الموضوع: تويوتا _ستارليت_ ..... (أراء وتقييمات + صيانات + أسعار قطع غيار)

السلام عليكم وكل سنة وانتوا طيبين

انا كنت حكيتلكوا على العفشة وحطيت تقرير بكل حاجة عملتها فيها
انا امبارح استلمت العربية بعد ماركبت موتور 1300 2e
انا حاولت فى اسكندرية بس مالقيتش حاجة عدله وكان السعر 4500 جنيه
المهم فى الاخر قررت اجيبه من بورسعيد عن طريق واحد ميكانيكى معرفة فى دمياط .اخدت العربية وروحتله دمياط وطلعنا على بورسعيد لفينا كتير عشان يستنضف مكنة كويسة لقينا بس ههو كان عايز انضف(هو كان بيبص على دورة المياه والزيت ولو خرصوم التبريد بتاع المياه فى صدا بيقولى موش كويسة) فقالى هاينزل المنصوره يشوف انا سيبتله العربية وهو راح المنصورة مالقاش حاجة نضيفة برده ونزل بلقاس لقا مكنة كويسة وركبها ولقاها متلته راح فككها ومرجعها عالطول فى الاخر قررنا يجيب مكنة من بورسعدي كنا شوفناها مع بعض ويغيرلها سير تقسيمة ويشوف لو محناجة حجة تانية وفعلا كلمنى اشترى المكنة وركبها وغيرلها سير تقسيمة وكام اويل سيل المكنى جابها من بورسعيد ب 4000 جنيه بكمبريسور التكييف
المكنة بسم الله ماشء الله جميلة جدا وعزمها قوى انا رجعت بيها من دمياط مقابلتش اى مشكله وهو كمان ظبطلى الريداتير فدورة التبريد ماشية اكس والسنسور بتاع الحرارة والمروحة تمام

الحالة العامة انا مبسوط جدا وانا مسافر بيها بس لما باجى ادور المارش بيعمل صوت خشن جدا قبل المكنة ماتلقط كلمت الميكانيكى وسمعته الصوت قالى وديها لكهربائى المارش عايز يتشحم
وللاسف مالقاش التلاجة بتاعة تكييف الستارليت فى بورسعيد على وعد انها هاتيجى كمان اسبوعيين- هو ثلاجة الكورولا ماتركبش ياجماعة ؟؟

فى حاجة كمان لاحظنها العدا عندى بحس انه بيقرا سرعة اكتر من السرعة الفعليه اللى انا ماشى بيها موش عارف اعمله ايه اغيره ولا انا اصلا هالاقيه وبكام - انا لاحظ ان عداد الستارليت هو بالظبط عداد السوزوكى سويفت التسعينات ولا ايه .