نيسان صني vs سيراتو

**medo111** · 11-09-2010 03:51 AM

* * * * * *

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
مشرف 12 ب

**yasserelsayad** · 11-09-2010 04:35 AM

المشاركة الأصلية كتبت بواسطة beetlemosh

بصراحه التفوق للصنى فى كل حاجه
و فى ناس ردت ردود بجد كفائه
زى الاساتذه
emaksoud
solom609
samooo_205

المزه الوحيده اللى بتعجبنى فى السيراتو الكوبيه كمان مش العديه
شكلها بسسسسسسسس
انما النيسان افصل بكتيييييييييييييييرررر

و زى ما احد الاعضاء قلك
لو عايز روشنه يبقى سيراتو
لو عايز عربيه محترمه يب نيساااااااان صنى وش

وربنا يقدملك اللى فيه الخير

ايه هى كل حاجة اللى تتفوق فيها الصنى على السيراتو ؟؟
عايز اعرف فضول يعنى .. بس ياريت الكلام يكون ليه اثبات مش مجرد رأى

**beetleMOSH** · 11-09-2010 06:58 AM

المشاركة الأصلية كتبت بواسطة yasserelsayad

ايه هى كل حاجة اللى تتفوق فيها الصنى على السيراتو ؟؟
عايز اعرف فضول يعنى .. بس ياريت الكلام يكون ليه اثبات مش مجرد رأى

على فكره انا مش بقول السيراتو وحشه

بس لو مقارنه مع صنى
انا من رايى صنى
اقولك على حاجه
واحد صاحبى معاه الصنى موديل 2004 او 2005 مش فاكر
غير العفشه بعد 3 سنين و شويه
يمكن 4 كمان
ده غير ان المكنه بتاعتها عفيه اوى ما شاء الله
و ابن خالتى معاه واحده 2008
و العربيه ما شاء الله
220 و مشغلين التكيف و فى عز الحر
و السحب زى الفل
والله العظيم كبسه البنزين بحس ان العربيه بتتجلهم مش بتجرى بس
الثبات
كفايه ان النيسان بتنزل بجنط 15 و كاوتش 185
و ثبات زى الفل

التوكيل متعاملتش مع كيا بصراحه
بس كنت بروح مع ابن خالتى الصيانات
و الناس فى نيسان تعامل زى الفل
وتسيب العربيه و تعد باشا
ولحد ماتخلص و يسلموك و لو فى حاجه مش عجباك
يعملوهالك و انت واقف

الصنى عربيه محترمه بصراحه و عمليه عن السيراتو

و مش معنى كده ان السيراتو وحشه
بالعكس شكلها جميل جدا
بس هى عربيه سبورت اكتر من عربيه عمليه

و كلها وجهات نظر برضه

**yasserelsayad** · 11-09-2010 07:38 AM

المشاركة الأصلية كتبت بواسطة beetlemosh

على فكره انا مش بقول السيراتو وحشه

بس لو مقارنه مع صنى
انا من رايى صنى
اقولك على حاجه
واحد صاحبى معاه الصنى موديل 2004 او 2005 مش فاكر
غير العفشه بعد 3 سنين و شويه
يمكن 4 كمان
ده غير ان المكنه بتاعتها عفيه اوى ما شاء الله
و ابن خالتى معاه واحده 2008
و العربيه ما شاء الله
220 و مشغلين التكيف و فى عز الحر
و السحب زى الفل
والله العظيم كبسه البنزين بحس ان العربيه بتتجلهم مش بتجرى بس
الثبات
كفايه ان النيسان بتنزل بجنط 15 و كاوتش 185
و ثبات زى الفل

التوكيل متعاملتش مع كيا بصراحه
بس كنت بروح مع ابن خالتى الصيانات
و الناس فى نيسان تعامل زى الفل
وتسيب العربيه و تعد باشا
ولحد ماتخلص و يسلموك و لو فى حاجه مش عجباك
يعملوهالك و انت واقف

الصنى عربيه محترمه بصراحه و عمليه عن السيراتو

و مش معنى كده ان السيراتو وحشه
بالعكس شكلها جميل جدا
بس هى عربيه سبورت اكتر من عربيه عمليه

و كلها وجهات نظر برضه:s_thum1[1]:

تمام كلها وجهات نظر فعلا وتقريبا زى ما انا توقعت شكلك مركبتش السيراتو قبل كدا او تقريبا متعرفش عنها حاجات كتير
على فكرة السيراتو بتزل بجنط 17 وكاوتش 215

**yasserelsayad** · 11-09-2010 07:43 AM

المشاركة الأصلية كتبت بواسطة ahmed_nubira

مميزات النيسان عن السيراتو :

1- التوكيل .......مودرن موتورز وصيانه ما بعد البيع افضل

2-مكونات يابانى افضل من اى عربيه كورى طبعا

3-عفشه مريحه بكتير عن السيراتو خصوصا ال الحنط ال 17 مش فاهم ليه منزلينه...انت عارف عفشه السيرتو طبعا نشفه جدا

4-التكييف لصالح اليابانى

مميزات السيراتو

1- شكل خارجى احدث والشكل الداخلى رياضى وممتاز عن النيسان
2-تكنولوجيا من حيث الشكل الداخلى انوار اشيك وشكل عدادات تحفه طبعا...وتعتبر عربيه جديده مش جيل قديم زى النيسان
3-اوسع من النيسان يكتير فى الصالون

