تويوتا _ستارليت_ ..... (أراء وتقييمات + صيانات + أسعار قطع غيار)

**a.one_1** · 09-04-2013 12:24 AM

المشاركة الأصلية كتبت بواسطة a.one_1

بالظبط حضرتك برده طلعت عندى اكبر بس الميكانيكى ظبطها على الحجر لحد ماجابت المقاس بالظبط من غير حشر

المشكله انى كده غيرت التلات قواعد بس برده ليسا بسمع تخبيط مع هز العربية او المشى على طريق موش متساوى تخبيط تحسه عند رجلك كده وبيحصل مع الهز حتى مالوش دعوة لا بفرامل ولا دبرياج لانه ممكن يحصل وانا ممور .
وبصيت برده على الجاكمان لقيته تمام موش عارف اعمل ايه تانى

بالنسبة لموضوع التخبيط روحت لعفشجى قالى انت عايز طرفين اسكاترا ! وكمان جهاز الفرامل يمين عايز يتربط كويس

يعنى ايه بقا طرفين اسكاترا ؟ وبكام ؟

انا كده بقيت هاغير حاجات كتيرة فى العربية ربنا يستر بجد

**pro_samir** · 09-04-2013 08:46 AM

المشاركة الأصلية كتبت بواسطة a.one_1

بالنسبة لموضوع التخبيط روحت لعفشجى قالى انت عايز طرفين اسكاترا ! وكمان جهاز الفرامل يمين عايز يتربط كويس

يعنى ايه بقا طرفين اسكاترا ؟ وبكام ؟

انا كده بقيت هاغير حاجات كتيرة فى العربية ربنا يستر بجد

الطرفين مش عارف هو يقصد البارات ولا بيض الطرف .. البيض اللي بيكون في اطراف الاسكاترا

عموما البارتين ب160 و البيضتين بحوالي 100

بس وريها لأكتر من عفشجي قبل ما تغير وشيك علي المساعدين والبطاحات .. حاول تهز العربيه والكبوت مفتوح واسمع الصوت جاي منين

عموما عادي انك تغير لأن العربيه موديل قديم .. لكن اللي بتغيره هتنساة مدة طويله باذن الله