نيسان صني vs سيراتو

**AmrStYliSh** · 12-09-2010 10:39 PM

المكونات المصرية فى السيارة هى (الموكيت،الكاسيت والسماعات، الشكمان , كاوتش الأبواب، الخراطيم، ضفيرة الكهرباء، الردياتير، البطارية ، الكراسى، الزجاج) من غير ما اقول ارقام خالص

**ghazy12** · 13-09-2010 03:51 AM

سؤال صغير بس... الصني افضل من السيراتو في ايه (عملياً)..؟؟؟

**fgfg** · 13-09-2010 06:32 AM

يا جماعه انا معايا صنى 2010 ماشاء الله عليها ملهاش حل في كل حاجه بجد ثبات وسرعه وعفشه وفرامل الصنى لالا يعلا عليه بجد وعن تجربه مشيت بيها علي الصحراوى وبجد من غير مبالغه وصلت اسكندريه في ساعه وعشره دقائق وكنت ماشي 160كم والعربيه ثابته جدا وتوكيل محترم جدا جدا

**HOSSAM_GABRE** · 13-09-2010 07:41 PM

المشاركة الأصلية كتبت بواسطة amrstylish

سيادتك الارقام دى مش مبالغ فيها و نسبة ال 10% دى موجودة فى بعض العربيات اللى بتتجمع هنا زى المرسيدس لكن الصنى النسبة زى ماقولت .... و ممكن سيادتك تتاكد من اى موزع معتمد

واتاكد ليه انا متاكد فعليا
على الاقل الحاجات اللى مكتوبة لا تمثل 10 % من العربية
وعلى فكرة الجكمان يابانى , وكاوتش عزل الابواب يابانى 100 %

**kempel** · 16-09-2010 08:49 AM

هاأقول لسعادتك عن الخلاصة من خلال تعليقات الزملاء فى المنتدى العربيتين قريبين من بعض يبقى هات الارخص لأن عامل السعر مهم برضو ومتهيألى يبق كده النيسان أقرب لك ده لو بتهتم بالسعر لو بتهتم بالشكل خليك فى السيراتو وكده هتكون المقارنة بين السعر والشكل شوف انهى أهم بالنسبة ليك وقرر وربنا يوفقك

**raedegypt** · 16-09-2010 08:58 AM

عيوب الكيا ... عربيه مربوطه بالتوكيل والتوكيل محتكر الصيانه وقطع الغيار وحاجتها غاليه وكآنك بتشترى غيار مرسيدس مبالغ فيه ومش معمرة يعنى واحد هنا زكر انه محتاج مساعد بعد 60000 كيلو ودة كلام فاضى فما بالك الباقى . النيسان حلو بس مش فى عربيه صنى ولا تيدا ولكن فى العربيات الاعلى زى التيما وماكسيما ودول مش عندك فى مصر خليك فى اللانسر افضل عربيه 10 على 10

