ياجماعه انا جبت حوض سمك زينه بس للاسف المياه عندنا وحشه جدا والفلتر مش بينضفها كويس فيه ناس اقترحت عليه انى املى الحوض من مياه الفلتر واضع معلقتين ملح علشان اعوض الاملاح فهل الكلام ده مظبوط ولا ايه بالظبط
ياريت حد يدلنى
عرض للطباعة
ياجماعه انا جبت حوض سمك زينه بس للاسف المياه عندنا وحشه جدا والفلتر مش بينضفها كويس فيه ناس اقترحت عليه انى املى الحوض من مياه الفلتر واضع معلقتين ملح علشان اعوض الاملاح فهل الكلام ده مظبوط ولا ايه بالظبط
ياريت حد يدلنى
معلش أنا عندى ثلاث أحواض سمك والموضوع مش بالسهوله دى ممكن توضح يعن أيه المياه عندنا وحشه جدا وساكن فين وحجم الحوض ونوع السمك عشان أقدر أساعدك عشان دى أرواح أمانه فى أيدينا ومش كل الأنواع ينفع يتحط لها ملح
ملحوظه فى موقع متخصص أسماك بالظبط زى نايل موتورز فى الأسماك وأنا خدت خبرتى منه والناس هناك مش بتتأخر على حد والعلم عنهم ما شاء الله أنصحك تشترك فيه وهابعتلك أسمه عالخاص دلوقتى
زى الزميل ما رد كدة عليك لو حطيت ملح مش كل الانواع بتقبل الملح يعنى لو الحوض مثلا كلة مولى يبقى ماشى بس انت حا تجيب أنواع اية فى الحوض
ماهو المشكله انى جديد فى الموضوع ده انا نزلت السوق وجيبت مجموعه اسماك
يعنى عندى سمكتين حجمهم كبير شويه ودهبى وسمك بيولد وسمك كاتفيش بينضف الحوض يعنى عندى مجموعه كبيره فى الحوض
الحوض مساحته متر *30 سم والمياه عندنا زباله جدا بها شوائب كتير والفلتر مش بينضفها
انت كدة السمك الى عندك الكبير دة اسمة فان تيل او جولدن فيش و السمك الى بيولد دة لونة اية او شكلة بص انت مركب فلتر شكلة اية كهرباء يعنى و لا هواء عادى
يعنى زى دول كدة [youtube]http://www.youtube.com/watch?v=2ks6lhof3o0&feature=search[/youtube]
بص الانواع دى الفن تيل الى لونها فضى مبططة دة اسمها سيلفر شارك الى مخططة ازرق فى كحلى اسمها بلو ستريب كات فيش و دى بتكبر حلو و نشيطة جدا و مولى و جرامى و سورد تيل كل دول فى الحوض دة [youtube]http://www.youtube.com/watch?v=WW1m3Nejz2Y&feature=related[/youtube]
انا عندى السمك اللى فى الفيديو الاول اللى ظهرت فى الثانيه عشرين
كمان عندى السمك الصغير اللى فى الفيديو الاول وزى ما قلت كان عندى الزبال اللى عامل زى سمك القرش بس ماتو كلهم
و الكليب دة سمكة جوبى بتولد لان فية ناس متخيلة ان السمك كلة بيبيض [youtube]http://www.youtube.com/watch?v=XqCzCRCMgyw&feature=related[/youtube]
حضرتك لازم كل فترة تغير المياة او جزء منها
للتخلص من بقايا الفضلات و الاكل اللي بتسبب عكارة في الماء و الفلتر مابينفعش معاها
بس ماتحطش مياة الحنفية مباشرة لان فيها كلور يموت السمك فوراً
لازم تسيب المياة يومين او تلاتة في طبق مكشوف او بانيو علشان الكلور يطلع
او تحط فيها كلورين و دة دجواء في قطارة لطرد الكلور من الماء
