توكيل السعودى جروب الى اين؟

**badrbadr** · 30-09-2010 05:35 PM

المشاركة الأصلية كتبت بواسطة ahmedebian77

السلام عليكم
انا المهندس / احمد و عندى شيرى a15 و بضم صوتى الى الاستاذ بدر توكيل السعودى تعبان جدددددددددا و لا بيحاولوا الاهتمام بالعملاء انا نم فترة رحت اعمل صيانة و استقبلنى م /عنتر 15000 و كنت بشتكى من عدة اشياء فى العفشة و استهلاك البنزين و العربية دخلت و خرجت بعد 1/2 ساهة و قاللولى خلاص العربية تمام و للأسف الكلام دا كان غلط و رجعت تانى و طالبتهم و على الاقل يصلحوا استهلاك البنزين و لكن مهندس لم يرد و خرجت العربية بها نفس المشاكل و ذهبت لمهندس الورشة م /شريف و اصلر ان العربية تمام و مافيش اى مشاكل على الجهاز و لما طلبت منه يخرج معايا و يجربها رفض وقالى مافيش وقت رغم انن كنت عندهم الساعة 9.30
حسبى الله ونعم الوكيل

مهندس / احمد انا تعبت مع المهندسيين فى التوكيل والامر ا ما هناك تعليمات من الادارة بعدم تغيير اى قطع غيار لعيب فى السيارة طالما ان السيارة لازالت فى الضمان او المشكلة تتمثل فى عدم كفأة المهندسيين فى اكتشاف العيب وانا ارجح الاخير لذا امامك حل وهوا الذهاب لنائب المدير د/ رأفت او هناك مهندس جديد يدعى حسين والافضل الذهاب للدكتور رأفت اولا واطلب منه ان يكشف على السيارة المهندس حسين واذا لم تصل لحل عليك بجهاز حماية المستهلك ولعلمك الشكوى فى الجهاز مهمه ولو تابعت الجرائد تجد ان الجهاز اوقف توكيل السيارة كومودو لكثرت مشاكلها والشكوى الدائمه من عيوبها.
وشكرا

**badrbadr** · 30-09-2010 07:52 PM

اه فى حاجه عايز اوضحها لك وهى معنى انها كامه واحده يعنى 12 صباب مش 16 صباب
ولا ايه

**ahmedebian77** · 02-10-2010 02:10 PM

ازيك يا استاذ بدر انا متشكر على النصيحة و ان شاء الله اعمل بيها

**Arnobeee** · 03-10-2010 03:53 AM

المشاركة الأصلية كتبت بواسطة badrbadr

اه فى حاجه عايز اوضحها لك وهى معنى انها كامه واحده يعنى 12 صباب مش 16 صباب
ولا ايه

تبقى 8 لو كامة واحدة عشان هي 4 بستم انما 12 صباب دي 2 عمود كامة بس 3 بستم

**badrbadr** · 03-10-2010 11:03 PM

المشاركة الأصلية كتبت بواسطة arnobeee

تبقى 8 لو كامة واحدة عشان هي 4 بستم انما 12 صباب دي 2 عمود كامة بس 3 بستم

معك حق اتضح انها 2 كامه فعلا بس على علبه واحده بترسين وهى 16 صباب وشكرا للمعلومه

**badrbadr** · 03-10-2010 11:06 PM

المشاركة الأصلية كتبت بواسطة ahmedebian77

ازيك يا استاذ بدر انا متشكر على النصيحة و ان شاء الله اعمل بيها

العفو بس ها اصحح معلومه ان المهندس اسمه حسن ولقد اعطيته فكره عن موضوعك وهو بانتظارك

**sokr** · 04-10-2010 10:58 PM

على فكرة أنا عميل فى التوكيل بس معايا سيارة شيرى a15 وأعرف ا/ قدرى وهو انسان محترم جدا وانت بتفترى عليه لانى اتكلمت معاه فى الموضوع ده اللى انت بتفترى عليه فيه . والراجل شرح لى الموضوع بحيادية انا مش صاحب مصلحة مابنكم بس ياريت نخاف من ربنا شوية أصل احنا فى الاخر ريحنله كلنا... وعلى فكرة من أحسن الناس اللى كانوا هناك.. لانه لعلمك يامحترم أن قدرى ساب التوكيل وده كان الانسان الوحيد اللى لو عند اى مشكلة فى الصيانة كان والله بيجرى ويدخل ويسيب شغله عشان يردينى وده مش هاتلاقى عند أى حد فى التوكيل ده يمكن أ/شريف شوية...مع الشكر

**sokr** · 04-10-2010 11:08 PM

انا مبسوط من الموقع ده علشان بيقرب وجهات النظر بس رجاء نتكلم بحيادية لان وجة نظرنا الشخصية بتأثر فينا أثناء الرد...شكرا

**badrbadr** · 06-10-2010 03:48 AM

المشاركة الأصلية كتبت بواسطة sokr

على فكرة أنا عميل فى التوكيل بس معايا سيارة شيرى a15 وأعرف ا/ قدرى وهو انسان محترم جدا وانت بتفترى عليه لانى اتكلمت معاه فى الموضوع ده اللى انت بتفترى عليه فيه . والراجل شرح لى الموضوع بحيادية انا مش صاحب مصلحة مابنكم بس ياريت نخاف من ربنا شوية أصل احنا فى الاخر ريحنله كلنا... وعلى فكرة من أحسن الناس اللى كانوا هناك.. لانه لعلمك يامحترم أن قدرى ساب التوكيل وده كان الانسان الوحيد اللى لو عند اى مشكلة فى الصيانة كان والله بيجرى ويدخل ويسيب شغله عشان يردينى وده مش هاتلاقى عند أى حد فى التوكيل ده.. يمكن أ/شريف شوية...مع الشكر

شكرا على ذوقك ...ياسيدى المحترم لاتذكرنى بالخوف من الله ولاداعى لاتهامك بانى اتهم الرجل بالباطل وانت سمعت منه فقط ..هل سيادتك حضرت الواقعه التى حدثت معه بالطبع لا لذا ارجوا منك التريث قبل ان تتهم الناس وللعلم لا يوجد سابق معرفه لى معه الا مرة واحدة عرضت فيها مشكلتى عليه وبسبب ذلك اعطانى رقم موبايله حتى اتصل به فى حالة احتجت مساعده منه وليته ما فعل لانى يوم ما لجأت اليه صدمت من رده وتنصله وعدم المبالاه وتركنى فى وضع سىء فى الشارع مع العطل بسيارتى وانا اترجى منه ان يسعفنى ..يا اخى لو حدث معك ما حدث لى لكان رد فعلك اكثر منى بكثير فانا تحكمت باعصابى لاقصى درجه

**badrbadr** · 07-10-2010 03:25 PM

لمن اراد النجاح والكف عن لغة الحوارات بدون افعال حقيقيه مثمرة عليه متابعة ماذا فعل توكيل بروتون مع عملائه فى الجزء المخصص لبروتون على المنتدى وشوفوا بنفسكم مدى الاهتمام والاحترام من التوكيل وهذا ما غلبت فى الكلام عنه ولا اجد سوى الدفاع عن فلان وكذلك الاتهام بالافتراء على التوكيل