الموضوع: افطــــار رمضان الرابــع لنايل موتورز (رمضان 1431) (أغسطس 2010)

عمرى ما حضرت اى حدث اجتماعى وكان بمتعه يوم الافطار ده

سواء فى حب الناس او ذوقهم او اخلاقهم او خفه دمهم او حتى فكرهم المحترم

الواحد مكنش عارف يقعد مع مين ولا مين ومكنش عايز يسيب اى حد قعد معاه

تشرفت بمقابله بشمهندس سمير الشهاوى من جديد الراجل صاحب الحديث الممتع جدا , واتشرفت بمقابله محمد عبد الباسط الفورميلاوى الجديد اللى دخل الكلوب على ايدى :)

اتشرفت بمحمد محسن اللى طلع ليه فى الفورميلا ومش عايز يقول

بشمهندس احمد كمال ودكتور احمد سامى وشنورى بك , كان نفسى اقعد معاهم كتير من المقابله اللى فاتت بس الوقت خدنى وهما على الجانب الاخر من التجمع وللأسف مقعدتش معاهم وفوجئت بيهم اختفوا فى وسط القعده

تشرفت بمقابله سيف من جديد واحمد الجزار وخالد عادل اللى دايما بينسى اسمى :)

رخمت كتير على محمد غزالى اللى احمد عز اشتغله وقاله ان الرحاب فى ظهر نادى السكة , واول مره كنت اشوف حامد المره دى

للأسف مكلمتش ياقوت لا قبل ولا بعد الفطار , انت اتصلت امتى اساسا يا ابنى !!

دكتور شريف منسى وكريم كريبتون واستاذ احمد tv وبرودرايف للأسف مكنتش اعرف انهم موجودين فى التجمع :(:( , كل تجمع لازم اسقط حد معرفش انه كان موجود !!

احمد باشا شاركى , على رأيه صباح الخير يا جارى , ههههههههههههههههه

والله ربنا يعلم كان نفسى اقعد معاك ازاى وكل ما اكون قايم جايلك حد يصطادنى فى السكه واتوه وملقيتكش غير وانا ماشى

تتعوض عن قريب بإذن الله

العقيد خالد , انت راجل ابن حلال وبيزيد احترامى ليك كل يوم عن الى قبله , ربنا يباركلك فى صحتك

بشمهندس مصطفى , الراجل اللى بعد ما اتكلمنا مع بعض يجى ساعه بيقولى بحسن نيه هو احمد نوح مجاش :) , تشرفت بمعرفتك يا باشا وان شاء الله نتقابل عن قريب تانى

مهاب , بعد ما كشفنا شخصيته الحقيقة على المنتدى :) , شاب قمه فى الادب والاخلاق وبجد كنت سعيد جدا بالحديث معاك



خالد بك طلعت , للأسف ملحقتش اقعد معاك كتير بس شايف اشرف بك فتحى كان بيكلمك عن المأساة , شكلك بتفكر تعمل زيه

استاذ اكرم , تشرفت بمقابله حضرتك يا فندم والله ويارب يبقى ليا حظ الحديث معاك المره الجايه

بشمهندس غازى اللى انقذ شنورى من جنب الهرم , اسعدنى رؤياك مره ثانيه :)

استاذ احمد سعد , سعدت برؤياك يا باشا مره تانيه ومتشكر جدا على ذوقك وكرمك

ابو ليلى , تشرفت بالتعرف اليك يا فندم وكان نفسى اقعد معاك بس انت يظهر مشيت بدرى

ابو عبد الله , راجل فى قمه الذوق والاخلاق والادب وشخصيه ممتعه جدا فى الحديث معاه , وعزمنى على بيبسى كمان :)

محمد محمد , جارى الجديد ان شاء الله , اخيرا شوفت الراجل وعرفته بعد ما كان هيهدر دمى بعد المقابله اللى فاتت , حقيقى من اكتر الناس اللى كان نفسى اقعد معاهم كتير بس برده كان على الجانب الاخر

دكتور بحرى , ربنا وحده يعلم انا كنت سعيد قد ايه لما شوفتك ولما كنت واقف اتكلم معاك , حضرتك شخصيه يسمو الحديث عنها فوق حدود النفاق او تجميل الكلام , ربنا يبارك فيك

استاذ احمد علاء , كنت سعيد جدا جدا بالتحدث معاك وكنت فى أشد السعادة لما عرفت رأيك فى , ربنا يقدرنى واكون دايما عن حسن الظن

اشرف بك فتحى , ربنا يعينك على حالك يا جارى العزيز والحمد لله انى شوفتك على خير

دامصرى , يا صاحب الكورسا اللى قعدنا نص ساعه نحاول نفتكس مين صاحبها :) , سعدت برؤياك يا باشا

محمد ممدوح قعدت نص القعده بشبه عليه وبعدين سلمت عليه وبعدين اختفى قبل ما الحق اقعد معاه , تتعوض قريب ان شاء الله

مسك الختام بقا , دكتور محمود صلاح , بسم الله ما شاء الله من بدايه التجمع وحتى النهايه كان كل الاولاد مستمتعين جدا بالقعده معاه

سبحان الله دى نعمه من ربنا حب الاطفال ليك , وبرغم ان كان نفسى اقعد معاك بس مكنتش اقدر اقطع القعدة دى