و ماتحطش محل في المياة لان دة بيأذى الانواع اللي عندك (فان تيل و جرامي و جوبي دول مياة عذبة)
و السمكة المبططة الاولى اسمها انجيل بس دول حساسين و بلاش ملح فى المية السمكة دى لو المية اتوسخت بتتأمص هههههههههه بجد و السمكة الى على الارضية و شكلها فيها دوائر و شوك شوية اسمها بلاك استوماس بقها زى الشفاطة بتنظف الزجاج مفيدة جدا فى الحوض[youtube]http://www.youtube.com/watch?v=0ueGTr4JKMs&feature=related[/youtube]
بص يا باشا فية حاجة اسمها مزيل كلور زى حبوب شبه السكر النبات جضرتك تملى الحوض مية و نحط منة شوية و بعد 15 دقيقة ممكن تحط السمك بمنتهى الامان و فية دواء لونة أزرق أسمة انتى وايت أسبوت ممكن تحط منة زيادة فى الامان هو مخصص لمرض النقط البيضاء الى بتيجى للسمك فى الشتاء بس ممكن تحطة كوقاية فقط
بص الملح انا كنت بحطة علشان يكون زى مطهر فقط بس لة الحوض كلة مولى بحط ملح عادى جدا و الملح بينشط المولى شوية و يخلية يولد و يتكاثر بس الفا تيل مش بيحب الملح و الانجيل سمك أنف شوية مش بيحب الملح بص انت عندك محلات سمك الزينة بيبيعو دود حى وجبة دود واحدة حا توسخ المية و انت ممكن كل 7 أيام كدة تفضى تلت الحوض و تملاة مية من الحنفية مباشرة دون أضافة مزيل الكلور حتى
ايوة يا باشا حط مية الفلتر فى حوض السمك عادى انت حضرتك ساكن فى رأس سدر مثلا او مناطق مجاورة لان راس سدر و ناحية سيناء كدة المياة الى فى الحنفية مياة عسرة
أكتر سمك بيستحمل هو الكوي.. أنا دايماً الفان تيل بيموت معايا ومش بيستحمل المية اللي مليانه كلور .. أنا بغير الميه عادي كل أسبوه أو أسوعين وبنضف الفلتر وبحط معلقة ملح كبيرة
انا لسة جديد برضة فى موضوع تربية السمك
عندى حوض 100*30 وعندى 8 سمكات فان تيل
وواحدة استومس مش عارف راحت فين اختفت فى ظروف غامضة ومش لاقى ليها اى اثر فى الحوض مش عارف بقى هل الفان تيل هو اللى اكلها ولا اية؟
بس عندى مشكلة ومش عارف هل هية طبيعية ولا اية عندى الحوض اتملى طحالب كتيييييييييييييييييييييير على الازاز كلة وعلى الصخور والصدف (انا عندى كام صخرة كدة فى الحوض والارضية بتاعت الحوض كلها اصداف) وحاجة كمان لاحظتها ان الطحالب كانت كتير فى الجنب اللى اضائتة شديدة (اللمبة مش متوسطنة فى الحوض ففى جنب الاضائة بتعتة قوية عن الجنب التانى)
انا عندى اللمبة بتاعت الحوض لمبة موفرة هل دى كويسة ولا ااغيرها بواحدة فلورسنت؟
وكمان عندى الحصيرة اللى بتضف دى كويسة ولا اغيرها؟
معلش طولت عليكم
ظروف المياه مش حتفرق مع اسماك الزينة طالما الاسماك مش حساسة و من الانواع العادية و طالما مش حتقوم بتفريخ الاسماك
و لك مطلق الحرية في استخدام مياه من الحنفية او من الفلتر و لو الفلتر بيشيل الكلور تبقي ميزة كويسة
المشكلة الوحيدة هي الكلور و افضل حل له ترك الماء في وعاء لمدة 24 ساعة قبل التغير
