الموضوع: افطــــار رمضان الرابــع لنايل موتورز (رمضان 1431) (أغسطس 2010)

حبيبيى والله يا دكتور بحرى ,,, والله الواحد مشبعش من القاعدة معاكواااا نفسى كان الوقت يبئى اطول من كدة ونشوف ونتعرف على ناس اكتر بس ملحوقة شنورى يا ظبطلنااااااااااااا طلعة كدة بعد العيد
----------
وليا فى زمتك طبق طحينة يا دكتور بحرى ماشى

المشاركة الأصلية كتبت بواسطة د.محمود صلاح

كانت مقابلة في منتهى الجمال وفيها روح العائلة الواحدة ... ومن انجح مقابلات المنتدى .

شكراً جزيلاً للجميع على روح المحبة والألفة وحسن الخلق ...

وكل عام وانتم بخير .

كانت فعلا رائعة يا د. محمود ، و وجود حضرتك و انى اتعرفت هلى حضرتك كان من اجمل ما فى المقابلة

المشاركة الأصلية كتبت بواسطة SeiffoZ

الحقيقة كانت مقابلة فى منتهى الجمال ...
و سعيد جدا بالأشخاص إللى شفتهم المرة دى جديد ...

د. أحمد عبد الغنى ... الوحيد الملتزم بال Name Tag ... إتشرفت بمعرفتك جداا ..

يا راجل حرام عليك ... ده شاركى ، و د. أحمد عبد الغنى ، و د. محمود صلاح و أنا كلنا كنا حاطين Name Tags بأسامينا (و كمان ال name tag بتاعى من تصميم كريم كريبتون) .. بقى ماتشوفش كل دول يا راجل ... شفيق يا راجل ...
عموما ليك عندى كشف نظارة هدية لما نتقابل تانى ان شاء الله

المشاركة الأصلية كتبت بواسطة Sharky

شوفت بقى
قبل الفطار بيوم كانت C250
يعد الفطار بقت C300

انا خايف النهاردة اسمع انه استلم الـ S
و لا فعلا يكون استلم 740 اللى كانت راكنة فى صور مشروع الغسيل بتاعه
و الحتة الـ C دى بتاع بيدو بيه ولى العهد

لا يا شاركى ... ال S هى اللى بتاعة بيدو ، كريم مستنى الرولز رويس لما تيجى الأسبوع الجاى فى الجمارك

المشاركة الأصلية كتبت بواسطة meza

شكراً عالمقابلة الجميلة دى ... طبعا كنت قاعد معرفش تلاتربع الناس بسبب قلة مشاركاتى فى الفترة الأخيرة ... بس أوعدكم هخلص إمتحانات السنة دى فى أول 11 على خير (طب و سنينه ) ... و بعدها

أخيرا هو انا مش عاوز أفضح حد بس أجمد حاجة إن أنا و برودرايف تهنا فى الصحرا و إحنا مروحين من الرحاب و

يا باشا كفاية وجودك معانا ، و ربنا يقدرك على الطب و حلاوته (فكرتنى بالذى مضى) ...
و بعدين فيها ايه لما تتوهوا .. ما فيه ناس تاهت قبل كده بس ظروفها كانت اسوأ بكتير ... و الحمد لله مافيش غير اتنين بس اللى عرفوا بموضوع التوهان ده ... و للأسف الأتنين هما : "كريم" و "شنورى" ... و ربنا يستر ما يسيحوش (شنورى لمح قبل الفطار فى مشاركة قديمة)...

المشاركة الأصلية كتبت بواسطة ahmadalaaeldin

فعلا وحقيقي وصدقا مقابلة ممتازة :)
في البداية احب اشكر جميع الأعضاء الكرام الذين سعدت جدا جدا بلقائهم واشكر الراجل الطيب جدا جدا والخدوم إلى ابعد الحدود نجم الحفل محبوب الجماهير كريم منير :) ربا يبارك فيه ويبارك له في أهله وماله.
وشرفت كثير بلقاء محمد قاسم – خالد طلعت – دكتور محمود صلاح الراجل ده طيب اوي ربنا يبارك فيه- وليد كنج نيسان – الحاج احمد – الصحفي المميز احمد نوح ربنا يثبته – أكرم باشا – محمد غازي – دكتور كايرو 2005- احمد سعد-دكتور شريف منسي- ابو هاشم-

وفاتني مكالمة أخونا نابستر واضح اني الوحيد الي مكلمتوش... عموما ملحوقة يابوحميد ونقابلك قريب بإذن الله.
وربنا يجمعنا في الدنيا على طاعته.

