الموضوع: نيسان صني vs سيراتو

التقفيل المصرى

ابعد عن الصيني و التقفيل المصري

المشاركة الأصلية كتبت بواسطة yasserelsayad

مع احترامى ليك باردوا كلامك تقريبا مبنى على معتقدات مش حقائق زى المكونات يابانى والتكييف لصالح اليابانى وعلى فكرة توكيل كيا ممتاز .. انا متعملتش مع مودرن موتورز بس انت باردوا شكلك متعملتش مع توكيل كيا عشان تجزم انه اقل شأن من مودرن موتورز حتى مثلا قولت فى الاداء قريبن من بعض مع ان السيراتو موتور اقوى وسحب اعلى واداء وثبات احسن عشان اعرض واتقل وقاعدة عجلات اطول وتقريبا اوطى دا غير الجنط الـ 17 طبعا

فعلا اللى يقولك قطع غيار معمره اكتر من الكورى تعرف انها معتقدات

و حتى التكييف الكورى بيتفوق على اليابانى فى عربيات دى مش قاعده

المشاركة الأصلية كتبت بواسطة amrstylish

للاسف اى مقارنة بين العربيتين من شخص ماركبش نفس العربيتين هتبقى مش متزنة و مش منطقية لان معظم الناس اللى ردت ركبوا عربية واحدة منهم و التانية بيتكلموا بناءا عن السمع ...... لكن المشكلة الحقيقية فى التعميم ....ناس من اللى ردوا اجابتهم ان النيسان يابانى (يبقى اكيد هتعيش و تعمر ) و السيراتو كورى (يبقى هتفك من بعضها بعد 3 او 4 سنين) !!!!!!! طيب يا جماعة هو مفيش عربية يابانى كانت اقل من المستوى او فيها مشاكل؟؟؟ّ!!! طيب سؤال تانى مفيش عربية كورى اثبتت كفاءة و تحمل و اتحملت سنين زى اليابانى؟؟؟؟
طيب ممكن حد يجاوبنى بقى يا ترى ايه رايكوا فى اللانوس وان (97-2000) التقفيل الكورى ؟؟؟
- ايه رايكوا فى الجوليت الكورى ؟؟؟
- ايه رايكوا فى الالنترا من اول 2000 لحد دلوقتى؟؟؟
- ايه رايكوا فى السيفيا ؟؟؟
- ايه رايكوا فى الشوما؟؟؟
- ايه رايكوا حتى فى البرايد (الكورى)؟؟؟
مش ملاحظين ان كل العربيات دى اثبتت اعتمادية واضحة فى عمر قطع الغيار و التحمل و لغاية دلوقتى السوق بتاعهم فى المستعمل كويس جدا و الناس بتقبل عليهم!!!!!! سعر اللانوس الكورى زى سعر اللانوس المصرى اللى موديلها بعديها ب 4 و 5 سنين ... ده غير سعر الجوليت اللى ماسك نفسه لحد دلوقتى....
طيب ما المفاجاة ان العربيات دى كلها كورى و كلها معدية ال 10 سنين و مفيش حاجة فكت من بعضها يعنى!!!!
طيب ممكن مجموعة اسئلة تانية؟؟؟
- ايه رايكوا فى الكورولا موديل 1999؟؟؟
- ايه رايكوا فى الهوندا السيتى اول موديل ؟؟؟؟
- ايه رايكوا فى الكورولا الجديد اللى فيه عيوب فى الجير بوكس؟؟
- ايه رايكوا فى التيريوس (اول موديل) و خصوصا ثباتها؟؟
متهيالى بردو ان العربيات دى يابانى كلها و شركات مختلفة و موديلات مختلفة يعنى مفيش شركة كل موديلاتها مثالية فى المطلق او وحشة فى المطلق ... لازم نقيم كل موديل على حدة مش تقيم الشركة نفسها بالاسم ده يابانى يبقى عليه السلام و ده كورى يبقى يع و ده ماليزى يبقى اللى جابه هنا اصلا و ده اوروبى يبقى نقف انتباه.......
اما بالنسبة للاستاذ صاحب الموضوع فمتهيالى انه هو الوحيد اللى هيقدر يقدر هو عايز ايه خصوصا ان فيه فروق واضحة فى السعر و الشكل و الكماليات لكن الباقى فانا و عن تجربة اقول راييى ان باقى الفروض مش كبيرة و يمكن حتى مش محسوسة خصوصا للى هيسوق فى المدينة... بردو مع العلم ان فيه ناس بتتكلم عن الصنى موديلات 2004 و 2005 و دى يابانى بالكامل اما الموديل الجديد فيه نسبة من 40-50% مكون مصرى ( الرداياتير - البطارية - فرش العربية - تقفيل الصالون و التابلوه- الكاسيت ) و ده اللى عامل فرق السعر لانى بصراحة شايف ان الصنى فقيرة جدا من جوه و تقفيلها مصرى جدا....ول فعلا هتقارن يبقى تقارن بقى بالتيدا لانها يابانى بالكامل و شوف الفارق فى تقفيل الصالون بينها و بين الصنى .... عموما ربنا يهديك للى فيها خير ليك و يحميك من شرها و يديك خيرها ...و اسف على التطويل

يا راجل يا طيب , 40 الى 50 %
كان زمان حالنا احسن من كدة مليون مرة
يا حبيبى المكون المصرى لا يزيد عن 10 %
الكراسى بتيجى تتقفل بس هنا
وعلى كلامك كدة يبقى البطارية اللى 100 جنية تمثل 10 الى 20 % من قيمة العربية !!!!!!!!!!!!
التابلوه بييجى زى ما هو وبيتركب زى الكتالوج ما بيقول
واللى بيجمع هنا نيسان نفسها بادارة يابانية , الايد بس اللى مصرى
دى الحاجات اللى انت قولتها لا تمثل 15 % من العربية
بلاش ارقام مبالغ فيها الله يكرمكم

المشاركة الأصلية كتبت بواسطة hossam_gabre

يا راجل يا طيب , 40 الى 50 %
كان زمان حالنا احسن من كدة مليون مرة
يا حبيبى المكون المصرى لا يزيد عن 10 %
الكراسى بتيجى تتقفل بس هنا
وعلى كلامك كدة يبقى البطارية اللى 100 جنية تمثل 10 الى 20 % من قيمة العربية !!!!!!!!!!!!
التابلوه بييجى زى ما هو وبيتركب زى الكتالوج ما بيقول
واللى بيجمع هنا نيسان نفسها بادارة يابانية , الايد بس اللى مصرى
دى الحاجات اللى انت قولتها لا تمثل 15 % من العربية
بلاش ارقام مبالغ فيها الله يكرمكم

سيادتك الارقام دى مش مبالغ فيها و نسبة ال 10% دى موجودة فى بعض العربيات اللى بتتجمع هنا زى المرسيدس لكن الصنى النسبة زى ماقولت .... و ممكن سيادتك تتاكد من اى موزع معتمد