الموضوع: تجربه زياده عزل الصوت فى تويوتا ياريس

السلام عليكم
متاسف يا جماعه لتاخر ردى بس وقله دخولى المنتدى لاسباب عديده
نيجى للمطب الى قالق الناس بقى
انا طبعا بحىى ياسر على معلوماته المقابله ليا بهدف تعميم الفائده طبعا وازاله اى شكوك
الاجابه فى نهايه المشاركه

المشاركة الأصلية كتبت بواسطة YASSER4

مشكور اخي على الموضوع المميز والمتعوب عليه

شي جميل ان احد يفكر بعمل حل لمشكله معينه ويدعمها باتطبيق العملي


بس لو ممكن عندي وجه نضر بخصوص الكمبريسر

زي ما قلت اخي انه يتم عزل الخط الساقع لكي تزيد من كفائه التبريد

هناك اخ يقول ان هذا يؤثر على الكمبريسر

اضن اخي انه هلى حق لماذا؟؟؟؟؟؟؟؟؟؟؟؟؟؟؟؟

اولا العزل على الخط البارد لا يؤثر على التبريد لماذا؟ لان الخط البارد هو الخط ذو الضغط المنخفض وهو الخط العائد من الثلاجه
لذا فا العزل فيه لا يؤثر لا الغاز قد ادى عمله بالثلاجه وهو عائد الى الضغاط.

لكن وضع العازل عليه يعمل على ابقائه بارد مما قد يساعد على تبريد الضاغط.

لكن هناك مجازفه بتقليل عمر الضاغط لماذا؟؟؟؟؟؟؟؟؟؟

لان الغاز العائد قد يحتوي على بعض من غاز التبريد وهو في الحاله السائله !!!!

ما المشكله في ذلك؟ المشكله هو ان المبريسرات تكون مصممه لضغط الغاز وليس السوائل. لذا دخول السوائل عاده تعمل على سحب زيت التسليك من على اليات الضاغط فتزيد عمليه التاكل فيه ويقل عمره.

لذا الشركات تتعمد وضعه مكشوف لكي يسخن ويضمن بان الغاز العئد الى الضاغط يكون مائه بالمائه في الحاله الغازيه.


هذا حسب علمي .

ومره اخرى مشكور اخي على التجربه لتعم الفائده للجميع.

الاجابه على استفسارك يا ياسر باشا تتلخص فى
1- دوره سيارات تويوتا ياريس من النوع البسيط يعنى مافيهوش اى مبادل حرارى
يعنى ايه ؟
كلامه صحيح فى حاله وجود مبادل حرارى heat exchanger ود يا معلم بياخد الخط السخن الى خارج من المكثف ويدخله فى مبادل حرارى مع الخط البارد الى خارج من المبخر
طيب فايدته ايه بقى المبادل الحرارى
1- رفع كفائه الدوره الكليه COP
2- زياده الحمل الحرارى المسحوب وبالتالى زياده عمليه التبريد
3-زياده كفائه الضاغط وبالتالى اطاله عمره
4- زياده التحكم فى درجه الحراره عن طريق وضع ثرموستات

كل المميزات دى فى حاله وجود مبادل حرارى والياريس مافيهاش مبادل حرارى يا باشا
الى موجود فى الياريس دوره تبريد عاديه جدا وبسيطه الخط البارد مكشوف فعلا علشان يسخن دا استخسار من الشركه انها تغطيه مش اكتر
ليه بقى ؟
علشان لو حضرتك زى ما بتقول كدا ان ممكن سائل الفريون يدخل الكمبروسور قاموا عاملين فلتر يحجز اى سائل يطلع من المبخر الى جوا العربيه ؟ طب فين دا ؟
هتلاقى فى الخط الساقع انبوبه طخينه حبه كدا وبعدين ترجع تانى تصغر دا فلتر يا باشا بيحجز السوائل وفكرته سهله اوى هيا السيلكا جيل ومش بيحتاج تغيير الا نادرا جدا
خلاصه الكلام كلام حضرتك صحيح فى حاله وجود مبادل حرارى غير كدا هما بخله وفروا المبادل ووفروا العزل وبالتالى الكمبروسور بيستهلك طاقه اكبر لان طبعا الانثالبى كبيره

فى حل تانى للناس الى عايزه تزود كفائه التكيف اكتر واكتر بس صعب وبهدله
انها تعمل مبادل حرارى ودا هيخلى التكيف عندهم سوبر
ازاى بقى
تيجى على الخط الساخن والبارد الى لازقين فى بعض وتقوم شايله اى كاوتش مابينهم او اى حاجه ممكن تمنع لزقهم ببعض وتقوم لازقاهم ببعض عن طريق اى مبادل حرارى بيتباع عن بتوع التاكيفات على كدا ما يقدروا وبعدين يعزلوا المنطقه الى لزقوها ببعض كويس وبكدا عملنا مبادل حرارى وتفوقنا على اليابانيين
وكل سنه وانتم طيبين

اتمنى من اداره المنتدى حذف الموضوع دا لانى هعمله من جديد على نظافه وبالصور الكامله ايامها كنت مستعجل حبه

هنزل بقى اجيبلكم الصور لكل حاجه وبالخطوات واحده واحده

بس يتمسح بعد ما اعمل الموضوع الجديد

ترقبوا الموضوع الجديد بازن الله خلال يوم او اتنين

جامد