الحلول الاخري هي غلي الماء او اضافة مزيل كلور او اضافة الماء بالكلور في حالة ان الكمية التي سيتم تغيرها لا تزيد عن 15% من اجمالي الحوض
الملح يتم اضافته للوقاية من الامراض و قتل الطفيليات و يساعد في تكوين الطبقة اللزجة علي جسم السمكة التي تحميها من الامراض و مفيش ضرر منه طالما بالنسبة المعقولة 1-3 جرام لكل لتر ماء
لاحظ ان الحوض عندك غير متوافق و حتلاقي الاسماك الولودة بتجري ورا الفانتيل و بتعض ديلها و بتاكله
علشان كده الافضل انك ترجع للكتب او للنت لتنمية معلوماتك بخصوص تربية اسماك الزينة و ده حيقلل كتير المشكلات اللي حتواجها ان شاء الله
Eng_Mostafa_89@
مشكلة الطحالب تتغلب عليها بالاتي
- تراجع عدد الساعات اللي بتفتح فيها اللمبة
-تجيب سمك بيتغذي علي الطحالب زي الكات فيش و بليكوستوماس اللي هي مشهورة بالمساحة
او تشتري مغناطيس بحوالي 10 جنيه و تمسح الازاز به
اللمبة الموفرة ممتازة جدا للاستخدمات العامة بس اوعي يدخل لها رطوبة و الا حتبوظ
الحصيرة اعتقد انك تقصد فلتر ارضي هو ممتاز جدا في التنظيف لكن لما يجي وقت تنظيفه حتتعب جدا لانك حتهد الحوض و تشيل الجرش و الديكور علشان توصل له
ايضا لو بترمي اكل كتير و في فضلات كتير الفلتر الارضي حيسحب الفضلات و بواقي الاكل وسط الجرش و لانها كتير مش حتتحللها البكتريا النافعة و حتعفن و تلوث مياه الحوض لذلك يجب الحرص علي تنضيف الجرش مع تغيير المياه الدوري
الفلتر الارضي غير كافي كحل وحيد و لازم معاه فلتر باور و خصوصا مع مقاس حوضك
و ياريت ماتزودش سمك عن كده لان الفانتيل سمكة شقية و حتوسخ الحوض و الحمل حيكون كبير علي الفلاتر و بكتريا التحليل بس مفيش مانع من كات فيش بحجم و عدد مناسب علشان مشكلة الطحالب
الفان تيل سمكة وديعة مش بتاكل الا السمك الصغير و ال بلاك أستوماس دى مفيش حاجة ممكن تاكلها دى جسمها خشن و بيشك انا لما بمسكها بايدى بحس بخربشة و ممكن أتعور من الشوك بتاها خصوصا لو حجمها كبير انا كان عندى واحدة حوالى 20 سنتى و أكتر دور عليها كويس فى الحوض لو مش موجودة و دة صعب لانها مش بتموت بسهولة لو مش موجودة تبقى ماتت و اتحللت فى المية و ريحة الحوض حا يبفى فية زفارة و مقرف شوية غير ثلت المية و ما تخافش من غير أضافة مزيل كلور حتى و افضل الفلاتر الكهرباء و معاة فلتر جنب البلاستيك الى بيتحط فية زى الصوف الزجاجى حا تلاقى المية زى الكريستال و بالنسبة ل الاضاءة مش اللمبة النيون فية لمبة مخصوصة لحوض السمك و دى بتدى اضاءة ممتازة و لون رائع للحوض و بتظهر لون السمك و عاملة للسمك زى ضوء الشمس اللمبة دى اسمها لمبة جرولوكس بتتباع عند بتوع السمك الزينة و كنت بجيبها ب 20 جنية تقريبا و هى مستطيلية فية منها 40 سنتى و 60 سنتى برضو
افتح الرابط دة كدة العالم الساحر - الإنارة
