الموضوع: إرحمونا من الموتسيكلات الصينى ديه

المشاركة الأصلية كتبت بواسطة ahmedamin

هههههههههههههه لا بجد مش بهرج ... ده كان فعلاً الأعلان بتاع فرونتيرا ... لسة مسمع فى ودنى .
مش ناسيه مش عارف ليه ... أصلها كان زمان عجبانى ... وأعلانها كان جميل .
بس عجبتنى أكتر لما دخلت بقلب جامد على بتاع الموتسيكل .
خلتنى أبص على نوع العربية ومنها افتكرت الأعلان هههههههههههههه .

انا اول مرة اسمعه

دة كان في التليفزيون و للا اية ههههه

مافتكرش اني شفت اعلانات فرونتيرا هنا الا في الصفحه الاخيرة في الاهرام بين عمود المرحوم احمد بهاء الدين و عمود انيس منصور وقت مانزلت و كانت نازلة بالاسمين شيفرولية فرونتيرا و ايسوزو روديو


ياباشا انا مش بتاع موتوسيكلات انا ممكن احكيلك حكايات اكبر بكتير من موتوسيكل مرة مع شاهين و مرة لانسر مكوة و اخرهم الشهر اللي فات مع تريوس القديم

المشاركة الأصلية كتبت بواسطة ahmedamin

انا فاكر ومتأكد من الأعلان كويس ... كمان ده كان فى التليفزيون حتى أسال منصور كان منزلها لايسوزو بأسم روديو وأوبل فرونتيرا كمان وكلهم واحد .
أما بالنسبة للأفترى والرهبة اللى انت عاملها للناس اللى فوق دول ... فالقوى فيه الأقوى منه ههههههههههههه .
ربنا يعترك كدة فى حتة هيمفى كدة .

انا عمري ما افتريت على حد و لا تعمدت اخوف او ارهب حد بل بالعكس و دي حاجة يعرفها كل اللي بيسوق 4*4 انة بيبقى ماشي خايف عالناس اللي حوالية اكثر منهم نفسهم و بيكون اكثر حذراً في السواقة من كل المحيطين بة لانة يعلم جيدا كم الاضرار التي يمكن ان تسببها سيارتة

لكن في نفس الوقت انا ماحبش يفتري عليا و لا ياخد حقي و لا يتعمد الغتاتة و قلة الأدب