الموضوع: أعمل إيه لو الضابط أخد الرخص و ما رضاش يديني إيصال بها؟؟؟

المشاركة الأصلية كتبت بواسطة kh_talaat

هو دة الكلام المظبوط

يا جماعة السير عكس الأتجاة مفيهوش ايصالات

الإجراء القانوني ان الظابط بياخد الرخص وصاحب العربية على القسم ويتعمل محضر ويتحول على النيابة ويتم دفع الغرامة حوالي 1020 جنية

لكن بعد شكوى الناس من الحجز في قسم الشرطة مع المجرمين بقى فيه تيسيير للأمور وهي ان الضابط ياخد الرخص ويقولك حضر مبلغ الغرامة وحصلني على القسم

الضابط راح عمل محضر في القسم و إدوا أخويا حبس 24 ساعة و 1000 جنيه غرامة... اللي قدرنا نعمله بالواسطة إنه ما راحش القسم و ما اتحبسش و والدي هو اللي راح جاب الرخص و الغرامة نزلت في الملف

برضو مهما كان العقوبة نفسها مبالغ فيها قوي قوي لأن عكس الإتجاه مش كارثة يعني زي زيادة السرعة أو تفييم العربية أو عكس الإتجاه في السريع أو الساحل الشمالي....
تاني حاجة الضابط مش في أي حتة على مزاجه يعمل نفسه لجنة لوحده و يثبت الناس في الشارع!!!!! مهو ممكن ياخد مني الرخص من غير ما أبقى مخالف و يكتب المخالفة اللي على مزاجه.... غير إن في شوارع كتير في إسكندرية نص الشارع إتجاه و الباقي بديهيا عكس الإتجاه !!! و العلامة لو كانت لسة موجودة أصلاً بتبقى في مكان غير مفهوم أصلاً..... زي الشارع اللي في سابا باشا اللي قدام نادي المهندسين .... و في شارع شبهه في سموحة بين مركز العيون و الميدان اللي عند مدرسة السيد كريم..... و غيره كتير طبعاً
أنا بيتحرق دمي لما أدخل شارع و أنا مش شايف يافطة ممنوع الدخول و ألاقي أمين شرطة معفن ماسك دفتر و يقول لي عكس إتجاه، و العلامة واقعة على جنبها أو متشالة عشان أعمال الحفر و التنقيب اللي في الشارع!!!!!

إنا لله و إنا إليه راجعون

و عموماً ظباط اليومين دول الصغيرين بالذات لما بتعامل معاهم بيبقى نفسي أضربه بالرصاص زي أفلام الكرتون كدة ، يموت نص ساعة كدة و بعدين يقوم و ينفض هدومه و يمشي بس يكون أخد الدرس أو وشه بيوجعه من الرصاصة اللي جات بين عينيه
يا رب يخترعوا لنا حاجة كدة أحسن محتاجه أوي

المشاركة الأصلية كتبت بواسطة gassarian

برضو مهما كان العقوبة نفسها مبالغ فيها قوي قوي لأن عكس الإتجاه مش كارثة يعني زي زيادة السرعة أو تفييم العربية أو عكس الإتجاه في السريع أو الساحل الشمالي....


إنا لله و إنا إليه راجعون

يا جماعة انا ليا رأي تاني ، انا شايف ان الغرامة مناسبة جدا وياريت تبقي اكتر يعني في اي دولة محترمة الرخص هتتسحب ومش هيشوف سواقة تاني وانا هحكلكم حكايتين واحدة منهم بمناسبة رمضان والفطار

ماشي علي الاوتوستراد ساعة اذان المغرب بالظبط وماشي علي 100 وفي عربية قدامي ببتاع 20 متر كده وهو كمان ماشي علي المية وواخدين الشمال والدنيا فل وسامع الأذان في الراديو فجأه لقيت العربية اللي قدامي بترمي يمين ولقيت في وشي عربية شيفرولية دبابة ماشي عكس الاتجاه وماسك الشمال

طبعا دوست فرامل بس مش جامد وجي ارمي يمين لقيت عربية ميجان بيقطع الطريق عشان ياخد اليو تيرن

حسبتها بسرعة وقلت الميجان ارحم من الدبابة وش في وش

ونويت ادخل في الربع الوراني المهم شفت السواق بتاع الميجان ضرب الفرامل في نص الشارع وبيغطي وشه بإيديه

والله ما تعرفش ربنا فرجها منين وبتاع الدبابة داس بنزين جامد فا وسع لي مكانه

والله وقفت بتاع خمس دقايق باخد نفسي

يبقي الراجل ده يستاهل ايه بأه

والموضوع التاني ابن خالتي كان سايق علي طريق الساحل وسواق تريلة قرر يمشي عكسي بدل ما يروح بعيد ويلف

قدر الله ما شاء فعل وأتوفي في الحادثة ديه اربعة قرايبي

وطبعا ديه اخرة الفهلوة ومش هيحصل حاجة ويا عم احنا في رمضان والطريق كان فاضي والكلام اللي جايبنا ورا

ولا اركم الله سوء في عزيز لديكم