تويوتا _ستارليت_ ..... (أراء وتقييمات + صيانات + أسعار قطع غيار)

**NOOR** · 06-06-2011 08:15 PM

مبروك التثبيت
انا مغير الجنوط وحاطط كوتش عريض ونفس الاحساس
كل الناس تنزل من العربية عايزة تضربنى

بالتسبة للكراسى انا باسال لو ممكن الاقيهم استيراد فى الحرفيين اومت عربيلا مقطعة
انا سمعت ان فى الحرفببن عربيات منها

**yamr2006** · 06-06-2011 08:46 PM

المشاركة الأصلية كتبت بواسطة noor

مبروك التثبيت
انا مغير الجنوط وحاطط كوتش عريض ونفس الاحساس
كل الناس تنزل من العربية عايزة تضربنى

بصراحة مش عارف ممكن نشوف رأى محمد بية اية ؟

بالتسبة للكراسى انا باسال لو ممكن الاقيهم استيراد فى الحرفيين اومت عربيلا مقطعة
انا سمعت ان فى الحرفببن عربيات منها

اكيد هتلاقى منهم دة رقم الحديدى كلمة واسئلة لان انا بصراحة مسئلتش عليهم عندة 0105183576 شوف وقولنا

**Ralliart** · 06-06-2011 10:14 PM

المشاركة الأصلية كتبت بواسطة yamr2006

كان موجود عند الحديدى فى الحرفيين ربع الى هو ةفوانيسة مدورة بالشبكة والاكصدام كان شكلة تحفة وقالى دة بتاع الجى تى كان عامل 1800 جنية

ايوه هو ابو فوانيس مدورة
كانت بـ1800 بالموتورالتيربو ولا الفوانيس والاكصدام بس؟؟

**yamr2006** · 07-06-2011 09:57 AM

المشاركة الأصلية كتبت بواسطة Ralliart

ايوه هو ابو فوانيس مدورة
كانت بـ1800 بالموتورالتيربو ولا الفوانيس والاكصدام بس؟؟

بصراحة مش متأكد بس بيتهيئلى انة من غير تيربو هوة الوش بالفوانيس والاكصدام بفوانيسة

بس استفسار هوة العربية ينفع يركب ليها تيربو ولو ينفع هية موتورها 999 سى سى هيستحمل اذاى ولا دة منظر وصوت ولا اية ؟؟؟؟

**Ralliart** · 07-06-2011 10:55 AM

لا starlet gt بتنزل بموتور 1300 تيربو من مصنعها
يعني هتاخد الموتور وكل محتويات حوض الموتور (فتيس وكمبريسور ودينامو.......) وتشيل القديم مش هتاخد التيربو بس
انا جربت اسوق العربية دي قبل كدة بره مصر وطلعتها كانت وهمية بتطلع من عربيات 6 سلندر لانها خفيفة وموتورها قوي

**pro_samir** · 07-06-2011 11:44 AM

انا عمال ادور علي الموضوع مش لاقيه :)) مبروك التثبيت يا شباب وشكرا للمشرف

الجي تي موجوده فعلا في الحرفيين بس مش متأكد ان كانت بتيجي بمواتيرها ولا لأ ممكن تعمل جوله وتتأكد ، ولو ملاقيتوش موتور الكورولا بيتسقط عليها علي نفس القواعد من غير تعديلات .. الموضوع ده واكل دماغي بصراحه وماسك نفسي ، في منتديات متخصصه في الاستارليت لناس من انجلترا و دول شرق أسيا لما بشوف التعديلات اللي بيعملوها في العربيه حاجه مستفذه

نشفان العفشه من ورا شوف المساعدين عامله ايه والسوست ، عندي لما غيرت المساعدين الأمامي بجديد kyb حسيت ان العربيه عليت من قدام شويه أكتر من ورا بالاضافه لأن السوست اللي ورا كانت تعبت شويه .. اشتريت جوز سوست استيراد بتاع لانسر سعرهم 80 جنيه ، هم نفس الاستارليت بالظبط ونفس السمك لكن فيهم لفه واحده زياده فقط فرقو معايا جامد العربيه بقت معدوله ومسكت نفسها اكتر في الثبات مع انها عليت مش وطيت .. والدتي واختي علشان اكتر ناس بيركبو ورا بيقولولي انها اكتر عربيه بيرتاحو فيها يمكن علشان مش بتتنطط من ورا ولا ايه معرفش ! مع انها اصغر عربيه بيركبوها :)

الكراسي مش لازم بتاعتها ممكن أي كراسي بس متكونش كبيره قوي علشان متضيقش العربيه ، اظن كرسيين الفيرنا مثلا ب500 جنيه

**pro_samir** · 08-06-2011 11:05 PM

المشاركة الأصلية كتبت بواسطة yamr2006

الحمد لله

انهاردة الصبح وانا رايح الشغل سير الكاتينة قطع وجبت ونش ورفعت العربية لحد الميكانيكى والحمد لله لسة مخلص من الساعة 7 الصبح لحد دلوقتى ( لعلة خير ) والحمد لله محصلش حاجة فى الصبابات كنت بجد خايف منها قوى بس طبعا ستر ربنا والميكانكى يقولى يا بية انت راكب يابانى من 128 خلو بالكو يا جماعة سير الكاتينة الى مش اصلى لازم تغيروة على 30 الف كيلو محدش يكتر اكتر من كدة علشان لقدر الله ميعطلش وفى نفس الوقت خلينا فى الامان الوقاية خير من العلاج وهوة كلة على بعضة ب 65 جنية يعنى مش مستاهلة

قدر الله وما شاء فعل الحمد لله ان محصلش حاجه

حصلت معايا من كام شهر كان السير عامل حوالي 38000 كم مش الأصلي برضو نوع اسمه Uno للأسف انا اللي كسلت اغيره لما كنت فاكك الموتور

كنت ماشي علي الزراعي علي 90 تقريبا ولمبة الزيت نورت وحسيت ببرجله كده أول ما مورت العربيه بطلت ، ركنت وبعدين دورت مارش مره أو اتنين سمعت صوتها قلت أكيد سير الكاتينه نزلت فكيت الغطا بتاعه لاقيته فعلا متمزع اتصلت بوالدي جاب حبل وجه قطرني

وبفضل الله برضو محصلش اي حاجه ركب السير الجديد ودور دارت مفيش نص ساعه .. اللي بيدمر الدنيا انك تحاول تدور كتير ده اللي ممكن يبهدل الدنيا