الموضوع: تجربه زياده عزل الصوت فى تويوتا ياريس

المشاركة الأصلية كتبت بواسطة MoMohsen

لو قصدك على كمبروسور التكييف هى النوبيرا مفهاش سنسور بس دة هيفرق فى بالنسبه للعزل

اه انا اقصد كمبروسور التكيف بس عاما لو انتا عزلت الخط الى طالع من الكمبروسور ورايح على السربنتينه الى جوا الكابينه هتوفر فى البنزين وهتزود كفائه التكيف لا يقل عن 20% لان الخط دا بيبقى ساقع والشكمان بيبقى جنبه والماتور وكل حاجه فبياخد كميه من الحراره دى وبالتالى بتقل درجه التبريد جوا
ولما تعزلها انتا نفسك هتلاقى بتفصل الكمبروسور كل شويه لانك سقعت
وبالنسبه للتكيف عندك ياريت تخلى دايما الهوا يكون جوا العربيه ماياخدش هوا من بره Fresh علشان ماتدخلش تراب وتسد السربتنينه الى جوا لان مافيش عندك فلتر جوا انتبه للحوار دا

المشاركة الأصلية كتبت بواسطة dr-mohamed

والله موضوع اكتر من مفيد ويا ريت لو يتثبت
بس خدمة منك بقة تقولنا نعمل الموضوع ده في اللانسر الكريستالة ازاي

والله انا ماعنديش لانسر كرستاله بس يا باشا هيا هيا نفس الفكره فك علب العتب والكنبه الى ورا واحشيها فوم وصوف زجاجى وتعالى على الخط بتاع التكيف الساقع واعزله زى ما قولت هيبقى كله تمام

المشاركة الأصلية كتبت بواسطة Ahmed Galal

موضوع رائع و احلى حاجة اماكن الخامات اللى انت دليت عليها انا بقا كان نفسى فى فوم الرش ده من زمان عشان ارشه فى ضهر الاكصدام عشان يمتص الصدمات الخفيفة

الفوم الحرارى يا باشا بيجمد صحيح بس اول ما هياخد صدمه هيتكسر ويبقى زى قلته
هقولك على الحل بتاعك دا سهل جدا انك تقوى الاكصدام
روح يا سيدى لبتاع اكصدامات فبر وخد معاك 50 جنيه للاكصدام الواحد يعنى 100 جنيه للاكصدامين
قوله فكلى الاكصدمات والزقلى من وراها ب شبكه سلك كله
هيقوم قاطع شبكه سلك على قد الاكصدام ويقوم لاحمها من جوا الاكصدام وبعدها استمتع باكصدام زى الحجر
( بس المرونه بتاعته هتروح وفى الخطبات البسيطه ممكن يتشرخ من بعض اماكن )

المشاركة الأصلية كتبت بواسطة ahmed galal

جزاك الله خير على المعلومة بس بالنسبة لعازل ماسورة التكييف ده انا عندى فى بعض الاجزاء منها فيه زى خرطوم كوتش كده ملفوف عليها هل ده يعتبر العازل اللى حضرتك قصدك عليه

دى خلاص معزوله كدا بتاعت المصنع انا بتكلم على المواسير العريانه

اللة ينور ياباشا من اجمل ما قرات عن العزل بس لو كان فى صور للعلبة و الفوم بعد ما اترش كان يبفى لوز اللوز