أسهل طريقة للحصول على رخصة القيادة مضمون 100%

**husseinsalah** · 02-09-2010 06:58 PM

المشاركة الأصلية كتبت بواسطة أبو صلاح

طيب لو سمحت لو لسه موجود الكتيب ده ياريت تعرفلي لو موجود رخصة مهنية وفين

او لو في رقم استعلامات تبعتهولي

فعلا فية رخصة مهنية فى نفس المدرسة اما رقم التليفون فما مفيش رقم معين فيها لكن دة رقم المدرب اللى كان بيدربنى

اسمة : فرج المهنى
0105503856

**Nistelrooy** · 02-09-2010 11:20 PM

المشاركة الأصلية كتبت بواسطة husseinsalah

ولو انى ما عرفش انت تقصد اية لكن انا عارف ان الامتحان دة كلشنكان وعموما الاختيار مش بمزاجى ياعنى حسب ترتيبك فلو اللى ادامك طلع بية لقدام طبيعى انت هترجع بيها ورا والعكس

مش انتا الي مصور الفيديو ؟

والي شوفتة الي بيطلع بالعربية لقدام غير الي بيرجع لورا ومعظم الناس بتختار تطلع بالعربية لقدام علشان اسهل ..

**beetleMOSH** · 02-09-2010 11:53 PM

هههههههههههههه
مع كامل احترامى بس ده بظرميييييييت يا عم الحج
ههههههههههههههههههه
و التانى يقولها stop
هههههههههههه

**aymansaad** · 03-09-2010 12:01 AM

شكرا على الموضوع

**Aziz2009** · 03-09-2010 01:42 AM

ألف شكر على الموضوع

بس أنا مش عارف لسه هو إيه الفرق بين مدرسة المرور اللي في المجمع وبين مدرسة مرور اللي في الشيراتون ؟؟
وبالنسبة للي في الشيراتون .. لو أنا واقف عند نادي السكة .. أروحها إزاي ؟؟

و أنا من حلوان .. ينفع أدخلها ؟

شكراً ليك مرة تانية ..

**Medo007** · 03-09-2010 02:18 AM

ينهر كوسة
اتارى الحوادث كترت

بس ياباشا انت بتقول في الفديو اللى يرجع ورا ده ظلم

انا شايف انه ورا وقدام اخر ررر دلع

انا امتحنت في مرور الوايلى تمشى حرف u بس مش كاملة وترجعها بضهرك وفيه مطب

ويومها كانوا مديقين الاقماع وحسيت ان الفيرررنا عريضة اوى

وبعدين لما ترجع ورا يبقى ظلم ازاي

هيا هتاخد الرخصة وتقعد في البيت ماهي هتسوق

لازم تبقى عارفة ورا وقدام وكل حاجة ولا اللى بيسوق ده بيسوق قدام بس

بالعكس ده مصلحتها انها ترجع لورا

**Medo007** · 03-09-2010 02:19 AM

طبعا شكرا عالفديو

**husseinsalah** · 03-09-2010 02:36 PM

المشاركة الأصلية كتبت بواسطة nistelrooy

مش انتا الي مصور الفيديو ؟

والي شوفتة الي بيطلع بالعربية لقدام غير الي بيرجع لورا ومعظم الناس بتختار تطلع بالعربية لقدام علشان اسهل ..

معلش انا افتكرتك بتتريق عموما حصل خير بس حكاية ان الطلوع للامام اسهل من الرجوع للخلف بالنسبة لواحد درس فى المدرسة مش فارقة خالص بالمقارنة لو انت من برة وجاى تطلع رخصة عادى

**husseinsalah** · 03-09-2010 02:50 PM

المشاركة الأصلية كتبت بواسطة aziz2009

ألف شكر على الموضوع

بس أنا مش عارف لسه هو إيه الفرق بين مدرسة المرور اللي في التجمع وبين مدرسة مرور اللي في الشيراتون ؟؟
وبالنسبة للي في الشيراتون .. لو أنا واقف عند نادي السكة .. أروحها إزاي ؟؟

و أنا من حلوان .. ينفع أدخلها ؟

شكراً ليك مرة تانية ..

انا ماعرفش اية نظام المدرسة اللى فى التجمع لكن أنا بقول عن تجربتى فى المدرسة اللى رحتها

على فكرة انا كمان من حلوان ومش لازم ياعنى نادى السكة من حلوان اركب الميكروباص اللى رايح السلام لكن مش السلام دائرى اركب ميكروباص رابعة السلام وقولة نزلنى الشيراتون فهتلاقى شريط مترو ادامك (ترماى) عدي شريط المترو فهتلاقى ادامك مساكن الشيراتون ادخل اول شارع يقبلك بين العمرتين فهتلاقى جامع كبير للاسف مش فاكر اسمة وهتلاقى جنب الجامع جنينة فيها مبنى من دور واحد خاص بالبلدية وجنبهم مبنى بردة دور واحد هى دى بقى مدرسة المرور

ولو مصمم انك تروح من نادى السكة فا من ادام نادى السكة اركب اية حاجة رايحة موقف العاشر واللى غالبا بيكون جاى من السيدة عائشة وقول السواق نزلى الشيراتون والباقى نفس الكلام

**husseinsalah** · 03-09-2010 02:56 PM

المشاركة الأصلية كتبت بواسطة Medo007

ينهر كوسة
اتارى الحوادث كترت

بس ياباشا انت بتقول في الفديو اللى يرجع ورا ده ظلم

انا شايف انه ورا وقدام اخر ررر دلع

انا امتحنت في مرور الوايلى تمشى حرف u بس مش كاملة وترجعها بضهرك وفيه مطب

ويومها كانوا مديقين الاقماع وحسيت ان الفيرررنا عريضة اوى

وبعدين لما ترجع ورا يبقى ظلم ازاي

هيا هتاخد الرخصة وتقعد في البيت ماهي هتسوق

لازم تبقى عارفة ورا وقدام وكل حاجة ولا اللى بيسوق ده بيسوق قدام بس

بالعكس ده مصلحتها انها ترجع لورا

يا سيدى ما تدقش انت لو دخلت على اليوتيوب هتلاقى انى حاطط الفديو دة تريقة على اختبار البنات واللى فاتحينلها شنطة العربية من ورا علشان يسهلولها السهل اصلا

وانا كنت بقول كدة لان فية واحدة ست والدة واحدة من اللى بتختبر كانت قلقانة اوى ان دور بنتها يكون الرجوع للخلف فقلت (اعزريها فى مصيبتها ) مش اكتر ياعنى