الموضوع: توكيل السعودى جروب الى اين؟

الله الشافى العافى

توكيل فاشل بجد عن تجربة و قدرى دة حسبنا الله و نعم الوكيل

المشاركة الأصلية كتبت بواسطة amr1973

توكيل فاشل بجد عن تجربة و قدرى دة حسبنا الله و نعم الوكيل

السيناريو الموجود فى التوكيل هو:( اهلا _ حاضر _ كله تمام _شرفت مع السلامه) ... وحضر نفسك بمجرد خروجك من التوكيل وتمشى مسافة 20ك تلاقى شكوتك زى ما هى لم تحل وتتصل بيهم والرد شرفنا تانى بكره وتروح ياباشا ثانى وثالث ورابع وخامس وسادس على نفس السيناريو والمشكله كما هى وانا اعلم انه اذا ذهبت لورشه خارجيه سوف تحل المشكله فهى بسيطه وده الى مصبرنى عليهم ..لاكن انا مصمم على الذهاب الى التوكيل لان هذا حقى حتى اصل لحل .. ثم اين الاستاذ شريف الذى دافع على صفحات هذا الموقع عن التوكيل وشكر فيه واين دوره ولماذا اختفى الان ؟ اعتقد الاجابه لاتحتاج اجتهاد

المشاركة الأصلية كتبت بواسطة roufa010

بجد انا حزين جدا من الجزء الى انت كتبته الخاص بيا وعلى ما اعتقد انى ساعدت حضرتك ويكون ده فى الاخر جزائى على العموم حضرتك عارف انى بنشغل فى الشغل وده سبب دخولى القليل وعايز افكر حضرتك انك معاك رقم موبايلى الى كنت بتكلمنى عليه كل شويه وكنت برد على حضرتك وبحاول اساعدك وعايز اقولك انى مش مجبر انى ادخل الموقع ولو اختفيت على حد تعبير حضرتك اكون بهرب

عايز اقول لحضرتك انى قبل مااشتغل فى التوكيل كنت عضو فى النايل موتورز وليا اصدقاء كتير عليه والمواضيع بتاعتى هنا ماهى الا اجتهاد شخصى للى عايز يعرف العربيه وليست لبيع العربيه لو كانت لغرض البيع ماكنتش هاخرج من المنتدى ابدا لكن انا فعلا مش محتاج انى ابيع العربيه على النت لان العربيه مش محتاجه منى ده كل الى بقابله من النت هجووووووووووووووم وعادى جدا مش بزعل ابدا لانها وجهات نظر وتستحق الاحترام

الاستاذ / شريف
انا لم اهاجم سيادتك وفعلا انت ساعتنى لاكن رقم التليفون الذى تكرمت باعطائى اياه واضح ان صاحبه خارج الخدمه ولا يرد على احد وكنت اتمنى ان يكون اهتمامك اكبر بحكم مقابلتك لمدير الشركه فى ان توصل له شكواى وان توضح له ان عملائه مهمين وكذلك سمعت التوكيل اهم ولاكن ياسيدى العزيز سيادتك تخدم من بعيد ولقد وضحت لجميع الاساتذه فى التوكيل اهميت احترام العميل وخدمته بكل امانه وكل منهم للاسف يهز رأسه ويبتسم بسخريه من كلامى ويوافقنى فقط للارضائى وهناك واقعه حضرتها فى التوكيل لشخص عنده مشكله فى سيارته من نوع فان وترك السياره فى التوكيل للاصلاح وعند استلام السياره وجدها كما هى وعند سؤال المهندس قال له السياره لايوجد بها عيب واستغرب صاحب السياره وحاول بكل الطرق توضيح الامر للمهندس ولاكن بدون اهتمام مما جعل صاحب السياره للانفعال وماكان من المهندس الا ان تركه بعد ان رد عليه بعنف واختفى .. بالله عليك ماذا يحدث فى هذا التوكيل واين الاستاذ احمد السعودى ؟ وكل ما اسمعه انه دائم المتابعه بالرغم من تواجدى المستمر فى التوكيل اقسم لم اره ولو مره واعتقد بل متاكد انى اتواجد فى التوكيل اكثر منه.. يا استاذى العزيز انا من يجب ان يغضب وينفعل وانا من يجب ان يلومك لانك السبب الاساسى لشراء السياره من متابعتى لك على النت وانا هنا لا اعيب فى السياره لاكن فى التوكيل الذى حيرنى فى عدم الاهتمام وهناك واقعه اتمنى ان تهتم بها وتوضحها لى وهى عند ذهابى للتوكيل اخر مره قبل العيد بسبب نفس المشكله التى اعانى منها ودخلت السياره وبعد 3 ساعات نزلت اشوف ايه سبب التاخير ووجدت مهندس جديد خارج ليجرب السياره وانتظرت عودته وسئلته ايه الاخبار فقال لى تمام خلاص ودخلت اجرب السياره وجدتها كما هى واستغربت وقلت له اين المهندس محمود فالسياره كما هى وانتظرت ظهور المهندس محمود فتره وعند سؤاله قال لى انهم لم يضعوا السياره على الجهاز...بالله عليك 3 ساعات ماذا يفعلون وكل هذا وهم لايرون اى مشكله فى السياره ..كيف يرون المشكله وهم لايكشفون على السياره ..و هناك شىء استغربت منه ان المهندس الجديد قال للمهندس محمود ان العيب من قطعه ذكر اسمها ولا اتزكرها وما كان من المهندس محمود الا ان شوشر على كلامه وضحك بسخريه وقال له بسرعه لا لا ..اريد ان اسئلك وجاوبنى بكل صراحه الا يستدعى هذا غضبى وثورتى ؟ واقسم لك لقد صبرت كثيرا عليهم وسوف اذهب لهم غدا السبت واذا لم تعالج مشكلتى بينى وبينهم جهاز حماية المستهلك لان صبرى نفذ وسوف اوضح لكل الاعضاء بمنتهى الامانه ما حدث معى.
سيدى ليس من حقق ان تغضب واريد منك فقط شىء واحد اذا لاتسطيع ان توصل صوتنا للتوكيل الذى تعمل به فمن الافضل ان تقطع كلامك عن هذا التوكيل وتلك السياره على النت لانك لان تكون بتلك الطريقه صادق مع الاعضاء.
وشكرا

يامنت كريم يارب....الحمد لله انى مشترتش من عندهم......انا كنت معجب بالتوكيل ده خصوصا انه قريب من شقتى فى مدينه السلام وكنت بشوف العربيات الشيرى وبعدها الليفان وكنت معجب بيها جداا وكنت هشتريها والظاهر ربنا مأردش عشان متبهدلش....... بصراحه مشفتش حد شكر فى التوكيل ده.......والله يكون فى عونك ياستاذ بدر الظاهر مفيش حد اشترى العربيه غيرك......يعنى مفيش حد بيرد ولا بيشكر ولا بيشكى غيرك ......ده غير اللى كان عامل فضيحه ومصور العربيه ال520 المينى كوبر.....