حاليا اللمبة شغالة 24 ساعة بس الاول كنت بشغلها من الساعة 8 الصبح لغاية 12 بليل
هو معلش المفروض انى اشغلها قد اية؟
وفعلا الحصيرة اللى هيا الفلتر الارضي
طيب يبقى كدة لازم اجيب فلتر تانى لان فعلا بحس ان السمك بيوسخ المية بسرعة
وبخصوص الطحالب ان شاء الله هجيب سمكتين استومس بس يارب ميختفوا زى دى
واية المغنطيس اللى حضرتك قولت علية دة انا مش عرفة؟
انا قلبت عليها الدنيا مش لاقيها انا النهاردة فضيت الحوض كلة وغسلتة غسلة نضيفة وغلست الجرش بس شيلت الصخور هى والصدف اللى كان على الوش لانهم كلهم طحالب فقلت احطهم شوية فى الشمس علشان الطحالب تموت وبعد كدة ابقى اغسلهم تانى واحطهم
ومعلش هتعبكم معايا
اجيب منين الحاجة دى لان الراجل اللى بتعامل معاه على قدة شوية
ومعلش سؤال كمان هو الفانتيل بيخلف كل قد اية واعرف منين؟ لان مليش خبرة خالص
متشكر على الرابط
انا متشكر جدا لحضرتكم ومعلش تاعبكم معايا
جزاكم الله كل خير
بص يا باشا انت عارف شارع جسر السويس قبل تقاطع اشارة روكسى فية 3 محلات كبار عندهم أسماك زينة و عندهم كل اللوازم دى و أفضلهم محل أسلام و مؤمن الى فى النصف على ناصية شارع صغير كدة و المغناطيس دة عبارة عن جزئين الجزء الى فية اليد بيقى برة الحوض و الجزء الاخر فى المية جوة الحوض هو فية زى فرشة جشنة كدة بتركب المغناطيس يعنى زجاج الحوض بيكون فة منتصف جزئين المغناطيس و الزجاج وسطهم زى الساندوتش كدة و بتحرك أيدك المغناكيس قوى فبينظف الزجاج من الداخل و صورتة أهية لسة مصورة لك حالا يا باشا http://img52.imageshack.us/img52/4331/220820101298.jpghttp://img839.imageshack.us/img839/1...0820101299.jpg
معلش عاوز اقولك انت كدة بتشغل النور كتيييييييييييير شوية و السمك عينة بتتعب خليها 8 ساعات مثلا أو 10 بالكتير علشان السمك يريح السمك ما لهوش جفون زى الانسان يضلم بيها عينة و الفان تيل دة فيلم شوية علشان تفرخة مش سهل لازم يكون كبير الحجم و انت صعب تعرف مين الذكر من الانثى الا لو فيها بيض و من حركات السمك مع بعضة
شكرا يا باشا على الصور
طيب وبخصوص عدد ساعات الاضائة قد اية؟
24 ساعة كتير جدا و حيسببوا ارهاق و ضغط عصبي علي السمك و حيبقوا اسهل انهم يصابوا بالامراضاقتباس:
حاليا اللمبة شغالة 24 ساعة بس الاول كنت بشغلها من الساعة 8 الصبح لغاية 12 بليل
هو معلش المفروض انى اشغلها قد اية؟
وفعلا الحصيرة اللى هيا الفلتر الارضي
طيب يبقى كدة لازم اجيب فلتر تانى لان فعلا بحس ان السمك بيوسخ المية بسرعة
وبخصوص الطحالب ان شاء الله هجيب سمكتين استومس بس يارب ميختفوا زى دى
واية المغنطيس اللى حضرتك قولت علية دة انا مش عرفة؟
الفكرة من الاضاءة هي محاكاة الطبيعة خصوصا و ان السمك مالوش جفون يعني بينام مفتح عنيه و الاضاءة دي حتمنعه انه ينام
