الموضوع: تويوتا _ستارليت_ ..... (أراء وتقييمات + صيانات + أسعار قطع غيار)

المشاركة الأصلية كتبت بواسطة pro_samir

الموتور ده ما شاء الله .. الهورس باور بتاعه 99 حصان بدون تعديلات ، الألف بتاع الاستارليت العادي 55 حصان .. يعني اقوي الضعف تقريبا

معظم الناس اللي عندهم مواتير استيراد بياخدو المواتير القديمه وبيخصم حقه من الموتور الجديد .. علي اساس انه بيبيع منه قطع غيار .. اتأكد منه في الموضوع ده وشوف هيحسبهولك بكام

وبالنسبه للجديد طالما بالضفيره بالرادياتير والتكييف وكله معتقدش انت هتحتاج معاه حاجه غير طرمبة بنزين والمفروض انها تكون موجوده عنده برضو ، واتأكد منه في الحكاية دي واعرف الموتور الجديد هيديلك فتره قد ايه تجربه .. المفروض في فتره من اسبوع لاتنين ولو فيه حاجه يتغير

شكرا مستر سمير لاهتمامك
هو فعلا قالى الموتور كامل بالدفيرة وطرمبة البنزين بس ماجابش سيرة الراديتير وواضح انى هاغير الراديتير لانه اصغر من اللى فى الصورة
انا كنت ناوى انزل اجيبه الاسبوع ده بس ظروفى موش هاتسمح ان شاء الله على اخر الشهر هاجيبه واقولكم الموضوع بالتفصيل

المشاركة الأصلية كتبت بواسطة pro_samir

الإزاز الخلفي خد طوبة اتفشفش الحمد لله

المصري بـ 290 والمستورد 340 .. والجوان الكاوتش حوالي 50 جنيه

قدر الله ماشاء فعل الحمد لله

طيب سعر الزجاج الامامى والابواب كام عشان احتمال كبير هاغيرهم

طيب دلوقتى انا فى حاجة مجناننى الموتور بتاعى مكتوب عليه 1E يعنى 1000 سىس وفى نفس الوقت انا عندى 5 غيار + غيار خلفى
وطبقا لقائمة مواتير تويوتا ال 1E بيبقى 4 غيار فقط و1000 سىسى
Toyota E engine - Wikipedia, the free encyclopedia

طب اللى عندى فى العربية ده اسمه ايه ؟مع العلم انى عرفت وانا برخص ان العربية مغيرة موتور !
واخر ميكانيكى كنت عنده عشان موضوع الزيت قالى الموتور ده 1300 موش 1000 قولتله ازاى انا مرخص 1000 قالى يبقى حظك؟

وكمان كلمت الرجل اللى انا شارى منه العربية سألته العربية كام سى سى قالى والله انا شاريها على اساس انها 1300 بس واانا بغير الديسك والاسطوانة جبت بتاعه 1300 الميكاتيكى قاله ان دى كبيرة ورجعه تانى يجيب الاصغر منها

طيب دلوقتى بقا انا 1000 ولا 1300 سى سى ؟
هو ممكن اللى غير الموتور يكون غيره بس ساب الحتة اللى محفور عليها 1E زى ما هيا ينفع الكلام ده ولا انا بخترع؟

ارجوكم افيدونى عشان لو فعلا طلع 1300 انا ممكن اصلحه بدل ما اغيره كله خصوصا انه كده هاينفع اشغل التكييف عليه .

momken a3raf b kam el motor el 1300 el karbrater ? s2alt 3leeh ?

المشاركة الأصلية كتبت بواسطة a.one_1

بالظبط حضرتك برده طلعت عندى اكبر بس الميكانيكى ظبطها على الحجر لحد ماجابت المقاس بالظبط من غير حشر

المشكله انى كده غيرت التلات قواعد بس برده ليسا بسمع تخبيط مع هز العربية او المشى على طريق موش متساوى تخبيط تحسه عند رجلك كده وبيحصل مع الهز حتى مالوش دعوة لا بفرامل ولا دبرياج لانه ممكن يحصل وانا ممور .
وبصيت برده على الجاكمان لقيته تمام موش عارف اعمل ايه تانى

بالنسبة لموضوع التخبيط روحت لعفشجى قالى انت عايز طرفين اسكاترا ! وكمان جهاز الفرامل يمين عايز يتربط كويس

يعنى ايه بقا طرفين اسكاترا ؟ وبكام ؟

انا كده بقيت هاغير حاجات كتيرة فى العربية ربنا يستر بجد