الموضوع: مشكلة فى مرسيدس 79

المشاركة الأصلية كتبت بواسطة sea_star_1987

اولا انا لسه مسجل معاكم الوقت حالا وانا بجد حابب اقرا مواضيع المنتدى لانى استفدت منه
ثانيا انا مش عارف ده المكان المناسب للموضوع ولا لا عموما اتمنى المساعدة لانى صرفت كتير وعلى قلة فايدة

انا معايا مرسيدس 230 موديل 79
المشكلة فى الدوارة لما العربية بتبرد تماما يعنى تقريبا لو سيبتها مثلا 8 ساعات الموتور كانه مخنوق وبيترعش
بطريقة لدرجة ممكن تكسر اى حاجة شكمان مثلا
العربية لما تبقى باردة بتحتاج بنزين زيادة علشان الموتور يدور مضبوط
فى حاجة فى الكاربيراتير اسمها السخان او الاتوماتيك بتعمل الحكاية دية قبل ما تدور الصبح بتدوس البنزين للاخر وبعدين تدور بس على كدة البنزين يفضل معلق على العالى لغاية ما تسخن ويفصل

الاتوماتيك دة عندك مش شغال فلازم تفضل مزود البنزين شوية بعد اما تدور دة حل
الحل التانى انك تشوف ميكانيكى مرسيدس بيفهم ولازم بيفهم علشان يعرف يزبطة
غيرت بوجيهات وابلاتين وكوندنسر وكل الفلاتر وظبط العجل وفولت بنزين وحطيت منظف دورة البنزين
وكشفت على باقى الاجزاء عند اكتر من 5 ميكانيكية وكله بيقول تمام ويغير نفس الحاجة تانى البوجيهات والكلام ده

لو ربنا كرمنى وحد ظبطها تدور من اول مرة ومن غير ما اسندلها بتستهلك بنزين حوالى نص التانك فى مشوار 75 كم
سفر على سرعة بين 80 و 100
طبيعى لانة بدل ما يشغلك الاتوماتيك بيعلى السلانسية ويفتح مسمار البنزين اللى فى الكاربيراتير فلازم الاستهلاك يزيد
وبعدين ال230 سفاحة بنزين اصلا يعنى لنا تبقى كويسة بتعمل بالصفيحة 100 كيلو او زيادة شوية
الصح على حسب الكتالوج بيتعمل 100 ك ب 10-17 لتر على حسب طريقة السواقة و الحمولة

فى حاجة كمان ان الاكس عندى مبوش مش بيرجع مكانه للاخر بعد مااشيل رجلى من على دواسة البنزين ده ممكن يتصلح ولا مالوش لازمة لانه عامل فرق كبير
بيبقى فى سوستة ماسكة الدراع بتاع الاكس وبيشدة لتحت(يعنى بترجعة لمكانة تانى) شوفها موجودة ولا لا
انا اسف انى طولت بس دى المشاكل اللى عندى مرة واحدة عشان اوفر عليكم بعد كده
دية مش مشاكل دى حاجات عادية المشكلة انك تلاقى ميانيكى بيفهم وعندة ذمة