الموضوع: نيسان صني vs سيراتو

المشاركة الأصلية كتبت بواسطة emaksoud

السيراتو مبالغ فى سعرها
لكنها تتميز بالكماليات الكثيرة و الشكل الحديث لكن اساسيات السيارة من عفشة وموتور وشاسيه وصاج وعوامل امان اقل كثيرا من الصنى
كما ان تحمل الصنى والعمر الافتراضى لقطع غيارها اعلى من السيراتو (وهذا عموما لان المكونات اليابانية اكثر اعتمادية من نظيرتها الكورية)

ده كدة الكلام الصح

و بعدين بالارقام الصني بتطلع 118 حصان عند 6000 لفة للموتور
السيراتو بتطلع 124 حصان عند 6300 لفة

مش شايف فرق خالص القوة تقريبا متساوية و يمكن اللي عامل الفرق خفة وزن السيراتو و ده عيب مش ميزة غير ان السيراتو بصراحة مغالى اوي في سعرها عشان حرام ان السيراتو الهاي لاين تبقى ب 128 الف و النيسان السوبر صالون تبقى ب 100 الف و محدش يقول النيسان تجميع مصري لان المكونات ياباني بنسبة كبيرة اوي و المكونات المصري حاجات بسيطة زي الكاوتش و الزجاج و الكراسي و كدة غير ان اي حاجة بتظهر بسبب التجميع التوكيل بيعالجها علطول

طبعا الثبات ولا العفشة عيب اوي يعني نقارن كوري بياباني و خلو اي عربية كوري تقعد 5 سنين مثلا مع عربية ياباني شوف الكوري هيكون اتغير فيها قد ايه قطع غيار و الياباني قد ايه و ديه حالتها ايه و ديه حالتها ايه

الكيا سيراتوا مفيش كلام طبعا...العربيه واخده جائزة الأمان فى أمريكا وأدى اللينك
Top safety award for Kia Cerato - Autotrader New Zealand
وواخده كمان car of the year 2009
وأدى اللينك
Kia Forte Wins “Car of the Year” Award | Automoblog.net
ومع العلم هى إسما kia Forte فى أمريكا
العربيه سمعتها ممتازه بره
ومش معنى كده إن الصنى عربيه مش تمام بالعكس دى عربيه محترمه جدا بس السيراتو أفضل

أنا هجبلك من الاخر يا باشا
انا معايا النيسان و بروح الشغل كل يوم مع زميلي (مشوار حوالى 100 كم) بالسيراتو
1-السعر : النيسان طبعا فول اوبشن ب 100,000 اما السيراتو فهي ازيد ب 28,000 بدون داعي
2-العفشة : النيسان افضل في الطرق الوعرة و المطبات ما بحسش بالهبد فيها ذي السيراتو
3-السحب : السيراتو افضل بحس ان النيسان بطة
بس ده في الاول بس يعني عند سرعة اقل من 40كم/س بس بعد كده طلقة
4-الشكل الخارجي : السيراتو افضل بحس ان شكلها اجدد بس ده علي حساب السعر مع العلم ان صاج النيسان اشد
5-الشكل الداخلي : السيراتو احسن شوية بس برضة هتلاقي في النيسان كل اللي انت عاوزه (كاسيت cd - اماكن تخزين متعددة - شنطه واسعة جدا - قعدة مريحة-تابلوه جيد لحد ما وكل العدادات واضحة فيه بشكل كافي) اما مسألة التقفيل فمفهوش مشكلة وعلي فكرة حاجات قليلة قوي هي اللي مصري ذي الفرش والبطارية دا حته الكاوتش بريدج ستون وانا مع والدي لانسر 2006 و محستش باي فرق بينها وبين الصني
وعلي فكرة تكييف الصني احسن من السيراتو و عن تجربة
6-الصيانة : النيسان افضل طبعا لان التوكيل محترم جدا وهم اكتر من وكيل عشان كده تلاقيهم دايما بيتنفسوا في راحة الزبون وكمان قطع الغيار معمرة جدا لأنها يباني اصلي وانت عارف اليبانيين عملين ازاي اما توكيل الكيا فهو غالي جدا واسأل علي اسعار بعض قطع الغيار و المصنعية في الاثنين وقارن
7- استهلاك البنزين : تقريبا واحد وهو مرتفع لحد ما

........................

وفي الاخر لو انت بدور علي عربية روشة خليك في السيراتو
ولو بدور علي عربية محترمة ياباني تعيش معاك وسعرها مناسب و بقالها 10 سنيين في البلد و متجربة كويس يبقي خليك في النيسان صني
وياريت تستخير قبل ماتشتري
ويارب اكون افدتك

* * * * * *

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
مشرف 12 ب