الموضوع: بجد مشوفتش مهزلة اكتر من كدة !!!!

السلام عليكم ورحمة الله وبركاته

كل سنة وانتم طيبين ورمضان عليكوا كلكوا

معلش انا اسف استحمولنى لانى قرفان اوى ومتغاظ جدااااااااااااااااااااااا ااا

ولاننا اخوات كلنا فاستحمولنى ارجوكوا

انا بقه عندى عربية مرسيدس 200 موديل 82 تمام



العربية كانت تمام وكل حاجة ومفتحتش بوقها بقالها شهرين الحمدلله

قولت منا عندى تكييف ما استغله واشغله

روحت لمحمد سعيد بتاع تكييف سيارة اللى جمبى فى المعادى

روحتله وقولتله على اللى فيها وغيرلى خرطوم كان مخروم ب 140 جنية

وشحن التكييف ب 80 جنية وحبة كهرباء فى العربية والمصنعيه يعنى دخلتله فى 270 جنية

اول مبدات قدام الراجل اشغل التكييف لقيت صفارة زى سير التكييف وبيصفر صفير عالى قوى

وللعلم التكييف مشتغلش فى العربية بقاله سنة فالراجل قالى عايزة تغيير سير التكييف عشان مش حلو

واول مبدات اسرع مروحة التكييف السير ده اتقطع خالص

قولت ماشى مش مشكلة روحت جبته ب 25 جنية وقالى مش بركبه مش بعرف ( بس هوا بيعرف بس مش عايز لان تركيبه رخم ولازم يفك سير الباور والمروحه)

وكان يوم السبت فقولت مش مشكلة اركبه بكرة والحد معظم الميكانيكية مأجزين

فقولت الاتنين مش مشكلة وللعلم انا بتعامل مع ميكانيكى بتاع مرسيدس فعلا لانه مهندس فى التوكيل ولكنه فاتح ورشة خاصة ليه ومحترم جدا وقمة الزوق ومش بيمشينى الا لو العربية تمام وزى الفل بس للاسف كان فى مشوار يوم الاتنين

فروحت للراجل صاحب قطع الغيار عشان اجيب منه حجات تانية فيوزات ووش فانوس اشارة وحجات كدة

راح الراجل صاحب محل قطع الغيار قالى انتا ركبت السير وكدة قولتله لسه

راح قالى مش مشكلة مش محتاجة ميكانيكى جامد ده هيفك السيور ويركب بتاع التكييف و ويحطهم زى مكانوا

قولت ماشى مش مشكلة وديه غلطتى انى روح للميكانيكى اللى قالى عليه الحرامى

راح دلنى على واحد ميكانيكى وكدة وقال اية حاطط علامة مرسيدس فى وش المحل

وهوا اساسان ميعرفش الهوندا من الهيونداى

فقولتله انا جايلك من طرق كذة وعايزك تركبلى السير وكدة

فقالى ماشى فضلت قاعد لحد مركبه ودورت العربية وشغلت وكله تمام

وخد 40 جنية تركيب سيور وزفت

(((بمسافة مطلعلت على اخر الشارع وبلف عشان اروح لقيت اللى كنت مش متوقعة خاااااااااالص))

لقيت صوت عالى اوى تكتكه فى العربية وخفت اوى والصوت كان عالى جدا

نزلت بسرعة بحسب علبة الشكمان وقعت ملقتش حاجة

ببص تحت الكبوت لقيت سير التكييف والباور الاتنين مقطوعين وكمان سير المروحه او الدينامو اتاكل

اتصلت بالراجل الميكانيكى بقوله العربية حصل فيها كذة وكذة

راح بكل برود وغباء اصل العربية محتاجة طرونبة باور وابقى اكشف على طرونبة الكرنك وقالى انا بتاع مرسيدس يعنى مش هركب حجات غلط وهوا غبى ومش بيفهم حاجة

بقوله كرنك اية وطرنبة اية انتا لسه مركبلى الحجات ديه مبقلكش 5 دقايق وتقولى طرنبة وقرف

وشديت معاه ورحت قفلت واحد جزاه الخير قالى فى اية يا باشا بس وانا اعمله

قولتله حصل كذة وكذة وكذة وفتحتله الكبوت وشاف المنظر قالى مين اللى راكبلك الحجات ديه

قولتله واحد ميكانيكى هنا على اخر الشارع قالى يا باشا الحجات ديه كلها اتركبت غلط

وطلعلى السيور اللى مقطوعه زى الفتله بظبط وكنت بجد هعيط

يعنى 25 جنية وكمان 40 جنية وتتقطع وكمان لسه هجيب سيور تانية لانها اتقطعت زائد الباور والدينامو

سبت العربية زى مهيا وممشيتش

وروحت تانى يوم للحسينى اللى بتعامل معاه واللى شغال فى توكيل مرسيدس

جبتله سير باور ب 25 جنية وسير تكييف ب 20 وسير مروحه او دينامو ب 30

وركبهوملى وقالى نفس الكلمة مين اللى ركبلك الحجات ديه

شرحتله القصة وقالى ولا فى طرونبة بايظة ولا اى حاجة اللى ركب السيور ركبها غلط

المهم ركب الحجات وطلعلت جربت العربية بنفسى ولقتها تمام وبقالها يومين اهو

وادتله اللى فيه النصيب وانسان بجد فى قمة الزوق وغير كمان انه يعرف والدى فبيكرمنى فى السعر

انا دلوقتى بجد محروق من الراجل ده ومتغااااااظ لانه خد 40 جنية تركيب زائد 25 سير تكييف وغير تمن السيور اللى اتقطعت كلها بسببه يعتبروا فى الارض وانا مش بلاقى الفلوس فى الارض يا اخوانا ولا اية ؟؟

انا هاروح بجد للراجل ده بكرة وهاخد معايا والدى بقه نتصرف معاه لان بجد حرام اوى

وقولولى بقه اعمل اية ؟؟

واسف بجد انى طولت عليكوا

وكل سنة وانتوا طيبين