أنا في دوامة ملهاش نهاية

**mr_vampire** · 13-09-2010 10:44 PM

ها طمنا وصلت لايه في موضوعك؟؟؟؟؟؟ منتظرين تطمنا

**inspiron** · 15-09-2010 03:32 AM

مفيش..أبوها مسافر شغله وراجع تاني شهر 11 ياخد منها الرد الأخير.يعني دي آخر فرصة ليا.في الشهرين دول أكون كلمت الوالد والوالدة وأتقدم.ده المفروض لو الأمور سالكة يعني

**fares515** · 15-09-2010 07:25 AM

الموضوع ده بقا بيحصل كتيييييييير وأنا اللى كنت فاكر نفسي حاله نادره!!
المهم ياباشا كتر خيرهم الأعضاء قالولك كلام زي الفل انت دلوقتي تنفذ واهم حاجه الاصرار يعني شيل من دماغك فكره ان الموضوع ممكن يتفركش..متفكرش في احتمالين هو احتمال واحد بس حطه في دماغك انك لاما تقنعهم لاما تقنعهم والزن على الودان زي السحر انت كل يوم تكلمهم في الموضوع ده واوعى تفكر ان الدنيا هتبقى وردي لأن انت اول متفتح الموضوع هتلاقي الدنيا انقلبت والبوب بيقلك بص يابني ان مش همشي معاك في الطريق ده ومش هجوزهالك حتى لو آخر واحده في الدنيا..الخ وهيفضل يقلك الكلام ده ييجي عشرميه مره وانت برضو تصر على موقفك وتعرفهم انك مش هتجوز غيرها وتلمح انك هتجوزها حتى لو موافقوش وهتسيلهم البلد
طبعا الموضوع هياخد منك شهور مش أيام عشان توصل للي انت عايزه بس الطريق مش مفروش بالورود ده كله شوك وزعل وحرقه دم بس اهم حاجه متزهقش او تكنسل الموضوع عشان تريح دماغك ..ولو انت مش مستعد تضحي او حاسس انك ممكن تعيش من غيرها عادي يبقى انسى كل كلامي ده وانساها..

**zaza_lanos** · 15-09-2010 10:18 AM

اخلع قبل فوات الاوان
حيث لاينفع الندم

**fares515** · 15-09-2010 12:44 PM

المشاركة الأصلية كتبت بواسطة zaza_lanos

اخلع قبل فوات الاوان
حيث لاينفع الندم

برضو نظريه حلوه..عيش ندل وموت ندل
(النداله كنز لا يفنى)

**inspiron** · 16-09-2010 04:41 PM

المشاركة الأصلية كتبت بواسطة zaza_lanos

اخلع قبل فوات الاوان
حيث لاينفع الندم

المشاركة الأصلية كتبت بواسطة fares515

برضو نظريه حلوه..عيش ندل وموت ندل
(النداله كنز لا يفنى)

أنا مش فاهم..أخلع من مين وليه؟

**fares515** · 16-09-2010 06:45 PM

واضح انك مركزتش في الرد بتاعي انا مبقلكش اخلع خالص..الباشا اللى جه بعديا هو اللي بيقلك اخلع وأنا بعلق على كلامه بقول ان ده نداله قشطه

**Adham** · 20-09-2010 09:26 AM

انت تبتدي بوالدتك و تسمع منها اية سبب اعتراضهم عالبنت و تفهمها بالعقل ان الست اللي وقعت بينهم دي غرضها خبيث وواضح للعيان و انها عاملة الملعوب دة علشان تخللي والدتك تكرة البنت و يفشكلوا موضوعها و يجوزوك بنتهم وانت طبعا مش حاتتجوز اللا اللي قلبك مختارها