الموضوع: ايه المطلوب لتركيب جي ام 600 وات مع صب 1400 وات

كل ما تقل مقاومة السماعه تبقى عرضة تتحرق لو مش معمول حساب قوة الامبيفير عالاوم دة

والاوم كل مايزيد يبقى نقاء الصوت اعلى بس تبقى حمل عالامبليفير

فية سماعات ساتيلايت ماركات عالية ي بوز او غيرها بتبقى 16 اوم

>>> لو الامبليفير 200 وات عال 4 اوم

و حطيت سماعات اتنين اوم يبقى لازم تتحمل 400 وات

ولو حطيت سماعات 16 اوم 200 وات حايبقى مطلوب امبليفير يطلع 400 وات عال 4 اوم

يعنى افهم من كدا انى كل ما يقل الاوم يبقة مش كويس طيب وهيا jbl بتقول انى 2 اوم ميزة لية هل ليها اى جانب ايجابى بجانب الجانب السلبى الى حضرتك ذكرتة يعنى سهل تتحرق ومش بتتحمل وات عالى طيب وموضوع الريسبونس بتاع السماعة انى احسن زيادة ولا قلة.؟

Distortion يعني خروشة و عدم نقاء الصوت

ونقاء الصوت اهم من ان الصوت يبقى قوي و مش نضيف

و بعدين انت توصل ال2 كويل على تشانل واحد لية ماهو الامبليفير 2 تشانل اساسا

يبقي يا توصل كل كويل على تشانل

يا تعمل بريدج للصب و بريدج للامبليفير و تشتغل مونو و انا افضل المونو في الصب بيبقى الصوت انضف

بالضبط زي ماتقول ان عايز واحد يتكلم هندي و صيني في نفس الوقت - هو دة انك تخللي اتنين كويل كل واحد فيهم واخد مؤثرات مختلفة من الصوت و مطلوب من رق واحد يترجم ويقول الكلام دة لوحدة







ابسطلك الموضوع بتاع الاوم

بص امبليفير بيطلع 100 وات (قياساً على 4 أوم)

لو حاتوصل صب اتنين أوم يبقى كام وات !!!!!!

يبقى 200 وات >>>>>> الصب اتنين أوم 200 وات و لو الصب اقل من كدة عرضة انة يطلع ديستورشن جامد و يضرب لو عليت علية الصوت





طيب لو حاتوصل صب 8 أوم يبقى كام وات يبقى 50 وات >>>> صب 8 أوم 50 وات ولو اكتر من كدة يبقى اوفر لود عالامبليفير و يسخن ايسيهاتة ويخلية يقطع و يفصل و ممكن يتحرق مع الشغل لفترة

و لو اتحرق غالبا حايفلت دي سي و يطير معاه الصب كمان

بس كدا زى الفل خلاص انا فهمت يعنى نقدر نقول لو عايزين نخلى موضوع الاوم دا ميزة نقول انوا ريسبونس اعلى يعنى مثلا نقدر نقول لازم تتعامل معاة بفهم وتتعامل معاة صح عشان يبقة ميزة يعنى من اقل قوة امب تقدر تستفيد اقصلى افادة ولو علينا بالامب جامد زيادة سواء على سماعات او صب يبقة هنا مشكلة قلة الاوم سهل تضرب وتتحرق ومش بتتحمل زى الاوم العالى
يا ريت حضرلاتك تقلى كدا فهمى صح ولا لا بجد حضرتك راجل برنس الف شكر على التوضيح

هو مالوش دعوة بالريسبونس (الفريكوناسي ريسبونس) انما هو تحميل عالامبليفير

اقولك زي ماتقول عربية مرسيدس و حاتحط فيها موتور سيات >>>>> دة سماعه اومها عالي و امبليفير ضعيف بيشغلها

او


عربية سيات و حاتحط فيها موتور مرسيدس >>>>>> سماعه صغيرة واومها واطي و ضعيفة و حاتحطها على امبليفير قوي

الجي ام كام تشانيل ؟؟

والصب كام وات ار ام اس لكل كويل ؟؟؟

و قصدك بالتوازي ان توصل الاتنين كويل سوا على تشانل واحد يعني اتنين موجب خارجين من فردة موجب في الامبليفير و متفرعين واحدة لكل كويل و كذلك السالب ؟؟؟

ماينفعش كتير قوي و حمل عالامبليفير و الصوت مش حايبقى حلو و حايفضل عندك تشانيل في الامبليفير فاضية (جنب)

الصح يا اما توصل اتنين تشانل من الامب واحدة لكل كويل

او تشانل واحدة (بريدجد) من الامب مدية الاتنين كويل مع بعض عالتوالي و انا افضل دي