يكون استلم 740 اللى كانت راكنة فى صور مشروع الغسيل بتاعه

و الحتة الـ C دى بتاع بيدو بيه ولى العهد

**alaa74** · 22-08-2010 12:56 PM

المشاركة الأصلية كتبت بواسطة kh_talaat

ما شاء الله الموضوع وصل كل المشاركات دي ولا انا داري

منتدى الأخوة والحب في الله نايــــــــــــــــــــــ ـــــــــــــــــل موتورز

بجد مش عارف اقول اية كانت مقابلة اكتر من رائعه واتشرفت بحضور كل فرد فيها

اشرف فتحي وشنوري (ووالدتة الغالية علينا) واحمد حسن والحاج احمد ابراهيم واحمد حلمي وشاركي ومحمد ممدوح ومهندس سمير الشهاوي والدكتور بحري واكرم والدكتور محمود صلاح والدكتور احمد سامي واحمد كمال وسيف وابوهاشم

وطبعا الديكتاتور ... طويل العمر ... كريم منيــــــــــــــــــــــ ــــر

وبنات المنتدى اللي سعيد بحضورهم اللي بدأ يطغى على حضورنا يا رجاله

... بس بسيطة ممكن نمنع حضورهم مقابلتين جايين يكونوا نسيوا بعض واتفركشوا ....

وأخيرا شوفت صديقي الغالي وائل بك Oilman اللي بكلمة من سنة ومشوفناش بعض واول ما حضر قولت هستخبى واشوفه هيعرفني ولا لاء لقيته لمحني على طول من اول نظره ... اعمل حسابك بقى انت معانا في كل المقابلات

دة على أساس إنى كنت فى مقابله فى حته تانيه يا خلود

إيه يا خالد باشا انا مش موجود ليه فى السادة الحضور

**Sharky** · 22-08-2010 01:05 PM

المشاركة الأصلية كتبت بواسطة oilman

الواحد مش عارف يقول ايه غير بجد حقا انها عائلة محترمة ( عائلة نايل موتورز )
وأسف انى اتاخرت بس سامحونى كان لازم اصلى التراويح تقبل الله منا ومنكم

شاركى باشا: انا مولعتش فيك لانى لاقيتك مولع لوحدك وكمان الناس كانت خلصت عليك وكريم بيه منير سلمك ليا مباشرة ولولا انه هو اللى جابك بنفسه كنت فعلا ولعت فيك
بجد انت شخصية غير تماما اللى خلف الكى بورد اللى بتعلق المحلول ديه ز

وائل باشا
الحباية مش المحلول

انت مخدتش بالك من الرايه اللى كنت رافعة فى اول مشاركتى فى الموضوع دا

بيب كرولا بيب كرولا
بصلح اهه يا باشا

**أحمد علاء** · 22-08-2010 01:05 PM

فعلا وحقيقي وصدقا مقابلة ممتازة :)
في البداية احب اشكر جميع الأعضاء الكرام الذين سعدت جدا جدا بلقائهم واشكر الراجل الطيب جدا جدا والخدوم إلى ابعد الحدود نجم الحفل محبوب الجماهير كريم منير :) ربا يبارك فيه ويبارك له في أهله وماله.

طبعا انا للأسف ضعيف في تذكر الأسماء بس شرفت بكل من حضر ونبدأ بالورثة الشرعيين عبد الرحمن وكنزي:) وطبعا كنزي ربنا يبارك فيها ساعدتني في توزيع الكتيبات الدعوية على النساء .ربنا يبارك فيهما ويجعلهما قرة عين لوالديهما

طبعا أخي وصديقي وحبيبي الأستاذ علاء الشناوي بنتجمع ونروح ورا بعض كل مقابلة وأسأل الله ان يجمع بيننا في جنات عدن. مش متخيل اني ممكن اروح مقابلة من غير الراجل الطيب الخلوق ده. وربنا يبارك له في أهله ووالده وماله.

حبيب قلبي والراجل صاحب الحضور المميز والخلق النادر والكلام السديد صاحب أعلى الأوسمة في شتى المجالات وربنا يبارك فيه وعليه ويحفظه دكتورنا بحري.

ابو عبد الله حبيبي سعدت جدا بلقائك لثاني مرة وبإذن الله متنزلش القاهرة من غير متكلمني نتقابل.
دكتور احمد عبد الغني الطبيب ذو الخلق الراقي والنفس الطيبة والله فعلا باحب اقابلك جدا ويا خسارة متكلمناش مع بعض كثير.قدر الله وما شاء فعل

محمد محمد الشاب المميز يعني ال mmt حتى النهاية يعني هنعمر مدينة العبور يعني الأعمال الحرة:) يا ريت نقبلك قريب جدا.

نجم نيسان احمد باشا مصطفى اخيرا قابلتك يا راجل:) ربنا يبارك فيك والله سعدت جدا بمقابلتك وبإذن الله نتقابل قريب . بس كان شكلك مرهق جدا ربنا يطمني عليك.

محمد ممدوح الراجل ده لازم رجالة المنتدى كلها تشوفه وتتكلم معاه الراجل ده هادئ جدا ومحترم جدا.
مهندس سمير . رجل خلوق وذوق جدا وسعدت جدا بلقائك
أشرف باشا فتحي راجل ليه شخصية مميزة جدا ومحبوب من الجميع

احمد شاركي كان نفسي اقابلك فعلا من زمان وميهمكش الشعر الأبيض مطلوب بشدة اليومين دول:) الي بيقرأ ما يكتب ويقول عن التويوتا والياباني يكاد يشك انه من من يجدوا مبررا لما حدث في هيروشيما ونيازاكي:)
اصحاب الحضور المميز طبعا دكتور احمد سامي – احمد كمال – محمد شنوري .

وشرفت كثير بلقاء محمد قاسم – خالد طلعت – دكتور محمود صلاح الراجل ده طيب اوي ربنا يبارك فيه- وليد كنج نيسان – الحاج احمد – الصحفي المميز احمد نوح ربنا يثبته – أكرم باشا – محمد غازي – دكتور كايرو 2005- احمد سعد-دكتور شريف منسي- ابو هاشم-

ومش عارف أزاي مشفتش المهندس وائل عبد الرازق قدر الله وما شاء فعل
وفاتني مكالمة أخونا نابستر واضح اني الوحيد الي مكلمتوش... عموما ملحوقة يابوحميد ونقابلك قريب بإذن الله.
واحب اشكر محمد محمد ومهاب والشاب الصغير الي وزعوا معانا الكتيبات الدينية والمصاحف.
ولا نزكي على الله أحدا
وعذرا لو نسيت اذكر اي حد .

وربنا يجمعنا في الدنيا على طاعته.

-

الموضوع: افطــــار رمضان الرابــع لنايل موتورز (رمضان 1431) (أغسطس 2010)

LinkBack

أدوات الموضوع

عرض

-

-

-

-

-

المواضيع المتشابهه

بمناسبة رمضان . . هل انت من متدينين رمضان وبس والباقي خص !!

كل عام وأنتم بخير , تجميع ضخم من الدروس والخطب عن شهر رمضان ( اللهم بلغنا رمضان )

برامج القنوات الاسلامية فى رمضان 1431 ....‏

جدول الشيخ جبريل فى رمضان 1431

الكلمات الدلالية لهذا الموضوع

المفضلات

المفضلات

ضوابط المشاركة