تويوتا _ستارليت_ ..... (أراء وتقييمات + صيانات + أسعار قطع غيار)

**pro_samir** · 09-06-2011 02:57 PM

طيب متقولنا هو مين ويا ريت تليفونه ، الإشارات كنت شاري الأتنين بنفس السعر من الحديدي بس كان بيستهبل عايز يزود سعرهم عن كده

امبارح كنت بدور علي ترس للمارش لأنه ساعات بيعلق يلف علي الفاضي اشتريت واحد استيراد ب45 جنيه بتاع كورولا كان في منه 8 سنون و 9 قالي معظمها 9 خدت ال9 وقلت الف لفه اشوفه جديد كل لما اقول لحد ترس مارش كورولا يقولي مفيش يا يقولي فكه وهاته اقوم مطلعله اللي اشتريته برضو يقولي مفيش

ربنا يسهل ويطلع هو ال9 ده بدل ما اضطر اروح اغيره وافك تاني

**yamr2006** · 09-06-2011 08:10 PM

المشاركة الأصلية كتبت بواسطة pro_samir

امبارح كنت بدور علي ترس للمارش لأنه ساعات بيعلق يلف علي الفاضي اشتريت واحد استيراد ب45 جنيه بتاع كورولا كان في منه 8 سنون و 9 قالي معظمها 9 خدت ال9 وقلت الف لفه اشوفه جديد كل لما اقول لحد ترس مارش كورولا يقولي مفيش يا يقولي فكه وهاته اقوم مطلعله اللي اشتريته برضو يقولي مفيش

ربنا يسهل ويطلع هو ال9 ده بدل ما اضطر اروح اغيره وافك تاني

انشاء الله يطلع هوة وابقى طمنا عملت اية

**pro_samir** · 10-06-2011 05:45 PM

المشاركة الأصلية كتبت بواسطة yamr2006

ان شاء الله يطلع هوة وابقى طمنا عملت اية

طلع مش هو ﻻقيته 8 ، الراجل كان بيقولي ال9 هو اللي منتشر يبقي طبيعي كنت اخد ال 8 :)

بس خير .. المارش لما اتنضف بقي سريع جدا ما شاء الله والغريب انه معلقش تاني لحد دلوقتي

**pro_samir** · 11-06-2011 07:24 PM

المشاركة الأصلية كتبت بواسطة Ralliart

هو موتور الكورولا قصدك انهي موديل ؟؟ وكام cc وكام حصان وانجيكشن ولا كربراتير
معلش هتعب حضرتك معايا اصل انا بطيخة في مواتير تويوتا وواحد موصيني اشوفله موتور فعايز لما انزل ابقى عارف انا بسأل على ايه

لا ابدا انا برضو مليش في المواتير قوي بس كل حاجه موجوده اونلاين ، الموتور اللي اقصده بتاع كورولا الملكه ولو العيون هي نفس قواعد الموتور يبقي بتاع العيون كمان يركب بدون تعديلات ، وغالبا هتلاقي مواتير الجي تي موجوده ان شاء الله لأنهم بيجيبو انصاص و الحديدي بتاع الحرفيين كان مسقط واحد في ستارليت بتاعته وقالبها جي تي بالكامل

دي المواتير اللي نزلت في الاستارليت

999 cc 1E I4 (EP80)
1,295 cc 2E I4 (EP81)
1,295 cc 2E-E I4 (EP81)
1,331 cc 4E-FE I4 (EP82, EP85)
1,331 cc 4E-FTE I4 (EP82)

1,453 cc 1N I4 (NP80)

التفاصيل كامله موجوده علي ويكي وممكن تشوف كل موتور مواصفاته ايه

Toyota Starlet - Wikipedia, the free encyclopedia

الاستارليت اللي كل الكلام عليها سيريس 80

**aboelazm172** · 13-06-2011 12:48 PM

انا اول مشاركة لى هنا و انا سعيد جدا انى لات حد بيتكلم على ستارليت لحسن انا لسا جيبها من يومين على اد فيلوسى 26000 بس عملة زى الشوخشاخة و هى ماشية فممكن لو حد يعرف عفشجى كويس ليها و يسلام بقا لو فى 6 اكتوبر :)

**yamr2006** · 13-06-2011 11:21 PM

المشاركة الأصلية كتبت بواسطة aboelazm172

انا اول مشاركة لى هنا و انا سعيد جدا انى لات حد بيتكلم على ستارليت لحسن انا لسا جيبها من يومين على اد فيلوسى 26000 بس عملة زى الشوخشاخة و هى ماشية فممكن لو حد يعرف عفشجى كويس ليها و يسلام بقا لو فى 6 اكتوبر :)

ياباشا الف مبروك على العربية وصدقنى مش هتندم انك جبتها بالنسبة للعفشة انا بصراحة شغلى فى 6 اكتوبر عند مدينة الانتاج وفى واحد فى بنزينة وطنية الى جمب دريم لاند اسمة الاسطى عبدة روح عندة وهوة هيكشف على العربية ويقولك اية الى فيها بالظبط ويقولك اية الاولويات الى انت محتاجها وابقى قولة من طرف عمرو الى معاها الاستارليت البيضاء وانشاء الله خير

**raptorali** · 14-06-2011 03:14 PM

انا اول مشاركة لى هنا ومجهود حقيقى رائع الى انتوا عاملينه انا عندى مشكلة صغيرة البطاحة عندى اتقطمت من مطب معلش قدر الله ما شاء فعل المهم اجيبها منين ولو تعرفوا حد فى اكتوبر يبقى تمام قوى