**SAMEH_FOUAD** · 16-09-2010 02:40 PM

المشاركة الأصلية كتبت بواسطة amrstylish

للاسف اى مقارنة بين العربيتين من شخص ماركبش نفس العربيتين هتبقى مش متزنة و مش منطقية لان معظم الناس اللى ردت ركبوا عربية واحدة منهم و التانية بيتكلموا بناءا عن السمع ...... لكن المشكلة الحقيقية فى التعميم ....ناس من اللى ردوا اجابتهم ان النيسان يابانى (يبقى اكيد هتعيش و تعمر ) و السيراتو كورى (يبقى هتفك من بعضها بعد 3 او 4 سنين) !!!!!!! طيب يا جماعة هو مفيش عربية يابانى كانت اقل من المستوى او فيها مشاكل؟؟؟ّ!!! طيب سؤال تانى مفيش عربية كورى اثبتت كفاءة و تحمل و اتحملت سنين زى اليابانى؟؟؟؟
طيب ممكن حد يجاوبنى بقى يا ترى ايه رايكوا فى اللانوس وان (97-2000) التقفيل الكورى ؟؟؟
- ايه رايكوا فى الجوليت الكورى ؟؟؟
- ايه رايكوا فى الالنترا من اول 2000 لحد دلوقتى؟؟؟
- ايه رايكوا فى السيفيا ؟؟؟
- ايه رايكوا فى الشوما؟؟؟
- ايه رايكوا حتى فى البرايد (الكورى)؟؟؟
مش ملاحظين ان كل العربيات دى اثبتت اعتمادية واضحة فى عمر قطع الغيار و التحمل و لغاية دلوقتى السوق بتاعهم فى المستعمل كويس جدا و الناس بتقبل عليهم!!!!!! سعر اللانوس الكورى زى سعر اللانوس المصرى اللى موديلها بعديها ب 4 و 5 سنين ... ده غير سعر الجوليت اللى ماسك نفسه لحد دلوقتى....
طيب ما المفاجاة ان العربيات دى كلها كورى و كلها معدية ال 10 سنين و مفيش حاجة فكت من بعضها يعنى!!!!
طيب ممكن مجموعة اسئلة تانية؟؟؟
- ايه رايكوا فى الكورولا موديل 1999؟؟؟
- ايه رايكوا فى الهوندا السيتى اول موديل ؟؟؟؟
- ايه رايكوا فى الكورولا الجديد اللى فيه عيوب فى الجير بوكس؟؟
- ايه رايكوا فى التيريوس (اول موديل) و خصوصا ثباتها؟؟
متهيالى بردو ان العربيات دى يابانى كلها و شركات مختلفة و موديلات مختلفة يعنى مفيش شركة كل موديلاتها مثالية فى المطلق او وحشة فى المطلق ... لازم نقيم كل موديل على حدة مش تقيم الشركة نفسها بالاسم ده يابانى يبقى عليه السلام و ده كورى يبقى يع و ده ماليزى يبقى اللى جابه هنا اصلا و ده اوروبى يبقى نقف انتباه.......
اما بالنسبة للاستاذ صاحب الموضوع فمتهيالى انه هو الوحيد اللى هيقدر يقدر هو عايز ايه خصوصا ان فيه فروق واضحة فى السعر و الشكل و الكماليات لكن الباقى فانا و عن تجربة اقول راييى ان باقى الفروض مش كبيرة و يمكن حتى مش محسوسة خصوصا للى هيسوق فى المدينة... بردو مع العلم ان فيه ناس بتتكلم عن الصنى موديلات 2004 و 2005 و دى يابانى بالكامل اما الموديل الجديد فيه نسبة من 40-50% مكون مصرى ( الرداياتير - البطارية - فرش العربية - تقفيل الصالون و التابلوه- الكاسيت ) و ده اللى عامل فرق السعر لانى بصراحة شايف ان الصنى فقيرة جدا من جوه و تقفيلها مصرى جدا....ول فعلا هتقارن يبقى تقارن بقى بالتيدا لانها يابانى بالكامل و شوف الفارق فى تقفيل الصالون بينها و بين الصنى .... عموما ربنا يهديك للى فيها خير ليك و يحميك من شرها و يديك خيرها ...و اسف على التطويل

حضرت بتقول ان الكورى كويس ومحافظ على سعرة

طيب كويس جدا ناخد الامثلة اللى حضرتك جايبها

اولا السيارات الكورية :
1: اللانوس سيارة بتسخن جدا لو بتشد , بتتقلب سيات مع تشغيل التكييف , قطع غيار غير اعتمادية والدليل اكتر سيارة بتجيب رشاشات وفتيس وعلبة دركسيون سعرها دلوقتى كورى 2002 32 الف جنية

2 : الجولييت نفس معاملة اللانوس بالظبط

3: الالنترا : سيارة كويسة محدش قال حاجة وثباتها معقول ومش هقدر اقول عليها غير كدة لانى ماعرفش مدى جودتها

4: السيفيا : سوقتها كانت مع صديق ليا العربية كويسة بس عايزة قطع غيار كل فترة ومعاملة حنينة

5: الشوما : انت مع ابن خالتى طلعت عينة كات شوما 1 كان كل مايعمل يلاقى حاجة وكانت لسة ماكملتش 50000 الف كيلو وكان جايبها ب75 الف جنية كسر زيرو وقعدت معاة اربع سنين وفى الاخر طلع صارف عليها 10000 جنية دة غير انة باعها ب50000 الف جنية من سنتين بلاش اقول تجربتى ليها

6: البرايد ماعرفش عنها حاجة من حيث الاعتمادية لكن كعربية كويسة وتسارعها معقول لكن كثبات مانصحش بيها

