بجد مشوفتش مهزلة اكتر من كدة !!!!

**MASERATI** · 03-09-2010 03:34 AM

المشاركة الأصلية كتبت بواسطة hugan

انا هاروح بجد للراجل ده بكرة وهاخد معايا والدى بقه نتصرف معاه لان بجد حرام اوى

السلام عليكم و رحمة الله و بركاته

أولا , كل عام , أنتم جميعا بخير بمناسة عيد الفطر المبارك , أعاده الله عليكم بالخير و اليمن و البركات

أنا لو منك و راكب عربية مرسيدس فخمة زى اللى معاك , ماكنتش سيبت أى ميكانيكى يلعبلى فى العربية و بدون سبب قهرى و ضرورى , لأن العربية ماكنتش واقفة على سير التكييف , كان الأفضل انك تستنى ليوم الثلاثاء و تروح للميكانيكى اللى أنت بتقول عليه . ادام شاطر و محترم , لكن لو فيه حاجة فى العربية و العربية عطلانة عليها و خلاص , روح لأقرب ميكانيكى و خلاص و امرك لله, لكن العربية , ادام مش عطلانة , كان المفروض تستنى الميكانيكى التانى لما ييجى و يعملك اللى أنت عاوزه , عالعموم , ماحدش بيتعلم ببلاش .

و أنا رأيى أنك ماتروحلهوش تانى و لا حاجةلأن النوعية دى من الناس مايصحش أنك يحصل بينك و بينهم جدال و شد و كلام, لأن الخناق و الجدال مع الناس دى هيقلل من قيمتك و هيبتك أكتر ماهيقلل منه و ان كان هو أصلا , لاعنده لاهيبة و لا كرامة ولا قيمة .

و خاصة أننا فى العشر الأواخر من رمضان و دى أيام مباركة جدا و مطلوب مننا كمسلمين الاجتهاد و الصلاة من بعد العشاء ة حتى الفجر عسى الله أن يكتبنا من عتقائه من النار لأن اللى يعدى عليه رمضان و مايغتنمش الفرصة دى ليكون من العتقاء من النار و أن يفوز بثواب ليلة القدر , يبقى فعلا خسر خسارة كبيرة و لا يعوضها مال الدنيا كله.

مازيراتى كواتروبورتيه

**Mody_Benz** · 03-09-2010 04:50 AM

خاصة أننا فى العشر الأواخر من رمضان و دى أيام مباركة جدا و مطلوب مننا كمسلمين الاجتهاد و الصلاة من بعد العشاء ة حتى الفجر عسى الله أن يكتبنا من عتقائه من النار لأن اللى يعدى عليه رمضان و مايغتنمش الفرصة دى ليكون من العتقاء من النار و أن يفوز بثواب ليلة القدر , يبقى فعلا خسر خسارة كبيرة و لا يعوضها مال الدنيا كله.

شكرا ليك يا ماسيراتى على كلامك وكله كلام جميل وربنا يكرمك ويحفظك

وانا فعلا عوضت امرى لله وفعلا اتعلمت خلاص ومحدش بردة زى مقولت بيتعلم ببلاش

بس انا كنت عايز حاجة واحدة انى اعرفه انه عمل كل حاجة غلط ادى لتغيير حجات كتير

عشان ميفتكرش نفسه انه صلح حاجة بالرغم انه بدل ميصلحها جابها الارض

على العموم شكرا جدا على كلامك وربا يعمل اللى فيه الخير

شكرا ليك

**haroun707** · 03-09-2010 05:31 AM

ياباشا الحمد لله انها جت على قد كده واعمل حسابك طول ما انت بتتعمل مع الصنايعيه ياما حتشوف وتقابل

بس انت بردوا غلطان انك مرحتش للميكنيكى بتاعك من الاول

وعلى فكرة معظم ميكانيكيه المرسيدس بيفتوا وبيكونوا عاوزين يعملوا شغل وخلاص

انا كنت رايح انا وواحد صديقى معاه بردوا مرسيدس 200 موديل 84 ومعديين جنب واحد بتاع مرسيدس قالى حسأل على حاجة اول لما رحنا قالوا الماكينة مش عارف عاوزه طقم صباب وايه وايه فا طبعا ضحكنا ومشينا

لاننا كنا عارفين فيها ايه

عارف كان فيها ايه كان الشكمان عاوز يتغير بس

فا قدر الله وما شاء فعل

**Mzeid** · 03-09-2010 05:23 AM

انا بصراحة لي رأي تاني
حضرتك تروح للي أوصى لك بالميكانيكي دة و تحكيله على اللي حصل
على الأقل علشان لو مش عارف عنه يبقى مينصحش الناس تاني بيه

**mohamed2002** · 27-09-2010 06:15 PM

المشاركة الأصلية كتبت بواسطة Mzeid

انا بصراحة لي رأي تاني
حضرتك تروح للي أوصى لك بالميكانيكي دة و تحكيله على اللي حصل
على الأقل علشان لو مش عارف عنه يبقى مينصحش الناس تاني بيه

كلام سليم

**kamalsalem** · 03-09-2010 05:31 AM

ده تروحله الورشة تاخده هيلا بيلا كده من قفاه وتحطه تحت العربية وتفرك على وشه لحد ما جمجمته تدخن وبعدين تحطه مكان السير اللي اتقطع وتكسرله صوابعه العشرة... وبعدين اللي يقولك هو مال شكله عامل كدة ليه، قوله اصله عايز طرمبة باور

**Mody_Benz** · 03-09-2010 05:54 AM

والله يا اخوانا كلام((( ماسيراتى )))جميل وكله كلام جميل

وشكرا ليكوا كلكلوا على وقفتكوا جمبى ربنا يخليكوا

بس برضه انا عايز اروح افهم الحمار ده انه مش بيفهم حاجة وضيع على نفسه زبون كان ممكن يجيله فى وقت الزنقة زى كدة

وكان ممكن يجبله ناس تانية عندها مشاكل مدام شاطر

لكن هوا بينلى انه بجد بطييييييييييييييخ خالص وقال اية طرمبة الباور بايظة

وعلفكرة معلمومة ان سير الباور ده بيتغير كل فييييييييييين وفيييييييييييين يعنى مش فلتر هواء ولا فلتر بنزين

ده بيعيش عمر وزمن وده يقولى طرمبة باور

يلا الله يسامحه

**igneous** · 27-09-2010 02:53 PM

يا باشا انت جت علي اد كده و الحمد الله انا اتبهدلت اكتر منك و الناس مبقاش عندها ضمير
انا بس بستأذ ن سيادتك تديني عنوان الميكانيكي بتاعك
لان بما انك في المعادي ف انا بردوا بتعامل في المعادي بس مع واحد اسمه علاء بركات اكيد تسمع عنوا بس بحسوا مولعها شوية
ف لو انت ضامن الميكانيكي بتاعك لو سمحت عنوانوا و نمرتوا