الموضوع: ايه المطلوب لتركيب جي ام 600 وات مع صب 1400 وات

كلام كبير وكلام جميل طيب معلش استفسار بقا خارج العربيات شوية لانى انا مش مقتنع انك ممكن تسمع صوت خرافى فى العربية زى اى ساوند سيستم بتاع بيت انا كان عندى ساوند سيستم فى البيت باناسونيك حطة فى الاوضة عندى وهيا اوضة مش كبيرة اوى مكون من 7 سماعات هوا 860 rms و 8500 وات السماعات عبارة عن
2 سماعة صب كل واحدة فيها 2 صب من الالومنيوم
2سماعة فيها سماعتين عادين تقريا صب وسماعة ميد رينج
2سماعة صغيرين بيطلعوا صوت ضعيف جدا يكاد يكون منعدم تقريبا سوروند
سماعة سنتر

المفروض التوزيعة دة تتحط ازاى يعنى الصب يبقة ادامى وانا قاعد فى نهاية الاوضة ولا فى النص ولا الدنيا تمشى ازاى
معلش انا تاعبك معايا بس انت بصراحة راجل برنس ربنا يبارك فيك على فكرة انا صاحب السماعات الجى بى ال الى كنت عايز ابيعها واختلفنا فى سعرها بس هيا الحمد اللة اتباعت خلاص وجبت jbl p963 يا ريت تقولى راى حضرتك فيها بالمرة
وكل سنة وحضرتك طيب والف شكر مقدما

المشاركة الأصلية كتبت بواسطة ahms10

كلام كبير وكلام جميل طيب معلش استفسار بقا خارج العربيات شوية لانى انا مش مقتنع انك ممكن تسمع صوت خرافى فى العربية زى اى ساوند سيستم بتاع بيت انا كان عندى ساوند سيستم فى البيت باناسونيك حطة فى الاوضة عندى وهيا اوضة مش كبيرة اوى مكون من 7 سماعات هوا 860 rms و 8500 وات السماعات عبارة عن
2 سماعة صب كل واحدة فيها 2 صب من الالومنيوم

الصب يتحط في اي حتة في الاوضة مابيفرقش بتاتا بس المهم يتحط الارض مش على رف

2سماعة فيها سماعتين عادين تقريا صب وسماعة ميد رينج

دول السماعات الامامية يتحطوا يمين و شمال التليفزيون او الهيد يونيت في الركنين اللي بيبقوا قدامك و انت قاعد

2سماعة صغيرين بيطلعوا صوت ضعيف جدا يكاد يكون منعدم تقريبا سوروند

دول الساتيلايت يتحطوا في الركنين التانيين اللي بيبقوا وراك يمينك و شمالك و انت قاعد

سماعة سنتر

دي في النصف امامك و انت قاعد (فوق او تحت التليفزيون و الهيد يونيت )

المفروض التوزيعة دة تتحط ازاى يعنى الصب يبقة ادامى وانا قاعد فى نهاية الاوضة ولا فى النص ولا الدنيا تمشى ازاى
معلش انا تاعبك معايا بس انت بصراحة راجل برنس ربنا يبارك فيك على فكرة انا صاحب السماعات الجى بى ال الى كنت عايز ابيعها واختلفنا فى سعرها بس هيا الحمد اللة اتباعت خلاص وجبت jbl p963 يا ريت تقولى راى حضرتك فيها بالمرة
وكل سنة وحضرتك طيب والف شكر مقدما

عارف ياباشا و متابع و انا صامت هههههه وكل سنة و حضرتك طيب

انا شفت الموضوع التاني اللي عملتة للبيع خلال يومين و ان شاء الله يعجبك صوت ال 963

انا ماسمعتهاش قبل كدة لان الموديل دة طلع بعد ما انا سبت جي بي ال

على فكرة السيستم دة علشان تسمع صوتة بالمؤثرات صح زي ما مفروض لازم توصلة بدي في دي او ساتيلايت بوصلة ديجيتال

