الموضوع: اوبل استرا هاتشباك الجديده 2010 ولا برافو

المشاركة الأصلية كتبت بواسطة karimalaa

+1 أسترا أفضل في الstability. بس لو انت بتحب الجري كفاية ان البرافو turbo فحتساعدك أكتر

انا بحب الجري بس مش عاوز اجري علشان الواحد بقى يخاف على نفسه
بس لو جبتها هطير مش هجري

المشاركة الأصلية كتبت بواسطة kamalsalem

بص سيبك من اي اعتبارات تانية

انا واحد صاحبي شقيق عمري من 17 سنه معاه ال2 فيات واوبل...
1- التكنولوجيا في الفيات غلط ومن الاخر ف فيات او الايطالي عامة كل ما تبسط في الاوبشنز والتصميم يبقى احسن... وبجد بص على المواقع العالمية هتلاقي الناس كلها بتشتكي من الايطالي في عمر الاكسسوار وطقم الكهرباء حتى في الالفا روميو وساعات الفيراري كمان
2- الالماني مش هتلاقي فيه كل الحبشتكانات بتاعة الفيات (البرافو من جوة انضف من صالون البيت لدرجة انه فيها تلاجة تشيل 2 كانز في المسند) بس عمر العربية اطول.... لكن برضه الاكسسوار بيريح (في كام فيكترا ف مصر ماشية بشاشة البيانات شغالة او مفاتيح التكييف كلها 100 100) ومشكلة الاوبل انه هتدفع دم قلبك في قطع الغيار وممكن تغير حاجات ومتعيش (صديقي ده مغير 3 فتايس اوتوماتيك في الفيكترا وبيقول ياريتني حاولت اصلح الفابريكة بتاعها)
3- على المدى الطويل قطع غيار الفيات بتظهر في السوق وفي الحرفيين اكتر

في النهاية القرار ليك والاستخارة مفتاح الهداية ان شاء الله.... وانا مش بحكم على شركة او موديل بالنجاح او الفشل انا بس بنقلك خبرة شخصية فردية من واحد معاه العربيتين

انت كده حيرتني اكتر

بس هل قطع غيار الاسترا اغلى بكتير من البرافو؟

المشاركة الأصلية كتبت بواسطة osamy

في كونتاكت مكتوب انها ب 145 او 150

دة الشكل القديم ،الشكل الجديد 2010 سعرها 175 ألف .
برضه منصحكش تجيب استرا عشان منصور شوف حاجة تاني .

المشاركة الأصلية كتبت بواسطة kamalsalem

م الاخر يا باشا... الفيات عايزة الركيب اللي هيعرف ياخد باله منها وتفضل فبريكا وان شاء الله متعملش مشاكل

الاوبل معمرة اكتر بس مش هنحس وانت جوا انه فيها حوارات كتير.... انزل اركب الاتنين وهتعرف انا بتكلم ف ايه.. وياريت تركبهم دايرين عشان تقدر انا بقول ايه... البرافو سفينة فضاء وهي دايرة

الاسترا هي و دايره مكوك يا كمال بك ،حاجة وهم .