الموضوع: الى اهل الخبره فى اسماك الزينه

المشاركة الأصلية كتبت بواسطة heshamzaky

معلش عاوز اقولك انت كدة بتشغل النور كتيييييييييييير شوية و السمك عينة بتتعب خليها 8 ساعات مثلا أو 10 بالكتير علشان السمك يريح السمك ما لهوش جفون زى الانسان يضلم بيها عينة و الفان تيل دة فيلم شوية علشان تفرخة مش سهل لازم يكون كبير الحجم و انت صعب تعرف مين الذكر من الانثى الا لو فيها بيض و من حركات السمك مع بعضة

ياااااااااااااااااااااااا اه دة واضح ان موضوع الخلفة طلع صعب انا كنت فاكرة عادى هو المفروض الفان تيل يخلف كل قد اية؟
وان شاء الله اظبط موضوع الاضائة دة

المشاركة الأصلية كتبت بواسطة amahmed

24 ساعة كتير جدا و حيسببوا ارهاق و ضغط عصبي علي السمك و حيبقوا اسهل انهم يصابوا بالامراض
الفكرة من الاضاءة هي محاكاة الطبيعة خصوصا و ان السمك مالوش جفون يعني بينام مفتح عنيه و الاضاءة دي حتمنعه انه ينام
المفروض ان مفيش اضاءة صناعية بالنهار و بالليل الاضاءة تكون 2-3 ساعة بالاضافة الي وقت ما يكون عندك ضيوف او انت شخصيا قاعد بتتفرج عليه و في تايمر 24 ساعة ممكن يفتح لك النور و يطفيه اتوماتيك و تمنه 20 جنيه تلاقيه عند سخانات فريش و ممكن لو دورت تلاقي حاجة ديجتال انضف مثلا
كده حتلاقي الطحالب قلت بشكل كبير جدا جدا و يمكن تختفي

المغناطيس عبارة عن جزئين كل جزء فيه مغناطيس و بيجذبوا بعض
قطعة داخل الحوض عليها رؤوس بلاستيك صغيره و قطعة من بره لما تحرك اللي بره اللي جوه بتتحرك معاه و تحك طبقة الطحالب و تشيلها و دي صور لها و هي في الحوض في اليمين اعلي الصورة


و اخونا heshamzaky حاطط الصور بالتفاصيل الله يكرمه

شكرا لمداخلة حضرتك
معلش سؤال كمان انا عارف انى زهقتكم
ينفع اسيب النور مطفى علطول

لان المشكلة انى حاليا فى اسماعيلية والسمك لوحدة فى القاهرة وبخلى جارى هو اللى ياكلة فمش عايز اتعبه واخليه ينور النور ويطفية كمان كتر خير الراجل قوى كدة

المشاركة الأصلية كتبت بواسطة heshamzaky

بص يا باشا انا مرة فرخ عندى الفان تيل و للحظ كان الفان تيل الاسود ابو عنين جاحظة أسمة بلاك مور و دة بتملى حوض 50 سنتى مية بأرتفاع 10 او 15 سنتى و بتحط فى قاع الحوض شبكة بلاستيك زى عش النحل كدة و مرقفعة مش لازقة فى أرضية الحوض و بتحط الذكر و الانثى و فية طريقتين يا أما تسبهم لوحدهم بس عينك عليهم علشان الانثى ممكن تجهد و تموت او طريقة المحترفين و دى صعبة و ممكن تموت السمكة و هى انك بتغط على بطنها لنزول البيض و بعدين ترفع السمكتين من الحوض و تسيب فية سكرية هواء بس لازم تكون مركب لها محبس هواء و تخليها ضعيفة جدا علشان ما تعملش تيار فى المية و بعد كام يوم كدة تبص ممكن أن شاء الله لو قربت لمبة صغيرة من الحوض حا تشوف سمك صغير جدا جدا جدا و بيكون من 3000 الى 5000 لو عاش 30 سمكة منهم يبقى فل الفل طبعا و احب اضحكك انى بعد ما فرخو مشفتش حاجة فى الحوض رحت ادلق المية فى الحمام و انا مميل الحوض و دلقت 80 فى المية من المية ههههههههههههههههههههههههه هههههههه شوفت سمك رفعت ايدى لانقاذ ما يمكن انقاذة ههههههههههههههههههههههههه هههههههههههههه

لا ياعم انا كفايا عليا ااكلهم واغسل الحوض كدة رضا قوى عليا
طيب مفيش نوع سمك خلفتة تكون اسهل واتعلم معاه؟

المشاركة الأصلية كتبت بواسطة heshamzaky

لمزيد من المعلومات افتح الرابط دة على المنتدى http://www.nilemotors.net/nile/136104-a.html

شكرا على اللينك

المشاركة الأصلية كتبت بواسطة heshamzaky

فية الانواع الى بتولد و اسهلهم المولى بأنواعة و خصوصا البلاك مولى لانة مش بياكل ولادة الا نادرا بس مش بتخلف كتير ممكن عشرين او اقل كل 28 يوم تقريبا

انا بفكر اسيب موضوع الخلفة دة شوية لغاية لما اعرف اتعامل كويس مع السمك واقراء كتير عنة لا انا بقالى حوالى شهر جايب السمك واول مرة اتعامل معاه
صح كدة ولا راى حضرتك اية؟