و الله ده انا اللى اتشرفت بمعرفتك و بمعرفة الأخوة اللى الواحد بيحس انه يعرفهم من سنين
و على فكرة ... انا كمان للأسف فاتتنى مكالمة أحمد ياقوت ، و تتعوض بمقابلة ان شاء الله ، و ربنا يكرم كريم فعلا على مجهوده فى تجميعنا على الخير يا رب

المشاركة الأصلية كتبت بواسطة Sharky

محدش فاهمنى يا احمد اعمل ايه بس

سيبك انت الشعر الأبيض دا ميزة للى فى سنى و عامل شغل برضه

انت بتقول فيها يا شاركى ... انا الشعر الأبيض طقطق فى سوالفى (بلاش سيرة باقى الرأس) من سن 31 سنة ، و بجد بيعمل شغل تمام ... (و بلاش حركات نص كم و حد يبلغ الكلمتين دول للبيت عندى ...)

المشاركة الأصلية كتبت بواسطة بحري

السلام عليكم ورحمة الله وبركاته

تقبل الله منا ومنكم جميعا وأسأل الله أن تكون هذه الخطوات في ميزان الحسنات وأن يجمعنا على الخير دائما في الدنيا وفي الآخرة إخوانا على سرر متقابلين
أشكر كثيرا كل من ذكرني بخير وأسأل الله أن أكون خيرا مما تظنون وأن يغفر لي ما لا تعلمون
والناس اللي كان نفسي أقابلهم من زمان وأول مرة أقابلهم زودوا سعادتي لما يفوق الوصف..
أحمد نوح وشاركي ودامصري ود شريف منسي وأكرم ومصطفى اللي على طول لابس خوذة وراكب بسكلتة في الأفاتار بتاعه ومهاب وكريم كربتون وأبو ليلى وأحمد برودرايف وسيف اللي طلع أهدأ مما كنت أتخيل بمليون مرة..وده طبعا غير العصابة الصغيرة..غزالي وحامد وعز
ربنا يوفقهم في حياتهم وييسر لهم كل خير

و الله يا دكتور بحرى معرفة حضرتك و مقابلتك انت من امتع اللحظات فى حياتى ، و مش عا اشكر حضرتك ازاى على اللفتة الجميلة الرقيقة بتاعة هدية حضرتك لى ... فعلا بتحسس اواحد ان حضرتك اخوه و تعرفه من سين ، ربنا يديم المعروف و يجعله فى ميزان حسناتك

المشاركة الأصلية كتبت بواسطة بحري

وعلى فكرة الأكل كان كويس ومشبع برغم إن أنا وشنوري كنا معترضين على حجم الطاجن ده..ولما تيجي اسكندرية إن شاء الله هاعزمك على طاجن مكرونة على حساب شنوري ومسؤوليته الشخصية هيخلي معاييرك ونظرتك الفلسفية لفكرة الطواجن تتغير إن شاء الله

و انا معاكم يا باشا ... انا معترض على حجم الطاجن و فى رأيي الشخصى انه كان لازم يبقى قد كده مرتين كمان ...بس فيه سؤال مهم جدا ... هو شنورى بيدفع تمن حاجة ... لما هايعزم عليها ؟؟؟

المشاركة الأصلية كتبت بواسطة بحري

بيدو كان عاوز ياخد جنيه من كل عضو مقابل إنه يسلم عليه وقافش إنه ميكلمش حد وسلم علينا بالعافية وفي الآخر بيسأل كريم بكل حزن ومأساوية..(فين الجنيه)...الواد ده له مستقبل على فكرة خصوصا لما عرفت إنه كان مقضيها لعب مع البنات..كده هو عارف طريقه كويس..محدش يمسك إيده

لا لا لا لا ... بيدو انا هاخده ان شاء الله دورة تدربيبة عند بناتى التوأم علشان يحسنوا اداءه فى النواحى المالية ... دول حضرتك رفعوا مصروفهم الأسبوعى من نفسهم ، و فارضين على العبد لله احكام عرفية بأن المصروف يطلع حتى فى الأجازة ، و لو تأخرت عن موعد الصرف الأسبوعى (يوم الجمعة قبل الصلاة) ، بيحسبوا غرامة تأخير (الحمد لله بسيطة ، جنيه عن الأسبوع) ... اعتقد بيدو هاستفيد منهم جدا ..