نيجى بقى لليابانى :

1: الكورولا موديل 1999 او زى مابيقولوا علية العيون : متهيالى افشل موديل نزل من تويوتا واتشال فورا بعد سنتين بس

2: الهوندا سيتى : معلش السيارة دية جميلة جدا من حيث النعومة والاداء والتكييف والرحابة والاعتمادية

عيبها حاجتين : شكلها مش حلو + قطع غيارها غالية جدا

3: الكورولا كسيارة جميلة جدا بس عايز تركبها اركبها مانيوال / اتوماتيك عادى منعا للمشاكل

4: التيرويس : معلش الدايهاتسوا بحس انة مش قوى اوى فى العربيات زى بقية السيارات اليابانية

وفى الاخر لو عايز مقارنة مابين الصنى والسيراتو تجربة لاكثر من 5 سنين للصنى و8 شهور للسيراتو

الصنى تكسب السيراتو : فى الاعتمادية , وقوة التكييف , والسرعة ( ايوة السرعة ) , الاعتمادية بس فية عيوب فى عفشة الصنى , الراحة

السيراتو تكسب الصنى فى : الشكل , الوسع , التجهيزات , اكبر

الاتنين قريبين جدا من بعض فى الثبات يكاد لا يكون واضح بس كانت المقارنة بجنط 15 للاتنين

عفشة السيراتو مرهقة جدااااااااااااااااااااااا ااااااااااااااااااااااااا اااااااااااااا للصبح

**تامر.محمد** · 16-09-2010 05:24 PM

سلام عليكم , انا يمكن ماليش جمل ولا ناقة في الحوار الدائر , لكن عذرا كواحد راكب عربية اتذكرت هنا احب اوضح نقطة معينة عندي اعتراضات عليها

المشاركة الأصلية كتبت بواسطة semsem kane

1: اللانوس سيارة (1)بتسخن جدا لو بتشد , (2)بتتقلب سيات مع تشغيل التكييف , (3)قطع غيار غير اعتمادية والدليل (4)اكتر سيارة بتجيب رشاشات (5)وفتيس وعلبة دركسيون (6)سعرها دلوقتى كورى 2002 32 الف جنية

نمسكهم نقطة نقطة , علما بأني راكب لانوس 1 موديل 99 مصري , اللي هي اقدم موديل مصري في اللانوس
(1) بتسخن جدا لو بتشد : مش هاقول اني مشيت بيها على 180 قبل كده , بس اكتر من مرة مشيت بيها على 140 و 150 و ما حصلش حاجة خالص , طول ما دورة التبريد سليمة العربية مش بتسخن خالص الحمد لله

(2) بتتقلب سيات مع التكييف , تسارعها بالتأكيد بيقل ( زي اي عربية اقل من 1600 ) , لكن لو عايز تجيب بيها سرعات عالية بتجيب عادي جدا , بس هي بصفة عامة موتورها لا يقارن خالص بالمواتير ال1600 خصوصا كتسارع

(3) قطع غيار غير اعتمادية , قطع غيارها الأصلية اعتمادية جدا , لكن سبب الاعتقاد ده انتشار قطع الغيار المضروبة و اللي ناس كتير بتسترخص و تجيبها ( و بالطبع طرمبة البنزين الأصلية اللي 500 جنيه مش ممكن هاتكون زي الصيني ام 150 جنيه و الموبينة الأصلي اللي ب400 جنيه مش هاتكون زي الصيني ام 140 جنيه )

(4) اكتر سيارة بتجيب رشاشات , العيب ده كان موجود في موديلات 2003 و ما قبلها , و حلها الناس قالته بتتبدل برشاشات اكسنت او bmw و خلاص بتنساهم , اما ما بعد 2003 فمافيهاش العيب ده

(5) فتيس و علبة دركسيون, خش قسم الدايو مش هاتلاقي شكوى عامة من الفتيس ولا علبة الدركسيون

(6)سعرها دلوقتى كورى 2002 32 الف جنية , عربيتي موديل 99 مصري جالي فيها من شهر بالظبط 40 ألف و ما وافقتش ( بس عربيتي حالتها كويسة جدا الحمد لله , يعني العادية هاتقل حاجة بسيطة , بس 32 ألف دي واقعة خالص و اكيد فيها بلاوي ما تتعدش