المفروض ان مفيش اضاءة صناعية بالنهار و بالليل الاضاءة تكون 2-3 ساعة بالاضافة الي وقت ما يكون عندك ضيوف او انت شخصيا قاعد بتتفرج عليه و في تايمر 24 ساعة ممكن يفتح لك النور و يطفيه اتوماتيك و تمنه 20 جنيه تلاقيه عند سخانات فريش و ممكن لو دورت تلاقي حاجة ديجتال انضف مثلا
كده حتلاقي الطحالب قلت بشكل كبير جدا جدا و يمكن تختفي
المغناطيس عبارة عن جزئين كل جزء فيه مغناطيس و بيجذبوا بعض
قطعة داخل الحوض عليها رؤوس بلاستيك صغيره و قطعة من بره لما تحرك اللي بره اللي جوه بتتحرك معاه و تحك طبقة الطحالب و تشيلها و دي صور لها و هي في الحوض في اليمين اعلي الصورة
http://www.digitalchangeling.com/pic..._WholeTank.jpg
و اخونا heshamzaky حاطط الصور بالتفاصيل الله يكرمه
http://canadafishtank.com/wp_marcel/...gae-scaper.JPG
بص يا باشا انا مرة فرخ عندى الفان تيل و للحظ كان الفان تيل الاسود ابو عنين جاحظة أسمة بلاك مور و دة بتملى حوض 50 سنتى مية بأرتفاع 10 او 15 سنتى و بتحط فى قاع الحوض شبكة بلاستيك زى عش النحل كدة و مرقفعة مش لازقة فى أرضية الحوض و بتحط الذكر و الانثى و فية طريقتين يا أما تسبهم لوحدهم بس عينك عليهم علشان الانثى ممكن تجهد و تموت او طريقة المحترفين و دى صعبة و ممكن تموت السمكة و هى انك بتغط على بطنها لنزول البيض و بعدين ترفع السمكتين من الحوض و تسيب فية سكرية هواء بس لازم تكون مركب لها محبس هواء و تخليها ضعيفة جدا علشان ما تعملش تيار فى المية و بعد كام يوم كدة تبص ممكن أن شاء الله لو قربت لمبة صغيرة من الحوض حا تشوف سمك صغير جدا جدا جدا و بيكون من 3000 الى 5000 لو عاش 30 سمكة منهم يبقى فل الفل طبعا و احب اضحكك انى بعد ما فرخو مشفتش حاجة فى الحوض رحت ادلق المية فى الحمام و انا مميل الحوض و دلقت 80 فى المية من المية ههههههههههههههههههههههههه هههههههه شوفت سمك رفعت ايدى لانقاذ ما يمكن انقاذة ههههههههههههههههههههههههه هههههههههههههه
لمزيد من المعلومات افتح الرابط دة على المنتدى http://www.nilemotors.net/Nile/136104-a.html
العفو يا باشا بص دى راحة شجصية لو ولدو خا تضطر تشترى احواض اخرى و موتور جديد و العملية حا تفتح واحدة واحدة دى هواية و مزاج شخصى ليك بس حا تفرح فى الاول و بعد كدة حا تزهق من كتر السمك و الخلفة بجد مش هزار حا تزهق من كثرة السمك و مش حا تلاحق علية هههههههههههههههههههههه
طب انا كده عرفت 3 انواع من السمك اللى عندى جولدن فيش وفان تيل وفايتر وكان فيه الزبال ومات بس انا لسه عندى انواع تانيه زى السمك اللى بيولد وبيبخ ولاده وده لونه اسود وسمك تانى صغير لونه اسود فى ابيض فى دهبى وعينيه طالعه لبره حد يعرف دول اسمهم ايه وطريقه التعامل معاهم ازاى وهل ممكن اجيب اكتر من فلتر كهرباء علشان النضافه وكمان لو عاوز اعمل شكل فقاعات جمالى انا قريت ان فيه مضخ الاكسجين فهل ده فعلا بيعمل فقاعات ولا لا ؟