كو أكسيال او فايبر اوبتك

و دي بتبقى فردة واحدة بس و بتديلك الصوت 5.1 بس لازم المصدر يكون دولبي ديجيتال يعني يا دي في دي يا رسيفر دش فية الخرج الكواكسيل او الفايبر اوبتيك
يا اما 6 خرج باسف لو السيستم فية 6 مدخل انالوج

ساكت لية يا باشا قول كل الى عندك مش عايزين حاجة تبقة فى النفوس انا اسف لو زعلتك فى حاجة وكل سنة وحضرتك طيب عايزين ندخل على العيد فلة من غير اى زعل او مشاكل .......اة الحمد اللة هيا اتبعات ب500 فعلا فى المنتدى هنا وال963 الحمد اللة ممتازة وغيرت الجى ام وجبت جى ام من اخ عزيز هنا فى المنتدى 4 شانيل ووصلت علية السماعات السونى الكمبوناننت الى ادام والحمد اللة الصوت بقا كويس اوى بس طبعا البيت حاجة تانية لا يقارن.......السيستم دا بيت مش عربية بس انا بصراحة مش فاهم حاجة خالص اوصلة ازاى بستالايت وهل ستالايت دا المقصود بية دش واة الكواكسيل دا معلش براحة عليا شوية فى النقطة دى وانا معاك تلميذ مطيع ان شاء اللة

لا ياباشا مافيش زعل و لا حاجة انا باهزر معاك و انا اللي اسف لو كلامي عن سعر السماعات أذاك شوية في بيعها

بس فعلا هي سعرها زي ما قلتلك و الوكيل بيستهبل جامد

و كل سنة و انت طيب

ياباشا الساتيلايت دة اسم سماعات السوروند بيقولوا عليها ساتيلايت سبيكرز

و قصدي انك علشان تاخد امكانيات السيستم دة لابد و ان توصلة بمصدر 5.1 دولبي ديجيتال زي جهاز دي في دي او رسيفر دش لأن هما دول الجهازين اللي ممكن تاخد منهم الصوت الدولبي ديجيتال و بس

الكو اكسيل هو فردة ار سي اية بتنقل الصوت متشفر قبل فكة (يتعمل لة بروسيسنج) و تحويلة لانالوج 6 قنوات

تابع قسم الصوتيات انا بارفع شوية رسومات عن توزيع السماعات في انظمة الصوت الدولبي ديجيتال المنزلية عل و عسى يفيد الاعضاء

مش مهم بقى النهاردة نشوف الحاجة زهرة و اجوازها التسعه هههههههههههه

دى اهم نقطة قبل اى حاجة ويا باشا مفيش اسف بين الاخوات ولا اذى ولا حاجة دا نصيب والحمد اللة كل واحد بياخد نصيبة ..وحضرتك طيب معلش سوال سماعات السوروند بيسموها ساتيلايت ولا دا نوع سماعات ومتابع مع حضرتك ان شاء اللة ومستنى على احر من الجمر ومشاهدة سعيدة يا باشا لزهرة وازواجها المية


انا اسف لصاحب الموضوع عشان خرجنا برة موضوعك بس هيا جت كدا
اسف مرة تانية

لا مجرد بيسموها ساتيلايت او الخلفية او السوروند مجرد مسميات

بص عالرسومات و قوللي رأيك

بس للاسف اللي عندي الصور الصغيرة دي

كنت عاملها لبرسينتيشن تدريب لستاف مبيعات الشركه من فترة

انتو مكبرين الموضوع اوى ليه كده وصل الكويلين مع بعض توازى هيديك واحد اوم و بكده هتاخد كل ال rms بتاع الجى ام بتاعك و توصله mono و خلاص على كده

يتوصل توالي مش توازي و يبقى 4 اوم

لو وصلتة توازي على تشانيل واحدة وبقى مقاومة 1 اوم حا تاخد منة احلي ديستورشن و يبقى عرضة يضرب بسهولة من اي تحميل صوت علية