تجربه زياده عزل الصوت فى تويوتا ياريس

**BLOODY_STONE** · 28-08-2010 02:14 PM

مية مية يا جدعان الله ينور بس لازم حد يكون بيفهم عشان الكلبسات متكسر في ايده .. ده اللي انا خايف منه

**asemx1** · 29-08-2010 12:56 AM

المشاركة الأصلية كتبت بواسطة bloody_stone

مية مية يا جدعان الله ينور بس لازم حد يكون بيفهم عشان الكلبسات متكسر في ايده .. ده اللي انا خايف منه

خلى قلبك جااااامد يا معلم واديها ماتخليهاش تقول لا دى حديد يا عم وفبر ماهواش حته من جسمنا ومعموله علشان تريحنا فلازم تديها علشان تريحنا اكتر
فك يا عم كدا بالهداوه وماتتعافاش على حاجه وهتلاقى كله تمام

**BLOODY_STONE** · 29-08-2010 03:55 PM

طب معلش انا الحتة بتاعة مواسير التكييف دي مش فاهمها .. (معلش دماغي على قدي) انت لما تعزلها ده حيفيد بايه ؟؟
قصدك ان المواسير تفضل ساقعة و عشان كده الكومبريسور يفصل و ميشتغلش كتير و الهواء اللي جواها يفضل ساقع؟

انا كان لي ملاحظة برضك : انا شفت في منتديات اجنبية ناس كانت بتزود العزل برضه بس كانوا بعملوا فكرة صعبة شوية : بيفكوا الابواب و السقف و يرشوا الفوم الحراري من جوه عالصاج و بعدين يقفلوا تاني ! ايه رأيك في الموضوع ده؟

**asemx1** · 29-08-2010 08:28 PM

المشاركة الأصلية كتبت بواسطة bloody_stone

طب معلش انا الحتة بتاعة مواسير التكييف دي مش فاهمها .. (معلش دماغي على قدي) انت لما تعزلها ده حيفيد بايه ؟؟
قصدك ان المواسير تفضل ساقعة و عشان كده الكومبريسور يفصل و ميشتغلش كتير و الهواء اللي جواها يفضل ساقع؟

انا كان لي ملاحظة برضك : انا شفت في منتديات اجنبية ناس كانت بتزود العزل برضه بس كانوا بعملوا فكرة صعبة شوية : بيفكوا الابواب و السقف و يرشوا الفوم الحراري من جوه عالصاج و بعدين يقفلوا تاني ! ايه رأيك في الموضوع ده؟

بص دا اسمه اييييييييييه ؟؟ عازل حرارى يعنى اي حاجه انتا هتعملها هتترجم لعزل حرارى وتوفير فلوس تكيف
ماتستخسرش فى الموضوع دا
وبالنسبه لعزل خط التكيف الساقع دا علشان المواسير ماتاخدش حراراه وبالتالى يقل التبريد عند السربنتينه وبالتالى الثرموستات هتفصل الكمبروسور بعد فتره طويله انما لما تعزلها ساعتها السربنتينه هتسقع اكتر واسرع وبالتالى الكمبروسور يفصل بسرعه ومايشتغلش كتير
انما عزل جسم العربيه بالفوم دا يخلى الهوا جوا الكابينه يفضل ساقع مايتسربش الحراره الى جوا
زى ماتكون فاتح الازاز كدا وانتا مشغل التاكيف او فاتح باب الاوضه مثلا هتلاقى الكمبروسور يشتغل كتير

**wildgenga** · 29-08-2010 11:41 PM

يا سيدى الفاضل بجد برفعلك الشابوووو .. على افكارك الرائعه ..

و يا ريت حضرتك توضحلنا بشويه صور للمواسير و هى عليها العزل و يا ريت توضيح اكتر عن 3 حاجات :

1 - اماكن شراء الفوم و العزل و اسعرها
2 - طريقه لتظبيط اكصدام الياريس الفرافبرى ده
3 - فكره لزياده اتزان الياريس عالطريق .. مثلا عجل 205 .

و لك من كل احترام و تقدير .. اخوك احمد حسين مدير اداره فى بنك فرنسى

**asorour** · 30-08-2010 12:07 AM

معلش يا شباب هو ايه العتب اللي تحت الطابلوه ده لحسن معرفوش؟

وياريت لو فيه صور يبقي فل الفل
انا عندي مازدا 3 ورينو كليو و عايز اعمل الموضوع ده ياريت تساعدونا

**casper_Dj30** · 30-08-2010 12:49 AM

بجد اللة ينور عليك
و انا بضم صوتي لصوت صاحب الكريستالة
انا كمان هندي كريستالة بس احنا معندناش علب عتب
انا نفسي اعزل الابواب انها مدخلش صوت دة يحصل ازاي؟؟؟

**asemx1** · 30-08-2010 02:49 AM

المشاركة الأصلية كتبت بواسطة wildgenga

يا سيدى الفاضل بجد برفعلك الشابوووو .. على افكارك الرائعه ..

و يا ريت حضرتك توضحلنا بشويه صور للمواسير و هى عليها العزل و يا ريت توضيح اكتر عن 3 حاجات :

1 - اماكن شراء الفوم و العزل و اسعرها
2 - طريقه لتظبيط اكصدام الياريس الفرافبرى ده
3 - فكره لزياده اتزان الياريس عالطريق .. مثلا عجل 205 .

و لك من كل احترام و تقدير .. اخوك احمد حسين مدير اداره فى بنك فرنسى

استازنا العزيز اجابات السؤال الاول فى اول فى الموضوع اقراه كويس
اما بالنسبه للسؤال التانى انا مش فاهمه بس انا ممكن اقولك روح لبتاع اكصدامات وخليه يعملك وراه شبكه سلك هتقويه جدا
وبالنسبه للسؤال التالت اكيد الكاوتش العريض احسن فى الثبات بس دا على حساب العفشه

**BLOODY_STONE** · 30-08-2010 03:07 AM

طب اخر طلب غلس معلش ... ايه ي العلب اللي بتتفك و الكلام ده ؟ عشانا انا معرفش حاجة؟

**asemx1** · 30-08-2010 03:10 AM

المشاركة الأصلية كتبت بواسطة casper_dj30

بجد اللة ينور عليك
و انا بضم صوتي لصوت صاحب الكريستالة
انا كمان هندي كريستالة بس احنا معندناش علب عتب
انا نفسي اعزل الابواب انها مدخلش صوت دة يحصل ازاي؟؟؟

هوا فى طريقه بتتعمل بس عايزه انك تكون بتجرب ودا بالعازل الزجاجى بتحشره جوا الباب وتقعد تشوف الازاز هيخبط فيه ولا لا وهكذا لحد ما تملى الباب كله وكدا يبقى تمام