الموضوع: تويوتا _ستارليت_ ..... (أراء وتقييمات + صيانات + أسعار قطع غيار)

فى ناس بتقول ان الموتور 4efe قطع غياره مقرفه وكده وكمان ناس من اللى سالتهم قالولى الكربراتير احسن من الانجيكشن بالنسبة للستارليت 92

ya reet ya basha negama3 nfsena we nenzel ns2al mra w7da ana zyak bardo bl zabt we 3awez el 1300 CC we mestany isa kam shahr kda :D Lw nezbat m3a b3d aked hngeb b as3ar 7elwa

المشاركة الأصلية كتبت بواسطة pro_samir

الفكرة في الحالة طبعا لو العربية مظبوطة وسليمة هتبقي جميلة

موضوع الثبات من ساعة ما جبتها مركب كاوتش 185 علي جنط 13 ومفيش مشكلة في الثبات علي السرعات اللي قلتها خالص لو العشفة سليمة بالعكس بتطلع من عربيات كتير في الملفات فرق ثبات ، هو يمكن مقلل التسارع شوية مع الموتور ال1000 ومعلي الاستهلاك بس بالنسبالي الثبات أهم ، لكن برضو سحبها جميل ما شاء الله .. هي 12 صباب علي فكرة

وكل ما هتحتاج تزود الثبات مع السرعه هتظبط العفشة والجنوط وتقلل البروفايل علي حساب نعومة العربية .. العادي يعني

كعيوب او مشاكل العربية نفسها مفيهاش عيوب لكن موضوع قطع غيار العفشة هي اللي مش منتشرة تحديدا زي مساعدين قواعد موتور سكاترا جلب مقصات عند ناس معينة ، والحاجات دي بتغيرها وتنساها مش مؤرقة يعني

من ناحية مميزات فانت عارف أصالة ياباني التسعينات يعني لو سليمة ما شاء الله متحسش خالص انها بقالها 20 سنة بالعكس تبقي احسن من موديلات عالية في حاجات تانية كتير

العربية معايا بقالها 4 سنين ومغير معظم الحاجات المستهلكة والموتور ما شاء الله سليم ومش متعمر قبل كده فا مش عارف افكر في تغيير العربية لمجرد التغيير علشان مستخسرها ومريحاني من ناحية ومن ناحية تانية لسه هجيب عربية اقعد اظبط فيها برضو علي ما توصل لحالة انك تغير كل المستهلكات

فعلا عارف التسعينات كانت فترة ازاي فتويوتا وجربت الكورولا فيها
وعلشان كده هدور ان شاء الله علي واحدة لان عندي بردوا بيفكروا فالعربية دي
ربنا يبارك لحضرتك
واشكرك علي ردك ..

يوم الاربعاء ياجماعه بدات اظبط فى العربية وقولت ابدا بالعفشة روحت لواحد شغال معايا فى الشركة عنده ورشه فكك العفشة كلها امامى وخلفى وسكاترا وطلب منى الاتى
عدد اتنين مساعدين خلفى kyb عملو 550 جنيه
عدد اتنين كوبلن يابانى 550 جنيه - للاسف مالقتش تايوانى 23 سنة - بس الراجل عجبه الكبالن قوى قوالى دول عوفاى وجامدين
عدد اتنين كاوتش بيانو اسكاترا 80 جنيه
عدد اتنين كاوتش مساعدين خلفى 15 جنيه
والعفشجى اشتغل فيها الاربعاء والخميس واخد منى 170 جنيه

العربية طالعه من عنده بسم الله ماشاء الله ناعمة وحسيت بفرق رهيب وجمدت قلبى وروحت مسافر بيها من الاسكندرية للقاهرة ورجعت كنت مقلق من الموتور بس الحمد لله كانت على الطريق ثابتة ومشيت 140 رايح جاى والله مع انها ممكن تاخد تانى بس انا مارضيتش اظغط على الموتور

يعد ماجيت من القاهرة حسيت بشخلله فى العجله الشمال امامى روحت اللعفشجى قالى ده جهاز الفرامل حاجة بسيطة ماتقلقش هاظبطهولك بكرة وانا لسا ماروحتلوش بس فعلا الشخلله موش مؤثرة على الاداء هو بس صوت مع الهزة

نزلت امبارح الف على المواتير لقيت ال 2e موجود وعامل 4500 جنيه اول كلام بس مالقيتش موتور راكب فيه كومبريسور التكييف بس قالولى نركبوله كومبرسور عادى
بصراحة المواتير شكلها متبهدل كده ومتهان بس لما روحت للميكانيكى قالى عادى ماتحكمش عليهت من شكلها واتفقنا انه هادورلى برده على حد بيبيع مواتير كويس ونفاصل معاه فى السعر لان 4500 كتير وكده

وده اخر الجديد عندى فى تظبيط الستارليت لما الاقى الموتور ابقى احكيلكو على التركيب وكده ...ادعولى ياجماعة

من فين الاسعار دى لوسمحت