المشاركة الأصلية كتبت بواسطة بحري

كان يوم أكثر من رائع

المشاركة الأصلية كتبت بواسطة بحري

وكل عام وأنتم بخير ونعمة وعافية في الدين والدنيا

و حضرتك بخير ... فلعلا كان يوم جميل جدا جدا جدا

المشاركة الأصلية كتبت بواسطة karim_monir

السلام عليكم يا شعبي :-)
الحمد لله لقيت الكاميرا مع ادارة المطعم ف النادي
وان شاء الله هاروح اجيبها بعد الفطار
ولما تنزل الصور هاتكلم بقى واقول اللي في نفسي واللي شوفته منكم يا شعبي اللي شديت شعري منه :-)
اه كان لسه في شعر وطار منكم :-)
نييييهههههههههههههههههههه ه
المهم لقيت الكاميرا وكله يهون بعد كدة
لينا لقاء اخر

طب لما جلالتك و فخامتك لقيتها ... امال اليومين دول احنا مستنيين الصور ليه ؟؟؟ هو المطعم فكوا الكاميرا و انت لسه بتجمعها مع بيدو يا كريم ولا ايه ... فين الصور يا ريس ؟؟؟

المشاركة الأصلية كتبت بواسطة sharky

بصراحة كان يوم فعلا رائع و كنت مبسوط جدا فيه

فى بداية اليوم كانت مقابلة دكتور شريف منسى و كنا بنركن جنب بعض

اتشرفت بمعرفتك يا شاركى

المشاركة الأصلية كتبت بواسطة a.saad

د. شريف منسى : اعتقد انه واخد دكتوراة فى الموسوعة البريطانية ، ربنا يزيده من علمه كمان

ده انا سعدت بمعرفتك و بالكلام معاك ... و ربنا يخليك ... اخجلتم تواضعنا ... دول حبة معلومات عامة بس حضرتك اللى مجامل

المشاركة الأصلية كتبت بواسطة shnory

بجد نفسي ارد ومش عارف اقولكم ايه
بس مش حقول غير اني كل يوم بحب عربيتي اكتر من الي قبله
علشان كانت سبب في معرفتي بناس زيكم
حاسس اني بقا ليا عيله افتخر بيها قدام اي حد

طبعا يا شنو لازم تتفاخر بينا قدام اى حد ...
و لكن ايه حكاية العربية دى كمان ... يا خوفى لا تاخدها حجة و تبدأ حملة جمع التبرعات لإصلاح ديدا ... و شعارها طبعا ...
"صلحوا ديدا لشنورى ... و اوعوا تقولولها غورى ... تعاطفك لوحده مش كفاية ... اتبرع ولو بالف جنيه" ...

المشاركة الأصلية كتبت بواسطة ahmed.tv

اجمل شى فى منتدى نايل موتورز بجد واللى بيميزه عن باقى المنتديات الاخرى , انه بيجمعنا دايما , ويحس على الترابط بين اعضائه
وايضا كان ليه الشرف فى مقابلة دكتور شريف , اللى قعدنا مع بعض بعد الفطار وكان بحكيلى على غزواته مع العربيات وحكاياته كانت ممتعة بجد وكنت سعيد بالقعدة معاك يا دكتور واتشرفت بمعرفت جدااا , وانت انسان غاية فى الاحترام

ربنا يخليك ، ده حضرتك اللى قمة فى الذوق و الأحترام ، و الحديث معاكم كان ممتع ، و كفاية انك رجعتنى لذكريات ايام الشقاوة و الجنان بتاعة زمان ... و حقيقى اتشرفت بمعرفتك

المشاركة الأصلية كتبت بواسطة نور القمر

انت نسيت اولادي يا شاركي طالعين في الصورة وراء
احمد ومحمد وسفندي
كان ناقص يارا تطلع في الصورة

هو شنوري اللي باين جزء منه وراء كريم
هو مطقم زي ولادي ليه ؟؟؟

دى خطة شنورية خطيرة يا نور ... علشان يضمن ان لو معاكى أكل أو عصير للولاد فتتلخبطى و تدى له نصيب منه زيهم من غير ما تاخدى بالك ، و نفس الشئ يسرى على الفلوس لشراء بيبسى أو عصير و خلافه ، كنتى هاتلاقيه واقف فى الطابور معاهم علشان ياخد هو كمان ... اكل ماشى ... عصير شغال ... فلوس يبقى ميت فل ..