الموضوع: تويوتا _ستارليت_ ..... (أراء وتقييمات + صيانات + أسعار قطع غيار)

المشاركة الأصلية كتبت بواسطة yamr2006

السلام عليكم

بالنسبة للاشارة ممكن تلاقيها عند الصوابى او التوفيقية ولو صعب قوى عليكى وعلى الاستيراد فى الحرفيين

طيب كويس ان الصوابي عنده مكنتش اعرف ، ممكن حضرتك تتصلي بالدليل تسالي علي رقمه قوليلهم الصوابي قطع غيار تويوتا في شبرا ، أو لما اروح هحط لحضرتك الرقم ان شاء الله

المشاركة الأصلية كتبت بواسطة yamr2006

السلام عليكم

عايز انبهكم لحاجة مهمة قوى يا جماعة تخلو بالكو منها ضرورى انا كنت لسة مغير 4 فرد كاوتش نوع gt من حوالى 7 شهور العربية بقالها مدة مش مظبوطة ناشفة فى المشى وفى المطبات يسلام تنفعك لو عايز تعذب حد روحت لبتاع عفشة قالى العفشة مفيهاش حاجة والمساعدين كوييسين اظبط زوايا وشوف روحت لبتاع الزوايا قالى الكاوتش باين علية انة جديد وانتاجه الاسبوع 41 سنة 2009 يعنى اواخرها بس بايظ فيه عالى ووااطى فى الكاوتش كلة طبعا رحت لبتاع الكاوتش قالى عليك وعلى التوكيل روحت التوكيل قالى الكاوتش معلهوش ضمان وللاسف مش هقدر افيدك

فايريت يجماعة كلة يخلى بالة من كاوتشوة ومن النوع الى بيشترية وانا للاسف غصب عنى هشترى 4 تانى بس فى 3 انواع انا محتار بينهم بيريلى تركى 280 جنية وماكسيس تايلاندى 245 جنية وبريدجستون تايلاندى 300 جنية انا بصراحة محتار ياريت حد يفيدنى لانى تعبت قوى من الموضوع دة وخايف اجيب 4 تانين ويحصل نفس المشكلة

قدر الله وما شاء فعل :s

الجي تي ممتاز جدا وانا مركبه عندي و مجربينه في البي ام بقاله سنين وبيستحمل بهدله متتخيلهاش

المهم تشتري من مكان يكون عنده حركه باستمرار علشان يكون الكاوتش جديد مش متخزن كتير لأن التخزين السيئ بيبوظه وبص علي تاريخ الانتاج وانت بتشتريه ، مش عارف انت تعرفها ولا لأ هو بيكون اربع ارقام جنب بعض الرقمين الشمال بتوع الاسبوع وبعدين السنه ، يعني مثلا 1510 يبقي اسبوع 15 سنه 2010

فكر بالمره لو عايز تغير مقاس الكاوتش هتبقي فرصه كويسه ، يعني لو عايز تجيب اعرض وتقلل البروفايل علشان تزود الثبات لو هيفرق معاك