بس الاتنين متقاربين فى السحب والاداء والثبات

مع احترامى ليك باردوا كلامك تقريبا مبنى على معتقدات مش حقائق زى المكونات يابانى والتكييف لصالح اليابانى وعلى فكرة توكيل كيا ممتاز .. انا متعملتش مع مودرن موتورز بس انت باردوا شكلك متعملتش مع توكيل كيا عشان تجزم انه اقل شأن من مودرن موتورز حتى مثلا قولت فى الاداء قريبن من بعض مع ان السيراتو موتور اقوى وسحب اعلى واداء وثبات احسن عشان اعرض واتقل وقاعدة عجلات اطول وتقريبا اوطى دا غير الجنط الـ 17 طبعا

**ahmad--ezzat** · 11-09-2010 08:08 AM

المشاركة الأصلية كتبت بواسطة yasserelsayad

مع احترامى ليك باردوا كلامك تقريبا مبنى على معتقدات مش حقائق زى المكونات يابانى والتكييف لصالح اليابانى وعلى فكرة توكيل كيا ممتاز .. انا متعملتش مع مودرن موتورز بس انت باردوا شكلك متعملتش مع توكيل كيا عشان تجزم انه اقل شأن من مودرن موتورز حتى مثلا قولت فى الاداء قريبن من بعض مع ان السيراتو موتور اقوى وسحب اعلى واداء وثبات احسن عشان اعرض واتقل وقاعدة عجلات اطول وتقريبا اوطى دا غير الجنط الـ 17 طبعا

ياسيدى الجنط ال 17 مهواش ميزه اوى...ليه عيوب. وعيوبه اكتر من مميزاته..الهبد والدبدبه واحساسك بكل شىء على الاسفلت دى حاجه مش كويسه

عارف ان اعلى فئه فى السيراتو بتنزل ب جنوط 17....واعرف كمان ناس فى المنتدى بتغير الجنوط ال 17 وتجيب 16 من اجل الراحه....

ان محسسنى ان العربيه نازله امبارح

....عارفنها يا ياسر وركبناها وحافظنها.....

بس انا فعلا متعاملتش مع توكيل كيا...بس الناس بتزم فيه ...بالاضافه انى مشفتش حد اشتكى من مودرن موتورز ابدا

بصراحه انا ركبت العربيه ومعجبتنيش عفشتها خالص....... بينى وبينك يعنى تقطم الوسط....ربنا يستر بقا وملاقيش تهديدات على الخاص من صحاب السيراتو هههههههههه

بس حقيقى بقلك رايى....

بس سحب السيراتو اعلى ازاى؟
بتجيب من 0 ل 100 ف 8 ثوانى مثلا؟

انا النيسان لما بتلمس بنزين بتنط ..........فعلا استجابه سريعه وموتور سالك ومعتقدش فى فرق شاسع بين الاتنين لان الاتنين نفس السعه ومتقاربين فى الاحصنه....احنا بنتكلم عن سيراتو وصنى...مش x6 وصنى...يعنى الفرق مش هيبقى اللى فى بالك

النوبيرا الكورى عندى مش بلاقى فيها السرعه دى والاستجابه دى...بس عفشه النوبيرا اريح 1000 مره من النيسان (عشان بس متقولش انى ضد الكورى)....

وبرضه المكونات اليابانى افضل من الكورى....مش فاهم ليه بتقول معتقدات؟
دى حقائق...
اليابانى متقن جدا.....حضرتك ياريت تجرب تاخد لفه بنيسان سوبر صالون او اى اكس واكيد هتلاحظ النقطه دى من دوسك على البنزين والدبرايج والفرامل والدركسيون والعفشه دة لو انت فاهم سواقه ودارس وبتحس بالعربيات (وانا واثق من دى)....بس 99 فى الميه من الناس تقلك الصنى مصرى وزباله ومعموله تحت الكوبرى ولا يابانى ولا حاجه ومتنيله بستين نيله ههههههههه

شكلى طولت عليك وزهقتك...تقبل تحياتى

**yasserelsayad** · 11-09-2010 08:10 AM

المشاركة الأصلية كتبت بواسطة beetlemosh

تمام انا فعلا مركبتش السيراتو قبل كده
و كلامى عليها مش بعيب فيها زى ما وضحتلك
و انا عارف انها بتنزل ب جنط 17 عرض 215
و انا لما بقولك ان النيسان نازله ب 15 و ثابته
دى ميزه مش عيب
يعنى
حط جنط 17 للصنو و شوف كده ايه النظام
و حط جنط 15 للسيراتو و شوف ايه النظام
اكييد هايبقى فى اختلاف

و على فكره الموضوع شبه متقارب يعنى فى موضوع الموتور

يعنى موتور هورس باور اعلى فى نفس الوقت وزن ازيد
هى هى زى موتور هورس باور اقل و وزن اخف
و الفرق مش كبير دول 5 ولا 6 حصان يعنى

و هارجع اقولك تانى انا مش بهاجم السيراتو
ولا بعيب فيها
بس انا شايف ان الصنى عمليه اكتر
و السيراتو شبابيه اكتر و سبورت اكيد
لانى حسيتك كده اضيقت من كلامى او فهمتنى غلط

و كل سنه و انت طيب و عيد سعيد

لا يا باشا انا ولا اضيقت من كلامك ولا حاجة عشان انت مغلطتش فى العربية اصلا انا بس كنت حاسس انك مركبتش العربية قبل كدا فا كنت حابب اتأكد فقط. وكل سنة وانت طيب :)

-

-

الموضوع: نيسان صني vs سيراتو

LinkBack

أدوات الموضوع

عرض

-

-

-

-

-

-

المواضيع المتشابهه

كيا سيراتو sx ولا نيسان صني ?????

كيا سيراتو ولا نيسان صني 2010

كيا سيراتو ولا نيسان تيدا

استطلاع:نيسان صني أم كيا سيراتو

الكلمات الدلالية لهذا الموضوع

المفضلات

المفضلات

ضوابط المشاركة